Hiob 21:22 - BAIBLO ALOO NGMAMI KLƆUKLƆU Ɔ

²² Mawu nɛ tsɔɔ nimli nguahi po nile ɔ, anɛ nɔ ko ma nyɛ maa kojo lɛ lo?

Hiob 21:22 ပူးပေါင်းရင်းမြစ်များ

Hiob 15:15

Hyɛ, Mawu bɔfo klɔuklɔu ɔmɛ po e kɛ e hɛ fɔ we a nɔ; mɛ nitsɛmɛ tete po a he tsɔ we ngɛ e hɛ mi.

Hiob 21:21

Ke nɔ ko gbo ɔ, anɛ e pa susuɔ bimɛ nɛ e si ngɛ se ɔ a he lo?

Hiob 35:11

Mawu ɔ nɛ pee wɔ ní leli pe lohwehi tsuo ɔ, a hla we e se blɔ.

Hiob 36:22

Na nɛ o le kaa Mawu ngɛ he wami; e kle pe tsɔɔli tsuo.

Hiob 36:23

Mɛnɔ lɛ maa tsɔɔ Mawu nɔ́ nɛ sa nɛ e pee? Mɛnɔ lɛ maa po e nya ke e pee yayami?

Hiob 38:3

Da si kaa nyumu, nɛ o ha mi sanehi nɛ ma bi mo ɔ a heto.

Hiob 4:18

Mawu tsɔli ɔmɛ ngɛ hiɔwe tete po Mawu he we mɛ yi. E bɔfo ɔmɛ nitsɛnitsɛmɛ po, e naa tɔmi ngɛ a he.

La 82:1

Mawu daa si ngɛ hiɔwe gua nguaa a mi. E ngɛ kojoli ɔmɛ a hɛ mi kae ke,

Fiɛlɔ 5:8

Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

Yesaya 45:9

Musu tloo nɔmlɔ adesa nɛ e kɛ e bɔlɔ ɔ sãã nya. Adesa ngɛ kaa zu buɛ ngɛ buɛ puɛlɔ dɛ mi. Anɛ zu biɔ buɛ puɛlɔ ɔ ke, “Mɛni lɛ o ngɛ puɛe ɔ?” aloo “Nɔ́ nɛ o puɛ ɔ be nine lo?”

Yeremia 23:18

I de ke, “Gbali nɛ ɔmɛ a ti mɛnɔ le nɔ́ nɛ ngɛ Yawɛ yi mi? A ti mɛnɔ nu Yawɛ sɛ gbi hyɛ, nɛ e ma de pohu ke e nu sisi? Aloo a ti mɛnɔ bu e munyu ɔ tue hyɛ, nɛ e pee kaa bɔ nɛ munyu ɔ tsɔɔ kaa a pee ɔ?

Romabi 11:34

Kaa bɔ nɛ ngmami ɔ deɔ ɔ, “Mɛnɔ lɛ le Nyɔmtsɛ ɔ juɛmi, aloo mɛnɔ lɛ wo lɛ ga hyɛ?

1 Korintobi 2:16

Kaa bɔ nɛ a ngma a, “Mɛnɔ lɛ le Nyɔmtsɛ ɔ juɛmi, nɛ e maa wo lɛ ga?” Wɔɔ lɛɛ bɔ nɛ Kristo susuu e yi mi ɔ, jã wɔ hu wa susuu wa yi mi.

1 Korintobi 6:3

Tse nyɛ le kaa nyɛ lɛ nyɛ maa kojo hiɔwe bɔfo ɔmɛ! Nɛ daa ligbi munyu tsɔwitsɔwi ɔ lɛɛ nyɛ be nyɛe maa kojo?

2 Petro 2:4

Bɔfohi nɛ pee yayami ɔ, Mawu ngɔɛ a he ngɔ ki mɛ, se mohu e tsitsɛɛ mɛ ngɔ wo gbeje muɔ mi. A fi mɛ ngɔ wo diblii mi, nɛ a maa hi mlɛe ngɛ lejɛ ɔ hluu kɛ yaa si kojomi ligbi ɔ.

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.