Hiob 20:11 - BAIBLO ALOO NGMAMI KLƆUKLƆU Ɔ

¹¹ Nɔmlɔ tso kɛ e he nihe nyu tsuaa a ma plɛ pee zu.

Hiob 20:11 ပူးပေါင်းရင်းမြစ်များ

Hiob 13:26

O po ye nya wawɛɛ nitsɛ; yayamihi nɛ i pee ye nihe be mi hu o ngɔ kɛ piɛ he.

La 25:7

Yawɛ, yayamihi nɛ i pee, kɛ tɔmihi nɛ i tɔ ngɛ ye nihe mi ɔ, ko kai hu. Mohu ɔ, o suɔmi nɛ ngɛ daa, kɛ kpakpa nɛ o peeɔ he je ɔ, o hɛ ko je ye nɔ.

Hiob 21:26

Nimli nɛ ɔmɛ tsuo gboɔ, nɛ a puɔ mɛ ngɛ zu mi, nɛ gɔgɔ ba haa mɛ tsuo a nɔ.

Yohane 8:24

Enɛ ɔ he nɛ i de nyɛ ke nyɛ ma gbo kɛ nyɛ he yayami ɔ nɛ. Niinɛ, nyɛ ma gbo kɛ nyɛ he yayami ɔmɛ ke nyɛ he we yi kaa imi ji nɔ nɛ i ji ɔ.”

Ezekiel 32:27

A pu we mɛ kaa bɔ nɛ a puɔ katsɛmɛ blema a. Blema a, a puɔ katsɛ kaa nɔ ko nɛ mia e ta hwumi ní kɛ yaa gbeje: a ngɔɔ e klaate kɛ hɔɔ e yi sisi, nɛ a kɛ e tsɛ̃i haa e nɔmlɔ tso ɔ he. Katsɛmɛ nɛ a wo a hɛ mi nyami kikɛ nɛ ɔ ji nihi nɛ a he sawale nuɔ je ɔ nɛ.

Ezekiel 24:13

Yerusalem, o yahomi basaa nɛ puɛ mo ɔ ji kana a nɛ. I gbo dengme kɛ bɔ o he mɔde, konɛ o he nɛ tsɔ; se mu ɔ ngɛ o he kpamisa. Lɔ ɔ he ɔ, o he be tsɔe kɛ je o mu ní peemi ní ɔmɛ a mi hu kɛ yaa si be nɛ ma ngɔ mi mi la kɛ gbla o tue wawɛɛ.

Ni Tsumi 1:25

konɛ e sɔmɔ kaa bɔfo ngɛ Yuda nane mi. Yuda je wa he kɛ ho he nɛ sa kaa e hi ɔ ya.”

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

Hiob 19:20

I ta he lo nɛ i pee kanyakanya; i kɛ gbenɔ wa kpɛti kɛ we kulaa.

Yohane 8:21

Yesu kpale de ni ɔmɛ ke, “Imi lɛɛ i yaa! Nyɛ ma hla mi, se nyɛ ma gbo kɛ nyɛ he yayami. He nɛ i yaa a, nyɛ be nyɛe maa ba.”

Hiob 21:23

Ni komɛ hii nɔmlɔ tso he wami hluu kɛ ya siɔ a gbenɔ be. A plɔkeɔ nɛ a peeɔ tɔfutɔfu, nɛ a gboɔ kɛ bua jɔmi ngɛ tue mi jɔmi mi.

Hiob 17:16

Anɛ hɛ nɔ kami kɛ mi maa ya gbeje lo? Anɛ e kɛ mi maa ya zu mi lo?