Hiob 22:16 - BAIBLO ALOO NGMAMI KLƆUKLƆU Ɔ

¹⁶ Loko jamɛatsɛmɛ ɔmɛ a be maa su ɔ, pa nɛ hia kɛ bee ba sa mɛ kɛ a sipoku tsuo kɛ ho momo.

Hiob 22:16 ပူးပေါင်းရင်းမြစ်များ

Mose I, 7:11

Benɛ Noa ye jeha lafa ekpa a, jamɛ a jeha a we hlami enyɔne ɔ ligbi nɛ ji nyɔngma kɛ kpaago ɔ nɔ ɔ, zugba a nɔ nyu hɛngmɛhi babauu ɔ tsuo hia, nɛ hiɔwe saflɛ ɔmɛ tsuo bli,

Hiob 14:19

kaa bɔ nɛ nyu haa tɛ yeɔ, nɛ pa nɛ hia muɔɔ tabo zu kɛ yaa a, jã nɛ o haa nɛ nɔmlɔ adesa hɛ nɔ kami peeɔ yaka.

Hiob 15:32

Loko e nyagbe ɔ maa su ɔ, e ma na e hiɔwo sisiisi; e maa pee kaa tso nɛ ba mumu be e yi mi.

Hiob 21:13

A yeɔ a be ɔ ngɛ kplɔkɔtɔ mi, nɛ a gboɔ ngɛ tue mi jɔmi mi.

Hiob 21:18

Anɛ Mawu muɔ yayami peeli kɛ ho hyɛ kaa bɔ nɛ kɔɔhiɔ muɔɔ bunyuku, aloo bɔ nɛ ahumi muɔɔ tsakati kɛ yaa a lo?

Hiob 24:18

Yiwutsotsɛ ɔ, pa nɛ hia ba ngɔɔ lɛ kɛ yaa. A gbiɛ e weto ní nɛ ji e zugba a, nɛ e be ní tsue ngɛ e wai ngmɔ ɔ mi hu.

Hiob 36:14

A gboɔ ngɛ a nihe mi, ejakaa a hyɛ we a nɔmlɔ tso ɔ nɔ saminya. A gbenɔ peeɔ hɛ mi si puemi.

Hiob 4:19

Nɛ mo nɛ tabo zu lɛ a kɛ puɛ mo, nɛ o ngɛ kaa bunyuku kɛkɛ! Mo nɛ a ma nyɛ maa naa o nɔ kaa bɔ nɛ a naa wɔyewɔye nɔ ɔ, moo lɛɛ o susu kaa Mawu ma he mo maa ye lo?

La 102:24

Ye Mawu, mo nɛ o ngɛ daa! Koo ngɔ mi kɛ ho amlɔ nɛ ɔ, be mi nɛ i wɛ lolo.

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

La 90:5

O ngɔɔ wɔ kɛ yaa kaa bɔ nɛ pa muɔɔ níhi kɛ yaa a; wa wami be ɔ tsuo ngɛ kaa mahe nɛ a hwɔ. Wa ngɛ kaa hu nɛ puɛɔ flɔflɔɔflɔ mɔtu.

Abɛ Womi 10:27

Yawɛ gbeye yemi haa nɔ wami se kɛɔ; se yayami peeli lɛɛ a wami se kɛ we kulaa.

Fiɛlɔ 7:17

Se kɛ̃ ɔ, o yi mi ko wa tsɔ, nɛ o ko je kuasia hulɔ. Mɛni he je o ma gbo nɛ́ o be sui lolo ɔ?

Yesaya 28:2

Nyɔmtsɛ ɔ ngɛ he walɔ katsɛ ko nɛ ma ba tua mɛ. E maa ba kaa gbiɛ ngo ngu; e maa fo dɔ kaa hiɔmi nyu nɛ bee lalaala, nɛ haa pa hyiɔ kɛ ywiaa nga kɛ haa zugba a nɔ.

2 Petro 2:5

Mawu ngɔɛ blema bi ɔmɛ a he ngɔ ki mɛ, se mohu e ngɔ nyu kpekpemi kɛ kpata yayami peeli ɔmɛ a hɛ mi. Noa nɛ fiɛ ke a ye dami sane ɔ, e kɛ ni kpaago kpa komɛ pɛ lɛ Mawu he a yi wami.