Hiob 20:19 - BAIBLO ALOO NGMAMI KLƆUKLƆU Ɔ

¹⁹ Ejakaa e wa ohiatsɛmɛ yi mi, nɛ e kua mɛ; wehi nɛ nihi ma a, e kpɔ ngɛ a dɛ pani nya.

Hiob 20:19 ပူးပေါင်းရင်းမြစ်များ

Hiob 35:9

Ke a ngɛ nimli adesahi yi mi wae ɔ, a kpaa ngmlaa kɛ tsɛɔ balɔ.

Abɛ Womi 14:31

Nɔ nɛ waa ohiatsɛ yi mi ɔ, Mawu ɔ nɛ bɔ ohiatsɛ ɔ e ngɛ jɛe ɔ nɛ. Se nɔ nɛ naa ni nɛmɛ nɛ e fi mɛ mɔbɔ ɔ, e ngɛ Mawu hɛ mi nyami woe.

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Yakobo 2:6

Se nyɛ pueɔ ohiatsɛmɛ ɔmɛ a hɛ mi si. Anɛ pi niatsɛmɛ ɔmɛ nɛ waa nyɛ yi mi ɔ? Anɛ pi mɛ nɛ a ngɔɔ nyɛ kɛ yaa kojomi he ɔ?

Mika 2:9

Nyɛ fie yi ɔmɛ ngɛ ye ma a mi kɛ je a we kpakpa amɛ a mi, nɛ a bimɛ ɔmɛ lɛɛ nyɛ kpɔ ye gbaami ɔmɛ tsuo ngɛ a dɛ.

Mika 2:2

A hɛ kɔɔ nihi a zugbahi a nɔ, nɛ a kpɔɔ zugba amɛ pani nya; ke we ko nɛ muɔ a hɛ hu, a ngɔɔ faa. A kpɔɔ nihi a wehi ngɛ a dɛ, nɛ a juɔ a weto níhi.

Ezekiel 22:29

Zugba a nɔ bi ɔmɛ tsuo yeɔ amimi, nɛ a haa níhi; a waa dɛgutsɛ, kɛ ohiatsɛmɛ yi mi. A yeɔ nubwɔ amimi wawɛɛ nitsɛ nɛ a yɛ se.

Kɔmɔ Yemi 3:34

Ke a wo wɔ tsu, nɛ wa mumi nya ngɛ tae ɔ, Nyɔmtsɛ ɔ le.

Fiɛlɔ 5:8

Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

Fiɛlɔ 4:1

Jehanɛ se hu, i na kaa yi mi sɔuu lɛ a ngɛ wae ngɛ je ɔ mi. Nɔ́ nali ngɛ ya foe, nɛ nɔ ko be nɛ maa jɔɔ a bua. Bua wolɔ ko be mɛ, ejakaa nihi nɛ ngɛ mɛ yi mi wae ɔ, he wami ngɛ a dɛ.

La 12:5

Se Yawɛ ke, “Akɛnɛ a ngɛ ohiatsɛmɛ yi mi wae, nɛ dɛgutsɛmɛ ngɛ kɛmɛe he je ɔ, jehanɛ lɛɛ ma te si, nɛ ma ha mɛ he jɔmi nɛ a ngɛ hlae ɔ.”

La 10:18

Moo ye awusahi, kɛ nɔ́ nali a sane ha mɛ, konɛ nɔmlɔ adesa kó wo a he gbeye hu.

Hiob 22:6

Ke o nyɛmi hɛɛ mo hiɔ nɛ e nyɛ we nɛ e wo mo ɔ, o kpaa bo ngɛ e he, nɛ o haa nɛ e hɛɛɔ e he gu.

Hiob 18:15

Nɔ́ ko nɔ́ ko be piɛe ngɛ e sihi he ɔ. La nɛ ngɛ tsoe plamplam maa sã e bo tsu ɔ.

Matsɛmɛ I, 21:19

De lɛ ke imi Yawɛ, i ngɛ lɛ bie ke, ‘Nɛ o gbe nyumu ɔ, o ma pa ngɔ e weto ní ɔ kɛ pee o nɔ lo?’ De lɛ ke bɔ nɛ i de ji nɛ ɔ nɛ: ‘He nɛ gbe ɔmɛ lɔ Nabot muɔ ngɛ ɔ, lejɛ ɔ nɔuu a ma lɔ mo hu o muɔ ngɛ!’ ”

Mose V, 28:33

Nyɛ zugba a nɔ niba ní nɛ nyɛ gbo he dengme ɔ hu, je ma ko nɛ nyɛ li ma ba ye lɛ tsuo; nyɛ be nɔ́ kpakpa ko nae, se a maa wa nyɛ yi mi, nɛ a maa pee nyɛ posoo kaa zugba zu.

La 12:6

Yawɛ siwo ɔmɛ ɔ, anɔkuale sɔuu. A ngɛ kaa sika hiɔ nɛ a tsu he si kpaago ngɛ flɔɔnɔɔ mi.

Amos 5:11

I le kaa nyɛ peeɔ yayami agboagbohi babauu. Nyɛ waa nimli kpakpahi yi mi. Nyɛ heɔ nyɔ mi ní. Nyɛ sisiɔ ohiatsɛmɛ, nɛ nyɛ plɛɔ dami sane hɛ mi ngɔ buɔ si. Enɛ ɔmɛ a he je ɔ, mɔ kpakpahi nɛ nyɛɛ kɛ tɛ ma a, nyɛ be a mi hie. Jehanɛ se hu, wai ngmɔ saminyawiiwi nɛ nyɛ pee ɔ, nyɛ be a mi dã nue.