Hiob 20:6 - BAIBLO ALOO NGMAMI KLƆUKLƆU Ɔ

⁶ Ke e nɔ kuɔ kɛ ya su hiɔwe, nɛ e yi ya pi bɔku po,

Hiob 20:6 ပူးပေါင်းရင်းမြစ်များ

Mose I, 11:4

A de ke, “Nyɛ ha nɛ waa po ma ngua ko ngɔ ha wa he, nɛ waa ma mɔ nɛ e yi mi nɛ ya su hiɔwe. Ke wa pee ja a, wa ma na biɛ, nɛ wa be gbɛe ngɔ fia zugba a nɔ tsuo.”

Yeremia 51:53

Ke Babilon kuɔ kɛ ho hiɔwe ya nɛ e ya ma mɔ nɛ he wa ngɛ lejɛ ɔ tete po, ma tsɔ nihi kɛ ya lejɛ ɔ nɛ a ya kpata e hɛ mi. Imi, Yawɛ lɛ i de.”

Daniel 4:11

Tso ɔ ba wa agbo nɛ e ka gagaa kɛ ya su hiɔwe, nɛ a na lɛ ngɛ je ɔ mi he tsuaa he.

Daniel 4:22

“Nɛnɛ, mo ji jamɛ a tso gagaa a nɛ he wa a nɛ. O kle, nɛ o nɔ kuɔ kɛ ya su hiɔwe tɔɔ, nɛ o ngɛ he wami ngɛ je ɔ tsuo nɔ.

Amos 9:2

Ke a tsua si kɛ ho gbeje ya tete po, ma ya gbla mɛ ngɛ lejɛ ɔ kɛ je kpo. Nɛ ke a kuɔ kɛ ya hiɔwe po, ma ha a ma kple kɛ ba zugba.

Mateo 11:23

Nɛ mo, Kapernaum, tse o ngɛ blɔ hyɛe kaa a ma wo o nɔ kɛ ya hiɔwe lokoo? Siu! Dla o he! Abosiami la a mi mohu a ma sake mo kɛ fɔ! Nyakpɛ ní babauu nɛ a pee ngɛ o mi ɔ, a ya pee ngɛ Sodom jinɛ e ko hi si kɛ ba si mwɔnɛ ɔ.