Hiob 2:11 - BAIBLO ALOO NGMAMI KLƆUKLƆU Ɔ

¹¹ Amanehlu nɛ ba Hiob nɔ ɔ, e huɛmɛ etɛ komɛ nu he, nɛ a je he slɔɔtohi kɛ ba konɛ a ba ye lɛ kɔmɔ nɛ a wo lɛ bua. Huɛmɛ ɔmɛ ji Elifaz nɛ je Teman ma a mi, Bildad nɛ je Shua zugba a nɔ, kɛ Zofar nɛ je Naama zugba a nɔ.

Hiob 2:11 ပူးပေါင်းရင်းမြစ်များ

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

Hiob 42:11

Hiob nyɛminyumuhi, e nyɛmiyihi, kɛ nihi nɛ le lɛ sa a tsuo ba slaa lɛ nɛ a kɛ lɛ ba ye ní ngɛ e we ɔ mi. A ye lɛ kɔmɔ nɛ a jɔɔ e bua ngɛ haomihi tsuo nɛ Yawɛ kɛ ba e nɔ ɔ a he. A ti nɔ tsuaa nɔ ke lɛ sika, kɛ sika tsu ga.

Yeremia 49:7

Bɔ nɛ Yawɛ Tabohiatsɛ ɔ de ngɛ Edom he ji nɛ ɔ nɛ: “Anɛ Edom bi ɔmɛ a juɛmi ɔ ta lo? Anɛ a ga woli ɔmɛ wui mɛ ga hu lo? Anɛ a nile ɔ se po lo?

Abɛ Womi 17:17

Huɛmɛ suɔ a he be tsuaa be, se nyɛmimɛ lɛɛ haomi be mi tete po a si we a sibi.

Hiob 6:14

I kua Mawu jio, i kua we lɛ jio, ngɛ haomi kaa kikɛ nɛ ɔ mi ɔ, e hia mi huɛmɛ nɛ ma he mɛ ma ye.

1 Korintobi 12:26

Ke nɔmlɔ tso ɔ he nɔ́ kake ngɛ nɔ́ nae ɔ, he ní kpa amɛ tsuo kɛ lɛ naa nɔ́. Nɛ ke he nɔ́ kake hɛ mi ba nyami ɔ, he ní kpa amɛ tsuo kɛ lɛ naa bua jɔmi.

Mose I, 25:2

Abraham kɛ lɛ fɔ Zimran, Yokshan, Medan, Midian, Ishbak, kɛ Shua.

Yohane 11:19

lɔ ɔ he ɔ, Yuda bi babauu ba Marta kɛ Maria a ngɔ, konɛ a ba ye mɛ kɔmɔ ngɛ a nyɛminyumu ɔ gbenɔ ɔ he.

Hiob 19:21

Nyɛɛ na mi mɔbɔ; ye huɛmɛ nyɛɛ na mi mɔbɔ, ejakaa Mawu nine sa ye he.

Hiob 6:19

Blɔ nyɛɛli nɛ je Sheba kɛ Tema ba hlaa nyu nɛ a nu.

Kronika I, 1:32

Abraham ngɛ plã ko nɛ a tsɛɛ lɛ Ketura. E kɛ lɛ fɔ bimɛ nɛ ɔmɛ: Zimran, Yokshan, Medan, Midian, Ishbak, kɛ Shua. Yoshan bimɛ ji Sheba kɛ Dedan.

Mose I, 37:35

Yakob binyumu ɔmɛ, kɛ e biyi ɔmɛ tsuo ba ba wo lɛ bua, se e kplɛɛ we. E de ke, “Ma ye kɔmɔ hluu kɛ yaa si gbeje.” Nɛ e tsa nɔ nɛ e ye kɔmɔ ha e bi Yosef ɔ.

Mose I, 36:15

Wɛtsohi nɛ je Esau mi ji nɛ ɔmɛ nɛ: Esau bitɛte Elifaz ji wɛtso nɛ ɔmɛ a nɛ̃: Teman, Omar, Zefo, Kenaz,

Hebribi 13:3

Nyɛ kai nihi nɛ a wo mɛ tsu ɔ kaa nɔ́ nɛ nyɛɛ kɛ mɛ tsuo lɛ a wo tsu. Nyɛ kai nihi nɛ a ngɛ mɛ yi mi wae ɔ kaa nɔ́ nɛ nyɛ nitsɛmɛ mohu nɛ a ngɛ yi mi wae.

Yesaya 51:19

Haomi enyɔ nɛ ɔmɛ ba o nɔ; ta ba kpata o zugba a hɛ mi, nɛ hwɔ nɛ nya wa ngɛ ni ɔmɛ yee. Mɛnɔ maa jɔɔ o bua?

Abɛ Womi 27:10

O hɛ ko je mo nitsɛ o huɛ, loo o tsɛ e huɛ nɔ; ke e fi mo ɔ, ko de ke doo o maa ya o nyɛmi ngɔ; o huɛ nɛ ngɛ o kasa nya a hi pe o nyɛmi nɛ ngɛ ma se lokoo.

Abɛ Womi 18:24

Huɛ bɔmi komɛ a se kɛ we kulaa. Se huɛmɛ komɛ hu mɛtɛɛ a sibi a he kpɛii pe nyɛmimɛ tete po.

Hiob 42:7

Benɛ Yawɛ kɛ Hiob tu munyu ta a, Yawɛ de Elifaz, Teman no ɔ ke, “Ye mi mi fu o kɛ o huɛmɛ enyɔ ɔmɛ tsuo; ejakaa nyɛ tu we ye he anɔkuale munyu kaa bɔ nɛ ye tsɔlɔ Hiob pee ɔ.

Hiob 19:19

Ye huɛmɛ kpakpahi tsuo ngɛ mi hiee; ni nɛmɛ nɛ i suɔ mɛ saminya po te si wo mi.

Hiob 18:1

Hiob, mɛni be lɛ o maa hi munyu tue kɛ yaa si? Ke o pee dii ɔ, waa kɛ mo maa tu munyu.

Hiob 16:20

Ye huɛmɛ ɔmɛ yeɔ ye he fɛu, se i faa kue haa Mawu kɛ vo nyu.

Hiob 15:1

Ní lelɔ pee we nya puu! Ní lelɔ ha we sane heto kikɛ nɛ ɔ.

Hiob 13:4

Nyɛɛ lɛɛ pe nyɛ poɔ sane deɔ; nyɛ tsuo nyɛ ngɛ kaa tsopatsɛmɛ nɛ a he be se nami.

Hiob 8:1

O maa hi munyu nɛ ɔmɛ tue kɛ yaa si mɛni be? Munyu nɛ ngɛ kpo jee ngɛ o nya mi kaa kɔɔhiɔ nɛ ngɛ fiae vuguvugu nɛ ɔ, mɛni be o ma kpa tumi?

Kronika I, 7:22

A tsɛ Efraim nyɛ ya ha mɛ ligbi babauu, nɛ e nyɛmimɛ ɔmɛ ba nɛ a ba jɔɔ e bua.

Hiob 42:9

Elifaz, Teman no ɔ, Bildad, Shua no ɔ, kɛ Zofar, Naamat no ɔ ho nɛ a ya pee kaa bɔ nɛ Yawɛ de mɛ ke a pee ɔ. Nɛ Yawɛ bu Hiob kue fami ɔ tue.

Obadia 1:9

Sawale maa nu Teman ta hwuli kpanaa amɛ, nɛ a maa gbe Edom ta bulɔ tsuaa ta bulɔ.” Mawu lɛ de.

Yoshua 15:41

Gederot, Betdagon, Naama, Makeda. E peeɔ ma nyɔngma kɛ ekpa kɛ a he kɔpehi.

Hiob 4:1

Hiob, anɛ ke i bi mo munyu ɔ, o mi mi ma fu lo? I nyɛ we nɛ ma ma ye nya nɛ ma pee dii hu.

Hiob 11:1

Nɔ ko be munyuhi babauu nɛ ɔmɛ a heto hae lo? Anɛ munyu tumi babauu woɔ nɔ nguɔ lo?