Hiob 15:34 - BAIBLO ALOO NGMAMI KLƆUKLƆU Ɔ

³⁴ Nimli nɛ li Mawu ɔ, a be ngmɛdu woe. Wehi nɛ a he nyɔ mi ní nɛ a kɛ ma mɛ ɔ, la maa sã mɛ pue si.

Hiob 15:34 ပူးပေါင်းရင်းမြစ်များ

Hiob 11:14

Mo nitsɛ mo kpa yayami peemi, nɛ o hyɛ nɛ a ko pee yi wu tso ní ngɛ o we ɔ mi.

Hiob 12:6

Ojo fiali, kɛ nihi nɛ woɔ Mawu mi mi la a, a ngɛ tue mi jɔmi si himi mi; mɛ po nɛ a he wami ji a mawu ɔ.

Hiob 15:30

nɛ diblii maa wo lɛ. E maa pee kaa tso nɛ la sã e kɔnihi, nɛ kɔɔhiɔ muɔ e mɔmɔ ɔmɛ kɛ ho.

Hiob 18:15

Nɔ́ ko nɔ́ ko be piɛe ngɛ e sihi he ɔ. La nɛ ngɛ tsoe plamplam maa sã e bo tsu ɔ.

Hiob 20:1

Hiob, o ha nɛ ye yi mi pee basaa, enɛ ɔ he je ɔ, ma ha mo heto nɔuu.

Hiob 27:8

Ke yayami peelɔ be su, nɛ Mawu ba ngɔ lɛ ɔ, mɛni hɛ kɛ nɔ fɔmi pa ngɛ ha lɛ?

Hiob 36:13

Nihi nɛ li Mawu ɔ, mɛɛ lɛɛ a woɔ a mi mi la kɛ yaa nɔ. Ke a gbla a tue po, a fa we kue kɛ tsɛ balɔ.

Hiob 8:13

Nimlihi nɛ a hɛ je Mawu nɔ ɔ, a ngɛ kaa ngɔwu nɛ ɔmɛ pɛ. Ke o li Mawu ɔ, o be hɛ nɔ kami ko.

Hiob 8:22

Ni nɛmɛ nɛ nyɛɛ mo ɔ, zo maa gbe mɛ; yiwutsotsɛmɛ ɔmɛ a wehi maa laa.

Mika 7:2

Anɔkualetsɛmɛ ta zugba a nɔ; dalɔ kake ngmelu po be. Nɔ tsuaa nɔ ngɛ blɔ ko hlae nɛ e kɛ pue muɔ si; nɔ tsuaa nɔ ngɛ lɛ nitsɛ e nyɛmi klama tsɔe.

Mateo 24:51

Nyɔmtsɛ ɔ ma tsɔtslɔɔ e mi, nɛ tue gblami nɛ sa osatotsɛmɛ ɔmɛ ɔ, e ma na eko. Lejɛ ɔ nɛ e maa wo ya, nɛ e ma kpe e lungu nya ngɛ.

Samuel I, 12:3

Imi ji nɛ ɔ nɛ. Ke i pee nɔ́ ko nɛ dɛ ɔ, nyɛɛ po ye nya ngɛ Yawɛ, kɛ nɔ nɛ a wo lɛ matsɛ ɔ a hɛ mi. Anɛ i kpɔ nɔ ko na, loo nɔ ko teji? Anɛ i ye nɔ ko amimi, aloo i wa nɔ ko yi mi? Anɛ i he nyɔ mi ní ngɛ nɔ ko dɛ bɔ nɛ pee nɛ ma ye e sane ɔ ha lɛ lo? Nyɛ de, konɛ ma to nyɛ nane mi.”

Samuel I, 8:3

Mɛɛ a be kaa a tsɛ ɔ; mɛɛ a ya di sika se, nɛ a heɔ nyɔ mi ní, nɛ a plɛɔ sane hɛ mi ngɔ buɔ si.