Hiob 21:19 - BAIBLO ALOO NGMAMI KLƆUKLƆU Ɔ

¹⁹ Nyɛ deɔ ke Mawu gblaa bimɛ a tue ngɛ a tsɛmɛ a he yayamihi a he. Dɛbi! Ha nɛ Mawu ɔ nɛ gbla yayami peeli ɔmɛ nitsɛmɛ a tue, konɛ a na kaa a he yayami ɔmɛ a he lɛ a ngɛ a tue gblae ɔ nɛ.

Hiob 21:19 ပူးပေါင်းရင်းမြစ်များ

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Ezekiel 18:2

“Abɛ nɛ ɔ nɛ kɔɔ zugba a he, nɛ Israel bi ɔmɛ ngɛ bue kpamisa ke, ‘Tsɛmɛ ɔmɛ ye wai yiblii ngmlikiti, nɛ bimɛ ɔmɛ mohu a lungu fĩa’ a, kɛ a ngɛ tsɔɔe kɛɛ ɔ?”

Yeremia 31:29

Ke jamɛ a be ɔ su ɔ, a be dee hu ke, ‘Tsɛmɛ ɔmɛ ye wai yiblii ngmlikiti nɛ bimɛ ɔmɛ a lungu fĩa.’

Yesaya 14:21

Nyɛɛ hyɛ nɛ nyɛɛ gbe a bimɛ ɔmɛ; nyɛ bɔni a hɛ mi kpatami koo! Matsɛ ɔ binyumu ɔmɛ ma gbo ngɛ a nɛmɛ ɔmɛ a he yayami ɔmɛ a he. Ke pi ja a, a ma ba te si ekohu; a maa ye je ɔ nɔ, nɛ a maa po mahi ha a he.”

Kpojemi 18:6

Bɔ nɛ e pee mo ɔ, pee lɛ ja nɔuu ngɔ to nane mi. Níhi nɛ e pee ɔ, pee lɛ ja totoe enyɔ ngɔ to nane mi. Dã nɛ e futu ha mo ɔ, mo futu dã nɛ nya wa kaa ja totoe enyɔ ngɔ wo e kplu ɔ mi ha lɛ.

2 Timoteo 4:14

Aleksandro, sɔlɔ ɔ ye mi sane yaya ko; nɔ́ yeyee nɛ e pee mi ɔ, Nyɔmtsɛ ɔ nɛ wo lɛ hiɔ.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Ezekiel 18:14

“Jehanɛ, waa ngɔ lɛ kaa nyumu nɛ ɔ hu ngɛ binyumu ko. Binyumu nɛ ɔ na bɔ nɛ e tsɛ ɔ ngɛ, kɛ e yayamihi nɛ e ngɛ pee ɔ tsuo; se e ye gbeye, nɛ e ya wo we e tsɛ ɔ nane.

La 54:5

Yayami nɛ ye he nyɛli ɔmɛ ngɛ hlae ha mi ɔ, Mawu, ha nɛ e kpale kɛ ba na mɛ nitsɛmɛ. Anɔkualetsɛ ji mo, lɔ ɔ he ɔ, kpata yayami peeli nɛ ɔmɛ a hɛ mi.

Mose V, 32:34

“Ke he nyɛli ɔmɛ pee Israel nɔ́ ko ɔ, Yawɛ hɛ ji nɔ; e mlɛɛ blɛuu kɛ ya siɔ be nɛ sa loko e gblaa a tue.

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Hiob 22:24

Mo sake o sika tsu ngɔ fɔ he; o sika tsu kpakpa a, hɛɛ ngɔ pue pa mi, ngɛ tɛhi a kpɛ.

Samuel II, 3:39

Imi lɛɛ a pɔ mi nu nɛ a wo mi matsɛ mohu, se mwɔnɛ ligbi nɛ ɔ, i pee kaa nɔ nɛ be he wami. Kikɛmɛ a Zeruya binyumu nɛ ɔmɛ a sane wa pe mi. Yawɛ nɛ wo yayami peelɔ ɔ hiɔ bɔ nɛ sa lɛ!”

Mose V, 32:41

ma duɔ ye klaate nɛ kpɛɔ nylamnylam ɔ nya, nɛ ma hyɛ nɛ a ye dami sane. Ma ye lue ngɛ he nyɛli ɔmɛ a nɔ; nihi nɛ sume mi ɔ, ma gbla a tue.

Mose I, 4:7

E ji o pee nɔ́ nɛ hi jinɛ i ko na o he bua jɔmi. Se akɛnɛ o ya pee we nɔ́ nɛ hi ɔ, yayami buu si ngɛ o sinya a nya kaa lohwe dikalɔ nɛ e miɔ nɛ e maa tu mla mo. Se, hyɛ nɛ o ye yayami ɔ nɔ.”

Mose IV, 14:18

‘Imi, Yawɛ, ye mi mi fu we mla, nɛ ye mɔbɔ nami hiɛ babauu; i ngɔɔ tɔmi kɛ yayami ngɔ paa. Se kɛ̃, i ha we nɛ yayami peeli yeɔ a he; mohu i kɛ tsɛmɛ a tɔmihi a he hiɔwo ɔ gblaa bimɛ kɛ bibimɛ a tue hluu kɛ ya siɔ yi nɔ etɛne, kɛ eywiɛne bi a nɔ.’