Hiob 14:15 - BAIBLO ALOO NGMAMI KLƆUKLƆU Ɔ

¹⁵ Jinɛ o ma tsɛ mi, nɛ ma he nɔ, nɛ o ma na imi, nɔmlɔ nɛ o bɔ ɔ, ye he bua jɔmi.

Hiob 14:15 ပူးပေါင်းရင်းမြစ်များ

La 138:8

Yawɛ, yi mi nɛ o to ha mi ɔ, o maa ye nɔ, ejakaa Yawɛ, o suɔmi ɔ ngɛ kɛ yaa neneene. Ní tsumi nɛ o je sisi ɔ, koo ngmɛɛ he.

Hiob 13:22

Mawu, moo tu munyu kekle, konɛ ma he nɔ; aloo ke o suɔ ɔ, imi ma de kekle, konɛ moo o he nɔ.

Hiob 10:3

Imi nɔmlɔ nɛ mo nitsɛ o bɔ ɔ, anɛ e da ha mo kaa o wa mi yi mi, nɛ o hie mi kikɛ nɛ ɔ, konɛ yiwutsotsɛmɛ a yi mi tomi yayami ɔmɛ lɛɛ o bua nɛ jɔ he lo?

1 Petro 4:19

Lɔ ɔ he ɔ, ni nɛmɛ nɛ naa amanehlu, akɛnɛ lɔ ɔ ji nɔ́ nɛ Mawu to ha mɛ ɔ, a ya nɔ nɛ a pee kpakpa, nɛ a ngɔ a hɛ ngɔ fɔ a bɔlɔ ɔ nɔ kulaa. Lɛɛ ke e wo si ɔ, e yeɔ nɔ.

1 Tesalonikabi 4:17

Lɔ ɔ se ɔ, wɔ ni nɛmɛ nɛ wa hɛ ngɛ nɛ maa hi wami mi jamɛ a be ɔ, a ma sa waa kɛ mɛ tsuo kɛ ya kɔɔhiɔ mi ngɛ bɔku ɔmɛ a mi kɛ ya kpee Nyɔmtsɛ ɔ. Nɛ waa kɛ Nyɔmtsɛ ɔ maa hi si daa.

Hiob 10:8

O ninehi nɛ o kɛ bɔ mi ɔ, amlɔ nɛ ɔ, o ngɔ jamɛ a nine ɔmɛ nɔuu kɛ ngɛ ye hɛ mi kpatae.

Hiob 7:21

Mɛni he je o kɛ ye he yayami ɔmɛ pɛ mi ɔ? Mɛni he je o je we ye he yayami ɔmɛ kɛ ji o hɛ mi kɛ mwɔɔ ɔ? Jehanɛ lɛɛ tabo zu mi lɛ ma hwɔ; ke o ngɛ mi hlae ɔ, o be mi nae hu.

1 Yohane 2:28

Ye bimɛ tsɔwi, nyɛɛ ya nɔ nɛ nyɛɛ hi Kristo mi, bɔ nɛ pee nɛ ke e je e he kpo ɔ, wa nɔ gbagba nɛ te. Kɛkɛ ɔ, ligbi ɔ nɛ e maa ba a, zo be wɔ gbee ngɛ e hɛ mi.

Hiob 14:14

Ke nɔmlɔ gbo ɔ, e kpaleɔ kɛ baa ekohu jinɛ i ko mlɛ kɛ yaa si ye haomi be nɛ ɔ se maa po, nɛ be kpakpa ma ba na mi.