Hiob 2:13 - BAIBLO ALOO NGMAMI KLƆUKLƆU Ɔ

¹³ Kɛkɛ nɛ a ba hi si ngɛ e kasa nya ngɛ zugba nyɔ kɛ pia ligbi kpaago sɔuu. Nɔ ko nɔ ko kɛ lɛ tu we munyu jamɛ a be ɔ tsuo, ejakaa a na kaa e ngɛ nɔ́ nae wawɛɛ nitsɛ.

Hiob 2:13 ပူးပေါင်းရင်းမြစ်များ

Mose I, 50:10

Benɛ a su ngma mi sami he ɔ ngɛ Atad, ngɛ Yordan pa a beleku je ɔ, a wo yana wawɛɛ ngɛ lejɛ ɔ be saii; nɛ Yosef pee kusumi kɛ nyɛ ya ligbi kpaago.

Ezekiel 3:15

Kɛkɛ nɛ i ba su Tel Abib ngɛ Kebar pa a nya. Nihi nɛ a nuu kɛ ho ma se ya a, lejɛ ɔ ji he nɛ a ngɛ. I hi lejɛ ɔ ligbi kpaago sɔuu; nɛ nɔ́ nɛ i na, kɛ nɔ́ nɛ i nu ɔ wo ye he gbeye, nɛ ye he mi po.

Nehemia 1:4

Benɛ i nu amaniɛ nɛ ɔ, i hi si nɛ i fo ya. I ye kɔmɔ ligbi babauu, nɛ i ha hwɔ. I sɔle nɛ i tsɛ Mawu ke,

Yesaya 3:26

Ma a agbo ɔmɛ a nya maa pee mɔbɔmɔbɔ kɛ ya; nɛ ma a nitsɛ lɛɛ e maa pee kaa yo nɛ hɛɛ e he gu kɛ hii si ngɛ zugba.

La 77:4

Nyɔ ɔ mi tsuo i hwɔ we mahe, kikɛ nɛ ɔ ye hɛngmɛ fɔɔ si paa. I hao tsɔ, nɛ i nyɛ we ma tu munyu.

Mose I, 1:8

Mawu wo nɔ́ ɔ biɛ ke “Hiɔwe”. Nɛ je jɔ, nɛ je na; nɛ e pee ligbi nɛ ji enyɔ.

Mose I, 1:5

E wo la a biɛ ke “Piani” nɛ e tsɛ diblii ɔ ke “Nyɔ.” Nɛ je jɔ, nɛ je na; nɛ e pee kekleekle ligbi.

Ezra 9:3

Benɛ i nu nɔ́ nɛ ɔ, i hía ye he tade sisi nɔ́, kɛ nɔha nɔ́ ɔ tsuo. I bɔni ye yi bwɔmi, kɛ ye kpɛni fami, nɛ i pee basaa kɛ hii si.

Yesaya 47:1

Yawɛ ke, “Babilon, mo kple si kɛ je matsɛ sɛ ɔ nɔ! Ba hi si ngɛ zugba, ngɛ bunyuku mi! Be ko nɛ be ɔ, o ngɛ kaa yomiyo, se jehanɛ lɛɛ a be mo hɛɛ dɔdɔɔdɔ hu!

Hiob 3:1

Jehanɛ, Hiob wo e nya nɔ nɛ e gbiɛ ligbi ɔ nɛ a fɔ lɛ ɔ.

Kɔmɔ Yemi 2:10

Yerusalem nimeli ɔmɛ hii si dii ngɛ zugba. A ngɔ bunyuku ngɔ pue a yi mi, nɛ a ha kpekpe ya bo kɛ tsɔɔ kaa a pia a he. Yihewi ɔmɛ ngɔ a hɛ mi kɛ bu si.