Hiob 20:21 - BAIBLO ALOO NGMAMI KLƆUKLƆU Ɔ

²¹ Ke e ye ní ɔ, eko kulaa píɛ ngɛ se. Enɛ ɔ he je ɔ, ní nami ɔ se maa po.

Hiob 20:21 ပူးပေါင်းရင်းမြစ်များ

Hiob 15:21

E tue mi maa hi ngmlɛ fiae kɛ wo e he gbeye. Be mi nɛ e susu kaa e ngɛ he jɔmi mi ɔ, ojo fiali ma ba tua lɛ tlukaa.

Hiob 15:29

E ní nami ɔ se be kɛe; e nɔ́ tsuaa nɔ́ hɛ mi ma kpata. Lɛ nitsɛ e nini tete po maa laa,

Hiob 18:19

E be bi, loo nina ngɛ e ma mi bi ɔmɛ a kpɛti; he nɛ e hi be ko ɔ, e nina ko be lejɛ ɔ.

Yesaya 5:8

Musu tloo nyɛ! Wehi babauu, kɛ zugbahi nyɛ ngɛ hee kɛ ngɛ ní nɛmɛ nɛ nyɛ ngɛ momo ɔ a he piɛe. E be kɛe kulaa nɛ nɔ kpa ko be he ko nae maa hi hu, nɛ e maa piɛ nyɛ pɛ ngɛ zugba a nɔ.

Yesaya 5:9

I nu nɛ Yawɛ Tabohiatsɛ ɔ de ke, “Wehi nɛ kle, nɛ a he ngɛ fɛu nɛ ɔ tsuo ma ba pee we dokuhi.

Yeremia 17:11

Nɔ nɛ náá ní ngɛ blɔ nɛ dɛ nɔ ɔ, e ngɛ kaa bebee nɛ ya bu hlui nɔ nɛ e pɛ bi, nɛ pohu pi lɛ nɛ ngmɛ hlui ɔ. E nihe mi ɔ, e dɛ mi ma ba ta; nɛ e nyagbe be mi ɔ, e ma ba pee kuasia.

Amos 3:10

Yawɛ ke, “Nimli nɛ ɔmɛ a mɔ ɔmɛ hyi tɔ kɛ níhi nɛ a gu ju kɛ yi mi wami blɔhi a nɔ kpɔ ngɛ nihi a dɛ. Bɔ nɛ a yeɔ anɔkuale po, a li.

Amos 3:11

Lɔ ɔ he ɔ, he nyɛli ma ba sa ma a yi. A maa ywia a mɔ ɔmɛ, nɛ a maa ha ní ngɛ a we saminyawiiwi ɔmɛ a mi.”