Hiob 15:30 - BAIBLO ALOO NGMAMI KLƆUKLƆU Ɔ

³⁰ nɛ diblii maa wo lɛ. E maa pee kaa tso nɛ la sã e kɔnihi, nɛ kɔɔhiɔ muɔ e mɔmɔ ɔmɛ kɛ ho.

Hiob 15:30 ပူးပေါင်းရင်းမြစ်များ

Hiob 4:9

Mawu ngɔɔ abofu kɛ kpataa a hɛ mi kaa bɔ nɛ ahumi puɛɔ ní ɔ.

Hiob 20:26

E juetli tsuo hɛ mi ma kpata. La, nɛ pi nɔmlɔ nɛ slɛ maa sã lɛ, nɛ e we mi nɔ́ tsuaa nɔ́ hɛ mi ma kpata.

Hiob 15:22

Hɛ nɔ kami ko be ha lɛ kaa e maa tu fo kɛ je diblii ɔ mi; ejakaa klaate ji nɔ́ nɛ ngɛ lɛ mlɛe nɛ e gbe lɛ,

Kpojemi 19:15

Klaate nɛ nya ba je e nya mi, nɛ lɔ ɔ e kɛ maa fia je ma amɛ ní, nɛ e maa ye a nɔ kunimi. E maa ye tsɛ ngɛ a nɔ kɛ he wami kpetekpleenyɛ. E kɛ Mawu Ope ɔ we abofu, kɛ mi mi la ma kple a nɔ kaa bɔ nɛ a ngaa wai mi ngɛ wai ngami nɔ́ mi ɔ.

Yuda 1:13

A ngɛ kaa wo mi oslɔke nɛ ngɛ kue hamahama, nɛ a zo ní ɔmɛ je kpo paa kaa hwɔli. A ngɛ kaa dodoehi nɛ ngɛ si bɔlee kɛ ngɛ yae kɛ ngɛ bae; nimli nɛ ɔmɛ ɔ, Mawu dla he ko ngɔ to mɛ momo ngɛ gbogboehi a je diblii nɛ mi ti ɔ mi.

2 Petro 2:17

Nimli nɛ ɔmɛ ngɛ kaa nyu vuhi nɛ nyu be a mi; a ngɛ kaa bɔkuhi nɛ ahumi ngɔ kɛ yaa. Mawu dla he ko ngɔ to mɛ ngɛ diblii nɛ mi ti mi.

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Mateo 22:13

Kɛkɛ nɛ matsɛ ɔ de e tsɔli ɔmɛ ke, ‘Nyɛɛ fi e nine, kɛ e nane ngɔ bla, nɛ nyɛ ya sake lɛ ngɔ fɔ tsu ɔ se ngɛ diblii ɔ mi tsitsaa. Lejɛ ɔ nɛ e maa wo ya, nɛ e ma kpe e lungu nya ngɛ.’ ”

Mateo 8:12

Se ni nɛmɛ mohu nɛ sa matsɛ yemi ɔ mi himi ɔ, a ma sake mɛ kɛ fɔ tsu ɔ se ngɛ diblii kpii ɔ mi; nɛ a maa wo ya, nɛ a ma kpe lungu nya ngɛ lejɛ ɔ.”

Yesaya 30:33

Blema lokoo ɔ, a tsua muɔ ko nɛ a maa sã Asiria matsɛ ɔ ngɛ mi. Muɔ ɔ mi kuɔ, nɛ e bli, nɛ a to lɛ́ babauu kɛ wo mi. Yawɛ mumi ɔ nɛ ngɛ kaa la nɛ ngɛ tsoe plamplam ɔ maa sã lɛ.

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

Hiob 22:20

Yiwutsotsɛmɛ a níhi tsuo pɛpɛɛpɛ a hɛ mi kpataa, nɛ nɔ́ nɛ piɛ ɔ, la ba sãã.

Hiob 18:18

A maa fie lɛ kɛ je je ɔ mi, kɛ je la he kɛ ya diblii mi.

Hiob 5:14

Piani nɛ la ngɛ po, a hii si tataae kaa nɔ́ nɛ diblii mi lɛ a ngɛ nyɛɛe.

Hiob 15:23

nɛ okpokuhi hu ngɛ mlɛe nɛ a ye lɛ. Nɔmlɔ kaa kikɛ nɛ ɔ le kaa e hɛ mi kpatami be ɔ su ta.

Hiob 15:34

Nimli nɛ li Mawu ɔ, a be ngmɛdu woe. Wehi nɛ a he nyɔ mi ní nɛ a kɛ ma mɛ ɔ, la maa sã mɛ pue si.

Hiob 18:16

E sipoku ma gbli ngɛ e sisi, nɛ e kɔnihi maa ylɔ.

Hiob 31:12

E ngɛ kaa la nɛ sãã nɔ́ kɛ yaa tsitsaa; e ma kpata ye nɔ́ tsuaa nɔ́ hɛ mi.

Hosea 6:5

Enɛ ɔ he je nɛ i tsɔ ye gbali ɔmɛ nɛ a ba bɔ nyɛ kɔkɔ kaa ma gbla nyɛ tue ɔ nɛ. I ke a maa gbla nyɛ tue kaa bɔ nɛ oslabai gbaa a.