Hiob 18:8 - BAIBLO ALOO NGMAMI KLƆUKLƆU Ɔ

⁸ Lɛ nitsɛ e maa ngɔ e nane kɛ ya du ya; lɛ nitsɛ e maa nyɛɛ kɛ ya nɔ muɔ mi.

Hiob 18:8 ပူးပေါင်းရင်းမြစ်များ

Ester 3:9

Nɛnɛ, ke e sa o hɛ mi ɔ, lɛɛ fa nɛ a ngma, nɛ a fiɛ ke a kpata a hɛ mi. Ke o pee ja a, i ngɛ si woe ke ma ha sika hiɔ nɛ jiimi pe kilo 340,000, nɛ a kɛ to matsɛ sika tomi he ɔ, konɛ a kɛ tsu ma ní.”

Ester 6:13

E de e yo, Zeresh, kɛ e huɛmɛ ɔmɛ tsuo níhi nɛ ba e nɔ ɔ. Kɛkɛ nɛ e yo ɔ, kɛ e huɛmɛ ní leli ɔmɛ de Haman ke, “Mordekai bɔni o he wami kpɔmi. Yuda no ji lɛ, lɔ ɔ he ɔ, o be lɛ nyɛe. Bɔ tsuaa bɔ nɛ pee ɔ, e maa ye o nɔ.”

Ester 7:10

Nɛ a ya sɛu Haman ngɛ tso nɛ e pee kɛ ha Mordekai ɔ nɔ. Kɛkɛ nɛ Matsɛ ɔ mi mi fumi ɔ se po.

Ester 7:5

Kɛkɛ nɛ Matsɛ Ahasuerus bi Manyɛ Ester ke, “Mɛnɔ po nɛ e to e yi mi kaa e maa pee nɔ́ ko kaa kikɛ nɛ ɔ? Jije jamɛatsɛ ɔ ngɛ?”

Hiob 18:9

E nane se ja ma ya sɛ klama mi, nɛ klama a maa nu lɛ.

Hiob 19:6

Se nyɛ li kaa Mawu lɛ pee nɔ́ nɛ ɔ lo? Lɛ nɛ tsɔ klama kɛ bɔle mi kɛ kpe.

Hiob 22:10

Enɛ ɔ he je ɔ, a tsɔ mo klama kɛ bɔle si, nɛ amlɔ nɛ ɔ, sawale nu mo.

Hiob 5:5

Kuasiahi a ngmɔ ní ɔ, ke mio mi e ngɛ po, nihi nɛ hwɔ ngɛ mɛ yee ma ya ye. A juetli he kuma maa ye nihi.

La 35:8

Ha nɛ a hɛ mi nɛ kpata tlukaa be mi nɛ a li a he be. Klama a nɛ a tsɔ mi ɔ, ha nɛ e du mɛ. Muɔ ɔ nɛ a tsua kɛ to ha mi ɔ, ha nɛ mɛ nitsɛmɛ a nɔ mi.

La 9:15

Muɔ ɔ nɛ je ma amɛ tsua a, mɛ nitsɛmɛ a nɔ mi. Klama a nɛ a tsɔ kɛ laa a, mɛ nitsɛmɛ a nane ya du lɛ.

Abɛ Womi 29:6

Nɔmlɔ yaya a, lɛ nitsɛ e ní yayamihi lɛ peeɔ klama ha lɛ nɛ e duɔ; se nɔ nɛ peeɔ nɔ́ nɛ da a, lɛɛ pe e laa, nɛ e nyaa.

Abɛ Womi 5:22

Yiwutsotsɛ ɔ, lɛ nitsɛ e he yayamihi nɔuu lɛ maa du lɛ klama; e he yayami kpa amɛ nɔuu a kɛ maa fi lɛ.

Yesaya 24:17

Nyɛ nihi tsuo ngɛ je ɔ mi, gbeye níhi ngɛ blɔ nɔ ha nyɛ; a tsua muɔ voovoohi ha nyɛ, nɛ a tsɔ nyɛ klamahi.

Yesaya 24:18

Nɔ tsuaa nɔ nɛ maa ma fo kɛ je gbeye ní ɔmɛ a he ɔ maa nɔ muɔ voo mi, nɛ nɔ nɛ be muɔ voo ɔ mi nɔe ɔ maa du klama. Hiɔmi maa nɛ piapiaapia, nɛ je ɔ sisi tomi ɔmɛ ma mimiɛ.

Ezekiel 32:3

Ke je ma amɛ ba bua a he nya babauu ɔ, imi Nyɔmtsɛ Yawɛ nitsɛ ma fɔ ye ya a kɛ pue o nɔ; e maa du mo, nɛ je ma amɛ maa gbla mo kɛ ba kpo.

1 Timoteo 3:7

Asafo nɔ hyɛlɔ ɔ, é ba e je mi saminya, konɛ ni nɛmɛ nɛ ja we Mawu tete po nɛ a hɛɛ e biɛ kpakpa mi. Ke pi ja a, e ma pue e hɛ mi si, kɛkɛ e sɛ Abosiami klama mi.

1 Timoteo 6:9

Nihi nɛ hlaa kaa a na ní ɔ, a sɛɛ ka mi. A ya dii kuasia níhi, kɛ akɔnɔ yayami se. Enɛ ɔ haa nɛ a hemi kɛ yemi taa, nɛ a hɛ mi kpataa.

2 Timoteo 2:26

Kɛkɛ ɔ, a maa hɛli a he si, nɛ klama nɛ Abosiami tsɔ ha mɛ kaa a pee e suɔmi nya ní, nɛ a ya nɔ mi ɔ, a ya be mi nɔe.