Hiob 13:14 - BAIBLO ALOO NGMAMI KLƆUKLƆU Ɔ

¹⁴ E wɛ ha mi kaa ma ngɔ ye wami kɛ ha ngɛ enɛ ɔ he.

Hiob 13:14 ပူးပေါင်းရင်းမြစ်များ

Manyadali 12:3

Nɛ́ i na kaa nyɛ be bae ɔ, i ngɔ ye wami kɛ sã bɔ, nɛ i hia kɛ ya na Amon bi ɔmɛ; nɛ Yawɛ hu ngɔ mɛ kɛ wo ye dɛ mi. Lɛɛ, mɛni he je nyɛ hia kɛ ba na mi mwɔnɛ ɔ nɛ nyɛɛ kɛ mi ba hwu mɔ?”

La 119:109

I dla ye he kɛ to ha gbenɔ be tsuaa be, se kɛ̃ ɔ, i je we ye hɛ kɛ ji o mlaa a he.

Fiɛlɔ 4:5

Kuasia buaa e ninehi a nya kɛ woɔ e gblɛɛ mi, nɛ e gboɔ kɛ hwɔ.

Hiob 18:4

Nɛ o ngɔ abofu kɛ ngɛ mo nitsɛ o he tsɔtslɔɔe ɔ nɛɛ! Ke o mi mi fu ɔ, enɛ ɔ tsɔɔ kaa nihi nɛ a je je ɔ mi lo? Aloo o ngɛ hlae nɛ a hia tɛ sahi kɛ je a blɔ hehi lo?

Samuel I, 28:21

Kɛkɛ nɛ yo ɔ ba Saul ngɔ, nɛ e na kaa e tsui po, lɔ ɔ he ɔ, e de lɛ ke, “O nɛ, o mawayo bu mo tue; i ngɔ ye wami ngɔ ke, nɛ i pee nɔ́ nɛ o ngɛ hlae ɔ ha mo.

Samuel I, 19:5

E ngɔ e wami ngɔ ke, benɛ e gbe Filisti no ɔ, nɛ Yawɛ ye kunimi nguaa kɛ ha Israel tsuo. O na, nɛ o bua jɔ he. Mɛni he je mɔ nɛ o ngɛ hlae nɛ o gbe David yaka gu nɛ e pee we mo yayami ko ɔ?”

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Yesaya 9:20

O maa na nɛ nihi ngɛ ní gblɔe hiɔ kɛ muɔ, nɛ a ngɛ yee tsuatsuaatsua, se a tɔɛ gblee. Mɛ nitsɛmɛ a bimɛ po, a ngɛ yee!