Hiob 16:19 - BAIBLO ALOO NGMAMI KLƆUKLƆU Ɔ

¹⁹ Amlɔ nɛ ɔ tete po, ye we odase ngɛ hiɔwe; nɔ nɛ ma fa ye he ɔ ngɛ hiɔwe lokoo.

Hiob 16:19 ပူးပေါင်းရင်းမြစ်များ

Mose I, 31:50

Laban ya nɔ nɛ e de ke, “Ke o ya wa ye biyi ɔmɛ yi mi, aloo o ya ngɔ yi kpa komɛ ngɔ piɛ a he nɛ i li po ɔ, kai kaa Mawu ji imi kɛ mo wa we odase.

Hiob 16:18

Zugba, yayamihi nɛ a pee mi ɔ, koo ha a nɔ! Ngmlaa nɛ i ngɛ kpae kaa a ye dami sane ha mi ɔ, ko ha nɛ ngmlaa a nya nɛ ba si!

Hiob 19:25

Ejakaa i le kaa nɔ ko ngɛ hiɔwe nɛ nyagbenyagbe ɔ, e ma ba kpɔ mi.

Hiob 31:2

Mɛni hiɔwo lɛ ma na kɛ je Mawu nɛ ngɛ hiɔwe ɔ dɛ mi? Mɛni weto ní lɛ ma na kɛ je Ope ɔ dɛ mi?

La 113:5

Nɔ ko be nɛ ngɛ kaa Yawɛ, wa Mawu ɔ nɛ hii si ngɛ hiɔwe,

La 148:1

Nyɛ je Yawɛ yi! Nyɛ je Yawɛ yi kɛ je hiɔwe. Nyɛ je e yi ngɛ hiɔwe lokoo!

La 89:37

E matsɛ yemi ɔ maa hi si daa kaa nyɔhiɔ, jamɛ a anɔkuale odase ɔ nɛ ngɛ hiɔwe ɔ.”

Romabi 1:9

Mawu ɔ nɛ i sɔmɔɔ lɛ kɛ ye tsui tsuo kɛ gu sane kpakpa a nɛ kɔɔ e Bi ɔ he ɔ fiɛmi mi ɔ ji ye we odase kaa i kaiɔ nyɛ daa nɛ i jɔɔ we ngɛ ye sɔlemi mi.

Romabi 9:1

Anɔkuale i ngɛ tue ngɛ Kristo mi, nɛ ye he nile maa nɔ mi ngɛ Mumi Klɔuklɔu ɔ mi kaa nɔ́ nɛ i ngɛ dee ɔ, i yi lakpa.

2 Korintobi 1:23

I na Mawu kaa pe i sume nɛ ma hao nyɛ, lɔ ɔ he loko i tsake ye yi mi tomi ɔ, nɛ i bɛ Korinto ɔ nɛ.

2 Korintobi 11:31

Mawu, wa Nyɔmtsɛ Yesu Kristo Tsɛ ɔ le kaa i yi lakpa. A je e yi kɛ ya neneene.

Filipibi 1:8

Bɔ nɛ Kristo Yesu mi mi sãã lɛ ngɛ wa he ɔ, jã ye hɛ ngɛ jae wawɛɛ ngɛ nyɛ he; Mawu ji ye odase kaa i yi lakpa.

1 Tesalonikabi 2:10

Nyɛɛ kɛ Mawu ji wa we odase kaa wa ba wa je mi saminya ngɛ nyɛ nihi nɛ nyɛ heɔ yeɔ ɔ nyɛ kpɛti. Wa peeɔ nɔ́ nɛ da blɔ nɛ piami ko be wa he.

1 Tesalonikabi 2:5

Kaa bɔ nɛ nyɛ le ɔ, wa bɛ nyɛ ngɔ kɛ nya mi ngɔngɔɛ munyuhi; jehanɛ hu, wa ba sisi we nyɛ nɛ wa kɛ na nyɛ he se. Mawu ji wa we odase!

Samuel I, 12:5

Samuel de mɛ ke, “Yawɛ, kɛ nɔ nɛ e wo lɛ matsɛ ɔ ji ye we odasehi mwɔnɛ ɔ, kaa nyɛ nɛ nɔ́ ko nɔ́ ko ngɛ ye he.” A he nɔ ke, “Ee, Yawɛ ji wa we odase.”