Hiob 19:6 - BAIBLO ALOO NGMAMI KLƆUKLƆU Ɔ

⁶ Se nyɛ li kaa Mawu lɛ pee nɔ́ nɛ ɔ lo? Lɛ nɛ tsɔ klama kɛ bɔle mi kɛ kpe.

Hiob 19:6 ပူးပေါင်းရင်းမြစ်များ

Hiob 10:3

Imi nɔmlɔ nɛ mo nitsɛ o bɔ ɔ, anɛ e da ha mo kaa o wa mi yi mi, nɛ o hie mi kikɛ nɛ ɔ, konɛ yiwutsotsɛmɛ a yi mi tomi yayami ɔmɛ lɛɛ o bua nɛ jɔ he lo?

Hiob 19:22

Mɛni he je nyɛ ngɛ mi yi mi wae kaa bɔ nɛ Mawu peeɔ mi ɔ? Bɔ nɛ nyɛ hao mi ɔ, e pi ha nyɛ lo?

Hiob 3:23

Mɛni he je e sa kaa a fɔ nɔ ko nɛ e ba na nɔ́ yaka, be mi nɛ níhi nɛ maa ba e nɔ hwɔɔ se ɔ, Mawu ngɔ kɛ laa lɛ?

Hiob 30:21

O ngɛ mi yi mi wae; o kɛ nine si wami ngɛ mi yi mi wae wawɛɛ nitsɛ.

Hiob 40:8

Anɛ o ngɛ hlae nɛ o bu mi fɔ kaa i yi dami sane, konɛ moo lɛɛ o wo o he nguɔ kaa o nɔ́ da lo?

Hiob 6:29

Lɔ ɔ he ɔ, i kpa nyɛ pɛɛ, nyɛ ko susu nɔ́ yayami ha mi kɛ ya tsitsaa. Nyɛ ko bu mi fɔ; i yeɔ nguɔ.

Hiob 7:20

Ke i pee yayami ɔ, i plaa mo lo? Mo nɛ o hyɛɛ nimli adesahi a tsui mi ɔ, mɛni he je o je hɛ ngɔ pi mi ɔ? Anɛ i plɛ pee tlomi nɛ jiɔ tsɔ ha mo lo?

Hiob 8:3

Anɛ Mawu plɛɔ sane hɛ mi ngɔ buɔ si lo? Mawu Ope ɔ, anɛ e tsakeɔ nɔ́ nɛ da kɛ peeɔ nɔ́ nɛ dɛ lo?

Ezekiel 12:13

Ma tsɔ lɛ klama nɛ ma du lɛ. Ma ngɔ lɛ kɛ ya Babilon ngɛ Kaldea bi ɔmɛ a zugba a nɔ. Se e ma gbo nɛ e li tete po kaa e su lejɛ ɔ.

Ezekiel 32:3

Ke je ma amɛ ba bua a he nya babauu ɔ, imi Nyɔmtsɛ Yawɛ nitsɛ ma fɔ ye ya a kɛ pue o nɔ; e maa du mo, nɛ je ma amɛ maa gbla mo kɛ ba kpo.

Hosea 7:12

Be mi nɛ a yaa a, ma nyɛɛ a se nɛ ma kpale mɛ kɛ ba ekohu, kaa lohwe pɛlitsɛmɛ nɛ te kɛ bee nɛ a ya du yá. Ma gbla a tue ngɛ a yi wu tso ní ɔmɛ a he.

Luka 21:20

“Ke nyɛ na nɛ he nyɛli ba sa Yerusalem ma a yi ɔ, kɛkɛ nyɛ maa le kaa ma a hɛ mi kpatami be ɔ su ta.