Hiob 14:5 - BAIBLO ALOO NGMAMI KLƆUKLƆU Ɔ

⁵ Nɔmlɔ adesa wami se kɛmi, kɛ hlami abɔ nɛ e maa ye ngɛ je mi ɔ, a to ngɔ fɔ si momo. Mo nitsɛ o ma nɔ́ nɛ ɔ nya si momo, nɛ e be hie tsakemi.

Hiob 14:5 ပူးပေါင်းရင်းမြစ်များ

La 39:4

“Yawɛ, ma hi wami nɛ ɔ mi kɛ yaa si mɛni be? Mɛni be ma gbo? De mi, konɛ ma le kaa ye wami se be kɛe kulaa.”

Ni Tsumi 17:26

Sisije ɔ, nɔmlɔ kake Mawu bɔ, nɛ kikɛmɛ a nɔ kake nɛ ɔ mi je ɔ mi nimli adesahi tsuo je. Lɛ nitsɛ lɛ e ha nɛ a gbɛ fĩa je ɔ mi he tsuaa he. Be, kɛ he nɛ ní ɔmɛ maa hi, kɛ a huzu nya a, lɛ nitsɛ lɛ e to pɛpɛɛpɛ loko e bɔ je ɔ.

Hebribi 9:27

Mawu to kaa adesa nɛ gbo si kake, nɛ lɔ ɔ se ɔ, a kojo lɛ.

Hiob 12:10

Níhi nɛ ngɛ hɛ ngmengmle tsuo, Mawu lɛ ha mɛ wami; nimli adesahi tsuo a wami ngɛ Mawu dɛ mi.

La 104:29

Ke o kua mɛ ɔ, a haoɔ. Ke o ngɔ a mumi ɔ, a gboɔ nɛ a kpaleɔ kɛ yaa zu mi he nɛ a je ɔ.

Hiob 21:21

Ke nɔ ko gbo ɔ, anɛ e pa susuɔ bimɛ nɛ e si ngɛ se ɔ a he lo?

Luka 12:20

Se Mawu de lɛ ke, ‘Kuasia! Nyɔ nɛ ɔ mi nɔuu i ngɛ o wami ɔ hee ngɛ o dɛ. Lɛɛ níhi nɛ o bua nya ngɔ to ɔ, mɛnɔ níhi nɛ a maa pee?’ ”

Daniel 5:26

E sisi ji nɛ ɔ nɛ: MENE: Mawu kane o matsɛ yemi ligbi ɔmɛ, nɛ e kɛ o matsɛ yemi ɔ ba nyagbe.

La 104:9

O to huzu ha nyu ɔ nɛ e ko be he, konɛ e ko kpale ba ha je ɔ nɔ hu.

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Hiob 14:14

Ke nɔmlɔ gbo ɔ, e kpaleɔ kɛ baa ekohu jinɛ i ko mlɛ kɛ yaa si ye haomi be nɛ ɔ se maa po, nɛ be kpakpa ma ba na mi.

Hiob 7:1

Nɔmlɔ adesa wami si himi ngɛ kaa ta; nɔmlɔ ngɛ kaa apaa yelɔ ngɛ je nɛ ɔ mi.

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.

Daniel 5:30

Jamɛ a nyɔ ɔ mi nɔuu ɔ, a gbe Belshazar, Babilonia matsɛ ɔ;

Kpojemi 1:18

Imi ji hɛ kalɔ ɔ! I gbo, se hyɛ, ye hɛ ngɛ kɛ yaa neneene. I ngɛ gbenɔ kɛ gbeje a nya safe.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

La 31:15

I ngɛ o dɛ mi be tsuaa be. Mo je mi kɛ je ye he nyɛli a dɛ mi; mo je mi kɛ je nihi nɛ waa mi yi mi ɔ a dɛ mi.

La 139:16

Benɛ a na we nɛ a fɔ mi lolo po ɔ, a ngma ye wami be ɔ tsuo ngɛ o womi ɔ mi momo.

Fiɛlɔ 3:2

Fɔmi be ngɛ, nɛ gbenɔ be ngɛ; ní dumi be ngɛ, nɛ ní kpami be ngɛ.

Samuel I, 26:10

David ya nɔ nɛ e de ke, “I na Yawɛ, hɛ kalɔ ɔ kaa lɛ Yawɛ nitsɛ e maa fia Saul nɔ, loo Saul gbenɔ be maa su nɛ e ma gbo, loo e ma gbo ngɛ ta nya.

Hiob 16:22

Jehahi bɔɔ komɛ a se ɔ, ma hia blɔ kɛ ya he ko nɛ i be kpalee kɛ ba hu.

Fiɛlɔ 8:8

Nɔmlɔ adesa be he wami ngɛ e mumi nɔ; nɛ e be he wami ngɛ e gbenɔ be nɔ. Gbenɔ ngɛ kaa ta; nɔ ko be nyɛe maa tu nya fo. Yi wu tso ní peemi be nyɛe ma he nɔ ko yi wami.