Hiob 18:7 - BAIBLO ALOO NGMAMI KLƆUKLƆU Ɔ

⁷ Bɔ nɛ e hiaa nane kam, kam, kam be ko nɛ be ɔ, amlɔ nɛ ɔ lɛɛ e hii si tɛe; lɛ nitsɛ e yi mi tomi maa tsɛ̃ lɛ kɛ nɔ si.

Hiob 18:7 ပူးပေါင်းရင်းမြစ်များ

Samuel II, 15:31

Benɛ a ya bɔ David amaniɛ ke Ahitofel hu ya piɛ Absalom atuã tsɔli ɔmɛ a he ɔ, e sɔle ke, “Yawɛ lee, i kpa mo pɛɛ nɛ o plɛ Ahitofel ga womi ɔ kɛ pee kuasiahi a sane.”

Samuel II, 17:14

Absalom kɛ Israel bi ɔmɛ tsuo de ke, “Ga nɛ Hushai, Arki no ɔ wo ɔ hi pe Ahitofel nɔ́ ɔ.” Blɔɔ Yawɛ to momo kaa ga kpakpa a nɛ Ahitofel wo ɔ, a ko ye nɔ, bɔ nɛ pee nɛ lɛ, Yawɛ ɔ e kɛ amanehlu nɛ ba Absalom nɔ.

Matsɛmɛ II, 6:11

Nɔ́ nɛ ɔ hao Siria matsɛ ɔ juɛmi; lɔ ɔ he ɔ, e tsɛ e tsɔli ɔmɛ nɛ e bi mɛ ke, “Nyɛ ti mɛnɔ lɛ ngɛ Israel matsɛ ɔ se? Anɛ nyɛ be mi dee lo?”

Hiob 15:6

Mo nitsɛ o nya mi munyu ngɛ mo fɔ bue; mo nitsɛ o lilɛ ngɛ odase yee kɛ ngɛ mo sie, se pi imi.

Hiob 20:22

Be mi nɛ e na e he ɔ, jamɛ a be ɔ, haomi nɛ nya wa maa ba e nɔ tlukaa.

Hiob 36:16

Mawu je mo kɛ je amanehlu mi, nɛ e ha mo tue mi jɔmi, kɛ niye ní kpakpa.

La 18:36

O ha we nɛ ye he nyɛli a nine nɛ su ye nɔ; i nɔɛ si hyɛ gblegbleegble.

La 33:10

Ke je ma amɛ so kikɛ nɛ ɔ, Yawɛ tsakeɔ a yi mi tomi ɔmɛ, nɛ a nyɛ we nɛ a kɛ tsuɔ ní.

Abɛ Womi 11:5

Nɔ nɛ pee we nɔ́ ko nɛ dɛ ɔ, anɔkuale nɛ e yeɔ he je ɔ, e je mi si himi daa lɛ. Se yiwutsotsɛ lɛɛ lɛ nitsɛ e ní yayamihi lɛ ma kpata e hɛ mi.

Abɛ Womi 29:6

Nɔmlɔ yaya a, lɛ nitsɛ e ní yayamihi lɛ peeɔ klama ha lɛ nɛ e duɔ; se nɔ nɛ peeɔ nɔ́ nɛ da a, lɛɛ pe e laa, nɛ e nyaa.

Abɛ Womi 4:12

Ke o ngɛ nyɛɛe ɔ, o be nɔ́ tɛe; ke o ngɛ fo tue ɔ, o be si nɔe.

Hosea 10:6

Niinɛ, amaga a nitsɛ lɛɛ a maa ngɔ kɛ ya Asiria kɛ ya ke matsɛ ngua a. Israel bi a hɛ mi ma pue si, nɛ zo maa gbe mɛ saminya ngɛ amaga nɛ a puɛ ɔ he.

1 Korintobi 3:19

Ejakaa nɔ́ nɛ je ɔ buu kaa nile ɔ ji kuasia nɔ́ ko ngɛ Mawu lɛɛ e hɛ mi. Ngmami ɔ ke, “Mawu ngɔɔ nile kɛ tsɔɔ ní leli klama.”