Hiob 17:5 - BAIBLO ALOO NGMAMI KLƆUKLƆU Ɔ

⁵ Nimeli ke, “Nɔ nɛ tsɔɔ e huɛmɛ a se blɔ, nɛ e nine suu a weto ní nɔ ɔ, e bimɛ a hɛngmɛ ma yu.”

Hiob 17:5 ပူးပေါင်းရင်းမြစ်များ

Matsɛmɛ I, 11:12

Se o tsɛ, David he je ɔ, i be nɔ́ nɛ ɔ pee ngɛ o yi nɔ; mohu ma pee ngɛ o binyumu yi nɔ.

Hiob 11:20

Se yayami peeli lɛɛ a maa na kaa a yi ta pɛ; he ko he ko be nɛ a maa tu fo kɛ ya. Nɔ́ nɛ blɔ nɛ a maa hyɛ kɛkɛ ji gbenɔ.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Abɛ Womi 20:19

Nɔmlɔ nɛ e lilɛ hwɔ we si, nɛ e hii nihi a he munyu tue kɛ hii nyɛɛe ɔ, jeɔ laami sanehi kpo. Nɔ nɛ tuɔ munyu puu kikɛ nɛ ɔ, o kɛ lɛ ko bɔ.

Abɛ Womi 29:5

Nɔ nɛ kɛ e nyɛmi tuɔ munyu dɔkɔbii ɔ, klama e ngɛ lɛ tsɔe ɔ nɛ.

Kɔmɔ Yemi 4:17

Wa hyɛ yemi kɛ buami blɔ hluu kɛ ya si pɔ tɔ wa hɛngmɛ he, nɛ e ko hu bɛ. Wa mlɛ kaa je ma ko maa je ngmlaa ha wɔ lo, se lɛ tsuo pee yaka; nɔ ko nɔ ko bɛ nɛ e ba je ngmlaa ha wɔ.

Mose III, 19:13

“Koo fia o nyɛmi ojo, nɛ koo ju e nɔ́ ko hulɔ. Ke o ya bɔ nɔ ko apaa ke e ba tsu ní ha mo ɔ, wo lɛ hiɔ loko je nɛ na nɔ.

Mose III, 19:16

Koo pee o he sieku yelɔ kɛ hi yae kɛ hi bae ngɛ o ma mi bi ɔmɛ a kpɛti. Koo ye lakpa odase kɛ si o nyɛmi, nɛ́ a pue e muɔ si yaka gu. Imi ji Yawɛ.

Mose V, 28:65

Nyɛ be tue mi jɔmi nae ngɛ he ko he ko; he ko be nɛ nyɛ ma tsɛ ke nyɛ nitsɛmɛ nyɛ nɔ́; Yawɛ ma ha nyɛ tsui maa hi poe; nyɛ hɛ kɛ nɔ fɔmi maa ta, nɛ nyɛ nine mi maa je wu.

1 Tesalonikabi 2:5

Kaa bɔ nɛ nyɛ le ɔ, wa bɛ nyɛ ngɔ kɛ nya mi ngɔngɔɛ munyuhi; jehanɛ hu, wa ba sisi we nyɛ nɛ wa kɛ na nyɛ he se. Mawu ji wa we odase!