Hiob 15:23 - BAIBLO ALOO NGMAMI KLƆUKLƆU Ɔ

²³ nɛ okpokuhi hu ngɛ mlɛe nɛ a ye lɛ. Nɔmlɔ kaa kikɛ nɛ ɔ le kaa e hɛ mi kpatami be ɔ su ta.

Hiob 15:23 ပူးပေါင်းရင်းမြစ်များ

La 109:10

E bimɛ nɛ a kpa si, nɛ a ba ní, nɛ a we doku nɛ a ngɛ mi po, a fie mɛ kɛ je lejɛ ɔ!

La 59:15

A kpaa si kɛ hlaa niye ní; nɛ ke a na we ní nɛ a ye nɛ a tɔ ɔ, a kpaa ngmlaa kaa gbehi.

Hiob 18:12

Hwɔ maa ye lɛ hluu kɛ yaa si e he wami maa ta. Amanehlu maa tsɛ̃ lɛ kɛ fɔ si bum!

Hebribi 10:27

Mohu ɔ, waa kɛ gbeye yemi nɛ hyɛ kojomi nɛ ma a, kɛ la gegeege nɛ ma kpata nihi nɛ teɔ si kɛ siɔ Mawu a hɛ mi ɔ blɔ.

Zefania 1:15

Jamɛ a ligbi ɔ, Mawu mi mi ma fu wawɛɛ nitsɛ; nihi a yi ma fi, nɛ a maa hao; a ma kpata níhi a hɛ mi basabasa; bɔku yumu tslitsliitsli maa wo, nɛ je ɔ mi maa pee tuu.

Amos 5:20

Ligbi ɔ nɛ Yawɛ maa gbla Israel tue ɔ, bɔ nɛ níhi ma ya ba pɛpɛɛpɛ ji nɛ ɔ nɛ. Diblii nɛ́ maa wo jamɛ a ligbi ɔ, e mi ma ti bɔ nɛ nɔ ko nɔ ko be nyɛe maa hyɛ nɔ́ saminya.

Yoel 2:2

Jamɛ a ligbi ɔ, je mi ma yu tuu; nɛ je mi tsuo pee mɔbɔmɔbɔ. Baalɛ maa ha yo ɔmɛ a nɔ tuu kaa ta buli nɛ a he ngɛ gbeye. Enɛ ɔ eko bɛ hyɛ, nɛ eko hu be bae ja gblegbleegble.

Kɔmɔ Yemi 5:9

Wa hɛɛ wa wami ngɛ wa nguɛ nya kɛ ngɛ wa nya mi ngma hlae kɛ bee; ejakaa awi yeli ngɛ zugba a tsuo nɔ kpae.

Kɔmɔ Yemi 5:6

Wa ngɔ wa he ya bɔ Egipt, kɛ Asiria bi a he, konɛ wa ná ngma nɛ waa ye nɛ waa tɔ.

Fiɛlɔ 11:8

Ke nɔ ko ye jeha babauu ngɛ je mi ɔ, e ná bua jɔmi daa ligbi. Se mohu, e kai kaa ke e gbo ɔ, be nɛ e maa ye ngɛ lejɛ ɔ hiɛ kulaa pe be nɛ e maa ye ngɛ je nɛ ɔ mi. Níhi nɛ maa ba a tsuo ji yaka níhi.

Hiob 18:18

A maa fie lɛ kɛ je je ɔ mi, kɛ je la he kɛ ya diblii mi.

Mose I, 4:12

Ke o hu ɔ, zugba a be ní bae ha mo hu; o maa bɔ kó, nɛ o maa wo lalaalo ngɛ je ɔ mi.”

Hiob 15:22

Hɛ nɔ kami ko be ha lɛ kaa e maa tu fo kɛ je diblii ɔ mi; ejakaa klaate ji nɔ́ nɛ ngɛ lɛ mlɛe nɛ e gbe lɛ,

Hiob 15:24

Fimi kɛ amanehlu woɔ e he gbeye. E le kaa ní nɛ ɔmɛ maa ba e nɔ tlukaa kaa matsɛ ngua ko nɛ mia kɛ ha ta.

Hiob 15:30

nɛ diblii maa wo lɛ. E maa pee kaa tso nɛ la sã e kɔnihi, nɛ kɔɔhiɔ muɔ e mɔmɔ ɔmɛ kɛ ho.

La 59:16

Se imi lɛɛ ma la kɛ je o yi, ejakaa o he wa. Daa mɔtu ɔ, ma la wawɛɛ kɛ je o yi, ejakaa o suɔmi ɔ ngɛ daa. Be nɛ i ngɛ amanehlu mi ɔ, mo lɛ o bu ye he, nɛ o baa ye yi.

Abɛ Womi 10:3

Yawɛ be hae nɛ hwɔ nɛ ye nimli kpakpahi; nimli yayamihi lɛɛ e maa tsi mɛ blɔ, konɛ a nine ko su nɔ́ nɛ a ngɛ hlae ɔ nɔ.

Abɛ Womi 16:4

Nɔ́ tsuaa nɔ́ nɛ Yawɛ pee ɔ, nɔ́ ko he kɛ̃ lɛ e pee ngɛ; yayami peeli tete po, a ngɛ kɛ ha hɛ mi kpatami.