Hiob 2:12 - BAIBLO ALOO NGMAMI KLƆUKLƆU Ɔ

¹² Benɛ a ma ngɛ tsitsaa a, a na Hiob, se a yo we lɛ. Benɛ a ba yo lɛ ɔ, a wo yana nɛ a nya awe. A kɛ aywilɛho hía tade ɔmɛ ngɛ a he, nɛ a fĩa bunyuku kɛ ho hiɔwe ya kɛ pue a yi mi.

Hiob 2:12 ပူးပေါင်းရင်းမြစ်များ

Mose I, 27:34

Benɛ Esau nu munyu nɛ ɔ, e kɛ aywilɛho kpa ngmlaa wawɛɛ nitsɛ, nɛ e de e tsɛ ɔ ke, “Oo Tsaatsɛ, moo gbaa imi hulɔ!”

Samuel II, 13:36

Benɛ e gbe e munyu ɔ nya pɛ kɛkɛ nɛ matsɛbinyumu ɔmɛ ba hia si ngɛ lejɛ ɔ. A hɛ dɔ, nɛ a wo yana. Kɛkɛ nɛ matsɛ ɔ kɛ e tsɔli ɔmɛ tsuo wo yana kɛ piɛ a he.

Ezra 9:3

Benɛ i nu nɔ́ nɛ ɔ, i hía ye he tade sisi nɔ́, kɛ nɔha nɔ́ ɔ tsuo. I bɔni ye yi bwɔmi, kɛ ye kpɛni fami, nɛ i pee basaa kɛ hii si.

Nehemia 9:1

Jamɛ a nyɔhiɔ ɔ ligbi nyingmi enyɔ kɛ eywiɛne ɔ nɔ ɔ, Israel bi ɔmɛ ba kpe konɛ a ha hwɔ, nɛ a pia a he ngɛ a yayami ɔmɛ a he. Jamɛ a be ɔ mi ɔ, Israel bi ɔmɛ tsɔ a he kɛ je nibwɔ ɔmɛ tsuo a he momo. Israel bi ɔmɛ bu kpekpe ya bo, nɛ a ngɔ bunyuku ngɔ pue a yi mi kɛ ye kɔmɔ. Jehanɛ, a da si nɛ a bɔni mɛ nitsɛmɛ, kɛ a nɛmɛ ɔmɛ a he yayamihi nɛ a pee ɔ jajemi.

Ester 4:1

Benɛ Mordekai na le níhi tsuo nɛ a pee ɔ, e kɛ hía e tade ɔmɛ ngɛ e he. E ha kpekpe ya bo, nɛ e muɔ la zu ngɔ pue e yi mi; kɛkɛ nɛ e je kpo kɛ nyɛɛ ma a mi kɛ ya boboobo, hluu

Hiob 1:20

Kɛkɛ nɛ Hiob te da si, nɛ e kɛ aywilɛho hía tade ɔmɛ ngɛ e he, nɛ e sã e yi nɔ. E kpla si, nɛ e ngɔ e hɛ mi ngɔ bu si, nɛ e ja Mawu.

Hiob 19:14

Ye weku li je ye he, nɛ ye huɛ kpakpahi a hɛ je ye nɔ.

Kɔmɔ Yemi 2:10

Yerusalem nimeli ɔmɛ hii si dii ngɛ zugba. A ngɔ bunyuku ngɔ pue a yi mi, nɛ a ha kpekpe ya bo kɛ tsɔɔ kaa a pia a he. Yihewi ɔmɛ ngɔ a hɛ mi kɛ bu si.

Ezekiel 27:30

Mɛ tsuo a ngɛ ya foe wawɛɛ ha mo; a ngɔ zu kɛ pue a yi mi, nɛ a ngɛ si wuwluae ngɛ la zu mi.

Yoshua 7:6

Kɛkɛ nɛ Yoshua kɛ Israel ma nimeli ɔmɛ kɛ aywilɛho hía a tade ɔmɛ ngɛ a he, nɛ a ya bu si ngɛ Yawɛ somi daka a hɛ mi kɛ a yi mi zu kɛ ye kɔmɔ kɛ ya si gbɔkuɛ.

Kpojemi 18:19

A kɛ zu wo a yi mi, nɛ a wo yana, nɛ a nya awe. A kpa ngmlaa, nɛ a de ke, “Tsaoo! Akuanyɛ ha ma kpetekpleenyɛ ɔ! Lɛtsɛmɛ tsuo nɛ yeɔ jua ngɛ wo hɛ mi ɔ gu ní babauu nɛ e na a nɔ ba plɛ niatsɛmɛ. Nɛ ngmlɛfia kake too mi ɔ, ní babauu nɛ e na a tsuo bɔ lɛ!”

Manyadali 2:4

Benɛ Yawɛ bɔfo ɔ tu Israel bi ɔmɛ munyu nɛ ɔ, ma a tsuo wo yana.

Samuel I, 11:4

Tsɔli ɔmɛ ba su Gibea, he nɛ Saul ngɛ ɔ. Benɛ a bɔ ma a amaniɛ ɔ, ma a wo yana yuuyuuyuu.

Samuel I, 30:4

Kɛkɛ nɛ David kɛ e we bi ɔmɛ wo yana hluu kɛ ya si a he wami ta.

Samuel I, 4:12

Nyumu ko nɛ je Benyamin wɛtso ɔ mi gbɔ fo kɛ je ta nga a nɔ kɛ ba Shilo jamɛ a ligbi ɔ nɔuu kɛ e he tade nɛ hía, kɛ e yi mi zu.