Hiob 17:4 - BAIBLO ALOO NGMAMI KLƆUKLƆU Ɔ

⁴ O ha nɛ nimli adesahi biɛ, nɛ a susuu we a yi mi; lɔ ɔ he ɔ, ko ha nɛ a ye ye nɔ.

Hiob 17:4 ပူးပေါင်းရင်းမြစ်များ

Samuel II, 15:31

Benɛ a ya bɔ David amaniɛ ke Ahitofel hu ya piɛ Absalom atuã tsɔli ɔmɛ a he ɔ, e sɔle ke, “Yawɛ lee, i kpa mo pɛɛ nɛ o plɛ Ahitofel ga womi ɔ kɛ pee kuasiahi a sane.”

Samuel II, 17:14

Absalom kɛ Israel bi ɔmɛ tsuo de ke, “Ga nɛ Hushai, Arki no ɔ wo ɔ hi pe Ahitofel nɔ́ ɔ.” Blɔɔ Yawɛ to momo kaa ga kpakpa a nɛ Ahitofel wo ɔ, a ko ye nɔ, bɔ nɛ pee nɛ lɛ, Yawɛ ɔ e kɛ amanehlu nɛ ba Absalom nɔ.

Kronika II, 25:16

Se benɛ gbalɔ ɔ ngɛ munyu tue kɛ mwɔɔ ɔ, Amazia po munyu ngɛ e nya, nɛ e bi lɛ ke, “Kɛ je mɛni be lɛ wa wo mo matsɛ ga wolɔ? Jɔɔ mo; ke pi ja a, ma ha a gbe mo piɔ!” Kɛkɛ nɛ gbalɔ ɔ kpa. Se loko e maa pee dii ɔ, e de matsɛ ɔ ke, “Jehanɛ lɛɛ i le kaa Mawu to e yi mi kaa e ma kpata o hɛ mi; ejakaa o bui ye ga womi ɔ tue, nɛ o ya tsu nɔ́ nɛ ɔ.”

Hiob 12:20

Nihi nɛ a buu ɔ, e kpɔɔ munyu tumi he wami ngɛ a dɛ; nimeli hu e kpɔɔ a nile ɔ ngɛ a dɛ.

Hiob 17:5

Nimeli ke, “Nɔ nɛ tsɔɔ e huɛmɛ a se blɔ, nɛ e nine suu a weto ní nɔ ɔ, e bimɛ a hɛngmɛ ma yu.”

Yesaya 19:14

Yawɛ ha a juɛmi tsaka, nɛ a woɔ ga yaya. Lɔ ɔ he ɔ, yayami sɔuu Egipt ngɛ pee. Ma a mi bi ɔmɛ ngɛ si tataae kaa dã tɔlɔ ko nɛ ngɛ si nɔe ngɛ lɛ nitsɛ e vie mi.

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

Mateo 13:11

Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

Romabi 11:8

Kaa bɔ nɛ ngmami ɔ deɔ ɔ, “Mawu ha nɛ a pee kaa nihi nɛ lu; kɛ ba su mwɔnɛ nɛ ɔ, a ngɛ hɛngmɛ ji nɛ, se a hyɛ we nɔ́; nɛ a ngɛ tue hulɔ, se a kɛ nui nɔ́.”

1 Korintobi 1:20

Jije ní leli ɔmɛ ngɛ? Jije ga leli ɔmɛ ngɛ? Jije je nɛ ɔ mi sane mi hlali ɔmɛ ngɛ? Ee, Mawu ha nɛ je nɛ ɔ mi nile ɔ plɛ pee kuasiahi a sane.