Hiob 21:16 - BAIBLO ALOO NGMAMI KLƆUKLƆU Ɔ

¹⁶ A deɔ ke, “Tsa pi nɔ ko nɛ wo wɔ ní; wɔ nitsɛmɛ lɛ wa tsu nɛ wa na.” Se a susumi nɛ ɔ, imi i ngɔɛ.

Hiob 21:16 ပူးပေါင်းရင်းမြစ်များ

Mose I, 49:6

I kɛ mɛ be soe kɔkɔɔkɔ, I kɛ mɛ be bɔe hulɔ, Ejakaa ke a mi mi fu ɔ, a gbeɔ nɔmlɔ, Nɛ a plaa nahi kɛ jeɔ a hɛja.

Hiob 1:21

Hiob de ke, “Maa fɔ mi kɛ ba he gu, nɛ ma kpale kɛ ya he gu. Yawɛ lɛ ha, nɛ Yawɛ lɛ ba ngɔ kɛ ho. A je Yawɛ biɛ ɔ yi!”

Hiob 10:3

Imi nɔmlɔ nɛ mo nitsɛ o bɔ ɔ, anɛ e da ha mo kaa o wa mi yi mi, nɛ o hie mi kikɛ nɛ ɔ, konɛ yiwutsotsɛmɛ a yi mi tomi yayami ɔmɛ lɛɛ o bua nɛ jɔ he lo?

Hiob 22:18

Se Mawu ɔ nɔuu lɛ haa a wehi hyi ɔ kɛ ní kpakpahi. Anɔkuale mi ɔ, yiwutsotsɛmɛ a yi mi tomi ɔ, imi lɛɛ i sume saasaa!

La 1:1

A gbaa nɔ nɛ bui nimli yayamihi a ga womi tue, nɔ nɛ kɛ yayami peeli bɔɛ, nɛ e hí he fɛu yeli a hi he;

Abɛ Womi 1:10

Ye bi, ke yayami peeli ngɛ mo mlɔɔe ɔ, koo nyɛɛ a se.

Abɛ Womi 5:8

Hɛɛ mo kɛ je yo kaa kikɛ nɛ ɔ he; e tsu nya tete po koo ya.

Fiɛlɔ 8:8

Nɔmlɔ adesa be he wami ngɛ e mumi nɔ; nɛ e be he wami ngɛ e gbenɔ be nɔ. Gbenɔ ngɛ kaa ta; nɔ ko be nyɛe maa tu nya fo. Yi wu tso ní peemi be nyɛe ma he nɔ ko yi wami.

Luka 16:2

Lɔ ɔ he ɔ, niatsɛ ɔ tsɛ e tsɔlɔ ɔ, nɛ e de lɛ ke, ‘Nɔ́ nɛ a ngɛ dee ngɛ o he ɔ, e ngɛ mi niinɛ lo? I be hae nɛ o hyɛ ye ní ɔmɛ a nɔ hu; ní tsumi nɛ i ngɔ kɛ wo o dɛ ɔ, ba bu he akɔtaa.’

Luka 16:25

“Se Abraham de lɛ ke, ‘Ye bi, kai kaa o wami be mi ɔ, o na ní kpakpahi babauu, be mi nɛ Lazaro lɛɛ e na ní yayahi sɔuu. Se piɔ lɛɛ e na bua jɔmi, nɛ moo lɛɛ o ngɛ nɔ́ nae.