Hiob 18:18 - BAIBLO ALOO NGMAMI KLƆUKLƆU Ɔ

¹⁸ A maa fie lɛ kɛ je je ɔ mi, kɛ je la he kɛ ya diblii mi.

Hiob 18:18 ပူးပေါင်းရင်းမြစ်များ

Hiob 10:22

Lejɛ ɔ ngɛ gbeyegbeye, kɛ basabasa; nɛ piani po woɔ diblii kaa nyɔ mi.

Hiob 11:14

Mo nitsɛ mo kpa yayami peemi, nɛ o hyɛ nɛ a ko pee yi wu tso ní ngɛ o we ɔ mi.

Hiob 18:11

Gbeye níhi maa bɔle lɛ kɛ kpe, nɛ daa nɛ ɔ, e maa hi fo nɔ kpla, kpla, kpla!

Hiob 20:26

E juetli tsuo hɛ mi ma kpata. La, nɛ pi nɔmlɔ nɛ slɛ maa sã lɛ, nɛ e we mi nɔ́ tsuaa nɔ́ hɛ mi ma kpata.

Hiob 20:8

E maa laa kaa nlami, aloo nina nɛ a na nyɔ mi; nɛ nɔ ko be lɛ nae hu.

Hiob 27:21

Beleku kɔɔhiɔ maa fia lɛ kɛ ho; e maa bɛɛ lɛ kɛ je he nɛ e hii ɔ.

Hiob 27:23

Kɔɔhiɔ nɛ nya wa nɛ ɔ ma kpa fiifii kɛ nyɛɛ e se kɛ fo kɛ wo e he gbeye. E maa pee lɛ kaa nihi lɛ a ngɛ a dɛ fiae kɛ ngɛ lɛ fiee kɛ je he nɛ e hii ɔ.

Hiob 3:20

Mɛni he je nimli adesahi maa hi haomi mi kɛ mwɔɔ? Mɛni he je e sa kaa nihi nɛ ngɛ aywilɛho yee ɔ a yi nɛ na wami?

Hiob 5:14

Piani nɛ la ngɛ po, a hii si tataae kaa nɔ́ nɛ diblii mi lɛ a ngɛ nyɛɛe.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

Yesaya 22:18

E ma koklo mo lokotoo kaa bɔɔlu, nɛ e maa hɛ mo ngɔ fɔ zugba agbo gbajaa ko nɔ. Lejɛ ɔ o ma gbo ngɛ ngɛ ta zugba lɛ ɔmɛ nɛ o ngɔ o hɛ ngɔ fɔ a nɔ ɔ a kasa nya. O pue o nyɔmtsɛ we ɔ hɛ mi si, mo zotsɛ!

Daniel 4:33

Munyu nɛ ɔ ba mi jamɛ a ngmlɛfia a nɔuu. A fie Nebukadnezar kɛ je nimlihi a kpɛti, nɛ e ya kpe nga kaa na, nɛ e pɔ kɛ bɔ́. E yi hɛ, nɛ e yi bwɔmi pee gagaa kaa kɔle pɛli. E nine nguɛ nya hu hɛ, nɛ e pee gagaa kaa lohwe pɛlitsɛ nane nguɛ nya.

Daniel 5:21

A fie lɛ kɛ je nimlihi a kpɛti, nɛ e juɛmi pee kaa pu mi lohwe juɛmi. E ya hi nga mi tejihi a kpɛti. E kpe nga kaa na; e hwɔ pu mi, nɛ bɔ́ nɛɛ lɛ hluu. Nyagbe ɔ, e ba kplɛɛ kaa Hiɔwe No Mawu ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Yuda 1:13

A ngɛ kaa wo mi oslɔke nɛ ngɛ kue hamahama, nɛ a zo ní ɔmɛ je kpo paa kaa hwɔli. A ngɛ kaa dodoehi nɛ ngɛ si bɔlee kɛ ngɛ yae kɛ ngɛ bae; nimli nɛ ɔmɛ ɔ, Mawu dla he ko ngɔ to mɛ momo ngɛ gbogboehi a je diblii nɛ mi ti ɔ mi.

Samuel I, 2:9

“E baa ni nɛmɛ nɛ yeɔ lɛ anɔkuale ɔ a yi. Se yayami peeli lɛɛ a hɛ mi kpataa ngɛ diblii mi; tsa pi adesa nitsɛ he wami nya nɛ e yeɔ manye.