Hiob 21:7 - BAIBLO ALOO NGMAMI KLƆUKLƆU Ɔ

⁷ Mɛni he je yayami peeli a se kɛɔ ngɛ je mi? Mɛni he je a peeɔ nimli nguahi, nɛ a bwɔɔ kotokoto loko a gboɔ ɔ?

Hiob 21:7 ပူးပေါင်းရင်းမြစ်များ

Hiob 12:19

E baa osɔfohi si, nɛ e butuu ni nɛmɛ nɛ he wami ngɛ a dɛ.

Hiob 12:6

Ojo fiali, kɛ nihi nɛ woɔ Mawu mi mi la a, a ngɛ tue mi jɔmi si himi mi; mɛ po nɛ a he wami ji a mawu ɔ.

Hiob 9:24

Mawu ngɔ je ɔ kɛ wo nimli yayamihi a dɛ mi. E ngɔ nɔ́ ngɔ ha kojoli ɔmɛ a hɛ mi. Ke pi Mawu nɛ pee ɔ, lɛɛ mɛnɔ lɛ pee?

La 17:10

Mɔbɔ nami ko be a mi; he nɔ womi munyuhi lɛ jeɔ a nya.

La 37:35

Yiwutsotsɛ kpanaku ko hi si; i le lɛ. E nɔ kuɔ kaa Lebanon seda tso.

Fiɛlɔ 7:15

Ye wami be ɔ he be se nami ko lɛɛ, se níhi tsuo nɛ ngɛ mi ɔ, i le. E pɔɔ mi bami kaa dalɔ hɛ mi kpataa, be mi nɛ yayami peelɔ mohu wami se kɛɔ.

Fiɛlɔ 8:14

Nɔ́ yayami ko nɛ yaa nɔ ngɛ je ɔ mi ji nɛ ɔ nɛ. Be komɛ ɔ, a ngɔɔ yayami peeli a tue gblami kɛ haa dali, nɛ a kɛ dali a ní kpakpahi a he hiɔwo mohu haa yayami peeli. I ngɛ dee ke nɔ́ nɛ ɔ hu dɛ blɔ.

Daniel 4:17

Mawu bɔfo ɔmɛ nɛ a nɔ tsɔ, nɛ a hɛngmɛhi ngɛ si poe ɔ, bɔ nɛ a de ji nɛ ɔ nɛ. Lɔ ɔ he ɔ, nihi tsuo pɛpɛɛpɛ nɛ a na nɛ a le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ, nɔmlɔ ngua jio, nɔmlɔ wayo jio.’

Habakuk 1:13

Se kɛ pee kɛɛ nɛ o ngɛ yiwutsotsɛmɛ nɛ ɔmɛ hyɛe nɛ o de we nɔ́ ko ɔ? Mo nɛ o hɛngmɛ ngɛ klɔuklɔu, nɛ o hyɛ we nɔ yayami, loo nɔ́ nɛ dɛ ɔ, mɛni he je nɛ o ngɛ hyɛe nɛ nimli yayamihi ngɛ dali a hɛ mi kpatae, nɛ o de we nɔ́ ko ɔ?