Hiob 15:21 - BAIBLO ALOO NGMAMI KLƆUKLƆU Ɔ

²¹ E tue mi maa hi ngmlɛ fiae kɛ wo e he gbeye. Be mi nɛ e susu kaa e ngɛ he jɔmi mi ɔ, ojo fiali ma ba tua lɛ tlukaa.

Hiob 15:21 ပူးပေါင်းရင်းမြစ်များ

Matsɛmɛ II, 7:6

Yawɛ ha nɛ Siria bi ɔmɛ nububuubui ko he kaa nɔ́ nɛ tabo agbo ko hia kɛ ma, kɛ okpɔngɔhi, kɛ ta zugba lɛhi; nɛ Siria bi ɔmɛ susu kaa Israel matsɛ ɔ ya bɔ Hit bi a matsɛmɛ ɔmɛ, kɛ Egipt bi ɔmɛ a matsɛmɛ ɔmɛ apaa nɛ a ba tua mɛ.

Ester 7:6

Manyɛ Ester he nɔ ke, “Wa he nyɛlɔ, kɛ nɔ nɛ ngɛ wɔ yi mi wae ɔ ji yiwutsotsɛ nɛ ɔ nɛ a tsɛɛ lɛ Haman ɔ!” Haman kɛ sawale hyɛ matsɛ ɔ, kɛ manyɛ ɔ a hɛ mi gaa.

Hiob 15:24

Fimi kɛ amanehlu woɔ e he gbeye. E le kaa ní nɛ ɔmɛ maa ba e nɔ tlukaa kaa matsɛ ngua ko nɛ mia kɛ ha ta.

Hiob 18:11

Gbeye níhi maa bɔle lɛ kɛ kpe, nɛ daa nɛ ɔ, e maa hi fo nɔ kpla, kpla, kpla!

Hiob 18:14

E bo tsu ɔ nɛ e ngɔ e hɛ ngɔ fɔ nɔ ɔ, a maa gbla lɛ kɛ je lejɛ ɔ kɛ ba he ko nɛ ngɛ gbeyegbeye.

Hiob 20:21

Ke e ye ní ɔ, eko kulaa píɛ ngɛ se. Enɛ ɔ he je ɔ, ní nami ɔ se maa po.

Hiob 22:10

Enɛ ɔ he je ɔ, a tsɔ mo klama kɛ bɔle si, nɛ amlɔ nɛ ɔ, sawale nu mo.

Hiob 24:17

Ejakaa a yeɔ piani la a gbeye; diblii kpii ɔ mohu wui a he gbeye.

Hiob 27:20

Sawale maa nu lɛ kaa pa nɛ hia kɛ bee. Kɔɔhiɔ nɛ nya wa maa fia lɛ kɛ ho nyɔ mi.

La 92:7

Yiwutsotsɛmɛ maa bɔ flɔflɔɔflɔ kaa nga; yayami peeli ma plɔke, nɛ a ma na a he, se nyagbe ɔ, a hɛ mi ma kpata kɛ̃.

Abɛ Womi 10:24

Nɔ́ nɛ yayami peelɔ ngɛ gbeye yee ɔ, lɔ ɔ ji nɔ́ nɛ maa ba e nɔ. Nɔ nɛ peeɔ kpakpa lɛɛ nɔ́ nɛ e ngɛ hlae ɔ, lɔ ɔ a ma ha lɛ.

Abɛ Womi 28:1

Yayami peelɔ tuɔ fo be mi nɛ nɔ ko nyɛɛ we e se. Nihi nɛ peeɔ nɔ́ nɛ da a, mɛɛ lɛɛ a peeɔ kã kaa jata.

Yeremia 6:26

Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.

Mose III, 26:36

“Nyɛ nihi nɛ maa piɛ, nɛ a maa nuu kɛ ya ma se ɔ, ma ha sawale maa nu nyɛ ngɛ lejɛ ɔ. Ke kɔɔhiɔ sɛ ba mi huu nɛ nyɛ nu ɔ, lɔ ɔ po maa wo nyɛ fo. Nyɛ maa tu fo pulɛpulɛ kaa nɔ́ nɛ ta nyɛɛ nyɛ se. Nyɛ maa hi si nɔe, be mi nɛ nɔ ko nyɛɛ we nyɛ se.

1 Korintobi 10:10

Wa ko tu munyu huitihuiti kaa bɔ nɛ a ti ni komɛ pee, nɛ bɔfo nɔ́ puɛlɔ ɔ kpata a hɛ mi ɔ.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Kpojemi 9:11

Matsɛ nɛ yeɔ a nɔ ji bɔfo ɔ nɛ ngɛ muɔ voo ɔ nya a. Hebri gbi mi ɔ, e biɛ ji Abadon, se Hela gbi mi lɛɛ a tsɛɛ lɛ Apolion.