Hiob 21:20 - BAIBLO ALOO NGMAMI KLƆUKLƆU Ɔ

²⁰ Ha nɛ yayami peeli ɔmɛ nitsɛmɛ nɛ a ná a tue gblami ɔ. Ha nɛ Mawu Ope ɔ we abofu ɔ nɛ kple mɛ nitsɛmɛ a nɔ.

Hiob 21:20 ပူးပေါင်းရင်းမြစ်များ

Hiob 21:21

Ke nɔ ko gbo ɔ, anɛ e pa susuɔ bimɛ nɛ e si ngɛ se ɔ a he lo?

Hiob 21:30

Anɛ nyɛ li kaa ke amanehlu ba a, yiwutsotsɛmɛ lɛɛ a jeɔ mɛ kɛ jeɔ mi, nɛ a yeɔ a he lo?

Hiob 27:19

E ma ya hwɔ si kaa niatsɛ; se ke e te si ɔ, e maa na kaa e sika a tsuo ta.

Hiob 6:4

Mawu Ope ɔ tsɛ̃ mi kɛ̃ɛ̃, nɛ duɔ ɔ ngɛ nyɛɛe ngɛ ye he womi mi tsuo. Mawu ní gbeyegbeye ɔmɛ gba ta kɛ wo mi.

La 60:3

O ha o ma a na amanehlu nɛ nya wa; wa ngɛ didaae kaa nihi nɛ de dã.

La 75:8

Yawɛ hɛɛ kplu ko ngɛ e dɛ mi, nɛ dã kpakpa nɛ nya wa hyi lɛ tɔ. E maa po dã nɛ ɔ ha nimli yayamihi tsuo, nɛ a maa hi nue hluu kɛ yaa si dã a sisi tɔɔ.

La 75:9

Se imi lɛɛ ma ye Yakob Mawu ɔ he odase kɛ maa ya neneene; ma la kɛ je e yi daa.

Yesaya 51:17

Yerusalem, tee si! O hɛ nɛ tsɛ, nɛ o te si nɛ o da si! Amanehlu nɛ ngɛ kaa kplu nɛ Yawɛ kɛ abofu ngɔ ha mo ke o nu, konɛ e kɛ gbla o tue ɔ, o nu kɛ e sisi ɔ tsuo; nɛ enɛ ɔ ha o ngɛ si tataae.

Yeremia 31:30

Se mohu ɔ, ke nɔ ko pee yayami ɔ, lɛ nitsɛ e yayami ɔ lɛ maa gbe lɛ; nɔ tsuaa nɔ nɛ maa ye wai yiblii ngmlikiti ɔ, lɛ nitsɛ e lungu lɛ maa fĩa.”

Yeremia 51:7

Babilonia ngɛ kaa sika tsu kplu ko ngɛ ye dɛ mi nɛ ha je ɔ tsuo tɔ dã. Je ma amɛ tsuo nu wai ngɛ kplu nɛ ɔ mi, nɛ a fo godo.

Ezekiel 18:4

Ye níhi ji nimli ɔmɛ tsuo, tsɛ ɔ kɛ e bi ɔ, ye níhi ji mɛ tsuo; nɔ nɛ peeɔ yayami ɔ, lɛ nɔuu lɛ ma gbo.

Mose IV, 14:28

Nyɛ de mɛ ke imi Yawɛ, i ke, ‘Ligbi abɔ nɛ ye hɛ ngɛ nɛ ɔ, ma pee ha nyɛ kaa bɔ nɛ nyɛ bi ɔ.

Luka 16:23

Benɛ e ngɛ haomi nɛ nya wa mi ngɛ gbeje, nɛ e wo e yi nɔ nɛ e maa hyɛ ɔ, Abraham ji nɛ ngɛ lokoo, kɛ Lazaro ngɛ e kasa nya.

Kpojemi 19:15

Klaate nɛ nya ba je e nya mi, nɛ lɔ ɔ e kɛ maa fia je ma amɛ ní, nɛ e maa ye a nɔ kunimi. E maa ye tsɛ ngɛ a nɔ kɛ he wami kpetekpleenyɛ. E kɛ Mawu Ope ɔ we abofu, kɛ mi mi la ma kple a nɔ kaa bɔ nɛ a ngaa wai mi ngɛ wai ngami nɔ́ mi ɔ.