Hiob 21:15 - BAIBLO ALOO NGMAMI KLƆUKLƆU Ɔ

¹⁵ A biɔ ke, “Mɛnɔ ji Ope ɔ nɛ saa kaa wa sɔmɔɔ lɛ ɔ? Ke wa fa kue ha lɛ ɔ, mɛni se wa ma na?”

Hiob 21:15 ပူးပေါင်းရင်းမြစ်များ

Hiob 22:17

Nimli nɛ ɔmɛ ji nihi nɛ kua Mawu, nɛ a biɔ a he ke, “Mɛni Ope ɔ ma nyɛ maa pee wɔ?”

Hiob 22:3

Ke o peeɔ nɔ́ nɛ da a, anɛ Ope ɔ naa bua jɔmi ko ngɛ lɔ ɔ he lo? Ke sé ko be o he ɔ, anɛ Mawu naa nɔ́ ko ngɛ mi lo?

Hiob 34:9

E deɔ ke e he be se nami kaa nɔ ko nɛ pee Mawu suɔmi nya ní.

Hiob 35:3

E sɛ po kaa o biɔ Mawu ke, “Ke i pee yayami ɔ, mɛni lɔ ɔ kɔɔ ngɛ o he? Mɛni se i naa kaa i pee we yayami ko?”

La 12:4

A deɔ ke, “Wa ngɔɔ wa nya mi munyu kɛ naa nɔ́ tsuaa nɔ́ nɛ wa ngɛ hlae. Nɔ́ tsuaa nɔ́ nɛ wa suɔ kaa wa ma de ɔ, wa ma de. Mɛnɔ ma nyɛ maa tsi wa nya?”

La 73:13

Hyɛ kaa i tsu ye he nɛ mu ko be ye he! Hyɛ kaa i pee ye he klɔuklɔu! Lɛɛ tse enɛ ɔ tsuo peeɔ yaka?

Mose II, 5:2

Se Farao ɔ bi mɛ ke, “Mɛnɔ ji jamɛ a Yawɛ ɔ? Mɛni he je nɛ e sa kaa ma bu e gbi tue nɛ ma ha Israel nɛ ho ɔ? I li Yawɛ nɛ ɔ, nɛ pohu i be hae nɛ a ya.”

Abɛ Womi 30:9

Ke i na ní kpɔtɔɔ ɔ, ma kua mo, nɛ ma de ke, “Mɛnɔ kulaa ji Yawɛ nɛ ɔ?” Jã kɛ̃, ke i ye ohia a, ma ju, nɛ ma wo ye Mawu ɔ he mu.

Yesaya 30:11

Nyɛ ko nyɛɛ Yawɛ se; nyɛɛ gu he kpa! Wa hla we nɛ waa nu nyɛ, Israel Mawu klɔuklɔu ɔ he sane ko!”

Yesaya 45:19

I tu we munyu ngɛ laami mi; ye yi mi tomi fɔɔ si paa. I de we Israel ma a ke a ya hla mi ngɛ nga pã. Imi ji Yawɛ, anɔkuale pɛ i tuɔ; nɔ́ nɛ da a, lɔ ɔ pɛ i deɔ.”

Yeremia 9:6

A peeɔ yi wu tso níhi nɔtonɔto; jã kɛ̃ nɛ a sisiɔ nɔ. Yawɛ ke e ma mi bi ɔmɛ kua lɛ.

Hosea 13:6

Se benɛ nyɛ ye ní nɛ nyɛ tɔ saminya a, nyɛ wo nyɛ he nɔ, nɛ nyɛ hɛ je ye nɔ.

Malaki 3:14

Ɛ̃ɛ̃, nyɛ deɔ ke, ‘Mawu jami he be se nami; ke wa ye Yawɛ Tabohiatsɛ ɔ mlaa amɛ a nɔ, nɛ wa pee mɔbɔmɔbɔ kaa nihi nɛ a he yayami ngɛ mɛ dɔe ɔ, mɛni se wa ma na?

Mateo 7:7

“Nyɛ bi, nɛ a ma ha nyɛ; nyɛ hla, nɛ nyɛ maa na; nyɛ si, nɛ a ma bli sinya a ha nyɛ.

Yohane 16:24

Kɛ ba si piɔ ɔ, nyɛ bi we nɔ́ ko hyɛ ngɛ ye biɛ mi. Nyɛ bi, nɛ a maa pee ha nyɛ; kɛkɛ ɔ, nyɛ ma na bua jɔmi babauu.