Hiob 15:8 - BAIBLO ALOO NGMAMI KLƆUKLƆU Ɔ

⁸ O nu Mawu laami sanehi hyɛ lo? Mo pɛ ji ní lelɔ lo?

Hiob 15:8 ပူးပေါင်းရင်းမြစ်များ

Hiob 11:6

Jinɛ Mawu maa tu mo nile mi laami munyuhi; e ma de mo ke níhi babauu ngɛ je mi nɛ nɔmlɔ adesa juɛmi sui he. Na nɛ o le kaa Mawu gbla we o tue bɔ nɛ sa mo; o yayami ɔmɛ hiɛ kulaa pe tue gblami ɔ.

Hiob 29:4

Jamɛ a be ɔ, ye he hi, nɛ Mawu kɛ mi ngɛ kaa nɔ kɛ e huɛ.

La 25:14

Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

Abɛ Womi 3:32

Ejakaa Yawɛ sume nimli yayamihi; nihi nɛ peeɔ nɔ́ nɛ da lɛ e kɛ bɔɔ.

Yeremia 23:18

I de ke, “Gbali nɛ ɔmɛ a ti mɛnɔ le nɔ́ nɛ ngɛ Yawɛ yi mi? A ti mɛnɔ nu Yawɛ sɛ gbi hyɛ, nɛ e ma de pohu ke e nu sisi? Aloo a ti mɛnɔ bu e munyu ɔ tue hyɛ, nɛ e pee kaa bɔ nɛ munyu ɔ tsɔɔ kaa a pee ɔ?

Amos 3:7

Anɛ Nyɔmtsɛ Mawu pee nɔ́ ko hyɛ nɛ e ha we nɛ e tsɔli ɔmɛ, nɛ ji gbali ɔmɛ nɛ a le lo? Dɛbi!

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

Mateo 13:11

Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

Mateo 13:35

E pee enɛ ɔ, konɛ e kɛ ha nɛ nɔ́ nɛ gbalɔ ɔ de ɔ nɛ ba mi ke, “I kɛ mɛ maa tu munyu ngɛ abɛ gbi mi. Níhi nɛ a ngɔ kɛ laa kɛ je be nɛ a to je ɔ sisi ɔ, ma fiɛ kɛ tsɔɔ mɛ.”

Yohane 15:15

Jehanɛ i tsɛ we nyɛ tsɔli hu, ejakaa tsɔlɔ li nɔ́ nɛ e nyɔmtsɛ tsuɔ. I tsɛɔ nyɛ ye huɛmɛ mohu, ejakaa níhi tsuo nɛ i nu kɛ je Tsaatsɛ nya a, i de nyɛ.

Romabi 11:33

Niatsɛ mi niatsɛ ji Mawu! Hyɛ bɔ nɛ e nile, kɛ juɛmi hiɛ ha! Mɛnɔ le bɔ nɛ e toɔ e yi mi ha? Blɔ nɔ nɛ e guu kɛ tsuɔ ní ɔ, mɛnɔ le?

Romabi 11:34

Kaa bɔ nɛ ngmami ɔ deɔ ɔ, “Mɛnɔ lɛ le Nyɔmtsɛ ɔ juɛmi, aloo mɛnɔ lɛ wo lɛ ga hyɛ?

1 Korintobi 2:16

Kaa bɔ nɛ a ngma a, “Mɛnɔ lɛ le Nyɔmtsɛ ɔ juɛmi, nɛ e maa wo lɛ ga?” Wɔɔ lɛɛ bɔ nɛ Kristo susuu e yi mi ɔ, jã wɔ hu wa susuu wa yi mi.

Mose V, 29:29

“Laami ní komɛ ngɛ nɛ Yawɛ, wa Mawu ɔ je we kpo ngɔ tsɔɔ wɔ, se e je e mlaa a kpo ngɔ ha wɔ kɛ wa nina, bɔ nɛ pee nɛ waa ye nɔ kɛ ya neneene.