Hiob 2:8 - BAIBLO ALOO NGMAMI KLƆUKLƆU Ɔ

⁸ Hiob ho ya hi la zu mi, nɛ e ngɔ ngɛyu kɛ ngɛ e he hluae.

Hiob 2:8 ပူးပေါင်းရင်းမြစ်များ

Samuel II, 13:19

Tamar muɔ la zu kɛ pue e yi mi, nɛ e hía tade klɔii saminyayoo ɔ nɛ e wo ɔ. E kɛ e nine kpla e yi, nɛ e ma blɔ; nɛ e ngɛ ya foe boboobo kɛ ho.

Ester 4:1

Benɛ Mordekai na le níhi tsuo nɛ a pee ɔ, e kɛ hía e tade ɔmɛ ngɛ e he. E ha kpekpe ya bo, nɛ e muɔ la zu ngɔ pue e yi mi; kɛkɛ nɛ e je kpo kɛ nyɛɛ ma a mi kɛ ya boboobo, hluu

Ester 4:3

He tsuaa he nɛ a fiɛ matsɛ ɔ mlaa a kɛ ya su ɔ, Yuda bi ɔmɛ nyaa awe, nɛ a yeɔ kɔmɔ. A haa hwɔ, nɛ a woɔ yana kɛ ngmlaa. Nihi babauu nitsɛ ha kpekpe ya bo, nɛ a hwɔ la zu mi.

Hiob 2:9

Jehanɛ, e yo ɔ de lɛ ke, “Tse o ngɛ anɔkuale ɔ yee kɛ mwɔɔ! Gbiɛ Mawu, nɛ o gbo!”

Hiob 42:6

Nɔ́ nɛ i pee ɔ dɔ mi. Lɔ ɔ he ɔ, i kɛ tabo zu kɛ la zu to okadi kaa i pia ye he niinɛ.

La 38:5

Ye pa amɛ sa, nɛ a he fu; ejakaa i je kuasia.

La 38:7

Ye se fɛ, nɛ e ngɛ mi sããe hɛii kaa la; ye he mi tsuo puɛ.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Yeremia 6:26

Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.

Ezekiel 27:30

Mɛ tsuo a ngɛ ya foe wawɛɛ ha mo; a ngɔ zu kɛ pue a yi mi, nɛ a ngɛ si wuwluae ngɛ la zu mi.

Yona 3:6

Benɛ Nineve matsɛ ɔ nu he ɔ, e te si ngɛ e sɛ ɔ nɔ. E kpa e he ablade bo ɔ, nɛ lɛ hu e bu kpekpe ya bo, nɛ e hi si ngɛ la zu mi ngɛ zugba.

Mateo 11:21

“Korazin, musu tloo mo! Betsaida, mo hu musu tloo mo! Nyakpɛ ní babauu nɛ a pee ngɛ nyɛ mi ɔ, a ya pee ngɛ Tiro, kɛ Sidon mohu jinɛ a tsake a tsui momoomo. Jinɛ Tiro, kɛ Sidon bi ma bu kpekpe ya bo, nɛ a maa ngɔ a he kɛ wuwlua la zu mi kɛ tsɔɔ kaa a tsake a tsui niinɛ.