Hiob 12:6 - BAIBLO ALOO NGMAMI KLƆUKLƆU Ɔ

⁶ Ojo fiali, kɛ nihi nɛ woɔ Mawu mi mi la a, a ngɛ tue mi jɔmi si himi mi; mɛ po nɛ a he wami ji a mawu ɔ.

Hiob 12:6 ပူးပေါင်းရင်းမြစ်များ

Hiob 12:5

Nyɛ ngɛ ye he fɛu yee, ejakaa nyɛɛ lɛɛ haomi ko be nyɛ nɔ. Nɔmlɔ nɛ miɔ nɛ maa nɔ si ɔ, nyɛ ngɛ lɛ nɔ́ fiae.

Hiob 12:7

Nyɛɛ ya lohwe nane eywiɛɛywiɛtsɛmɛ a ngɔ; nyɛɛ ya lohwe pɛlitsɛmɛ a ngɔ, nɛ a maa tsɔɔ nyɛ ní.

Hiob 15:13

Mɛni he je o mi mi fu Mawu, nɛ o ha nɛ munyuhi kaa kikɛ nɛ ɔ je o nya mi?

Hiob 22:18

Se Mawu ɔ nɔuu lɛ haa a wehi hyi ɔ kɛ ní kpakpahi. Anɔkuale mi ɔ, yiwutsotsɛmɛ a yi mi tomi ɔ, imi lɛɛ i sume saasaa!

Hiob 24:23

Mawu ma ha nɛ e maa hi si ngɛ tue mi jɔmi mi, se daa nɛ ɔ, e hɛngmɛ ngɛ e he.

Hiob 9:24

Mawu ngɔ je ɔ kɛ wo nimli yayamihi a dɛ mi. E ngɔ nɔ́ ngɔ ha kojoli ɔmɛ a hɛ mi. Ke pi Mawu nɛ pee ɔ, lɛɛ mɛnɔ lɛ pee?

La 17:14

Jé mi kɛ je nihi nɛ ná je nɛ ɔ mi níhi tsuo nɛ a ngɛ hlae ɔ a dɛ mi. Ngɔɔ haomihi nɛ o ngɔ to ha mɛ ɔ kɛ gbla a tue. Ha nɛ a bimɛ ba na haomi ɔ bɔ nɛ sa, nɛ eko nɛ piɛ ha a bibimɛ.

La 37:1

Koo ye o tsui ngɛ yayami peeli a he; o hɛ ko kɔ nihi nɛ peeɔ yayami a nɔ.

La 37:35

Yiwutsotsɛ kpanaku ko hi si; i le lɛ. E nɔ kuɔ kaa Lebanon seda tso.

La 73:3

Ejakaa ye hɛ kɔ he nɔ woli, kɛ yayami peeli a nɔ benɛ i na kaa a ngɛ nɔ yae ngɛ je mi ɔ.

La 92:7

Yiwutsotsɛmɛ maa bɔ flɔflɔɔflɔ kaa nga; yayami peeli ma plɔke, nɛ a ma na a he, se nyagbe ɔ, a hɛ mi ma kpata kɛ̃.

Yeremia 12:1

Yawɛ, ke i ke i kɛ mo ma hla níhi a nya a, mo lɛ o nɔ́ da. Se kɛ̃ ɔ, i kɛ sane nɛ ɔ maa fɔ o hɛ mi. Mɛni he je lɛ nimli yayamihi yaa nɔ ɔ? Mɛni he je lɛ yiwutsotsɛmɛ a he mi jɔɔ mɛ ɔ?

Yeremia 5:27

Ju níhi hyi a wehi a mi tɔ kaa lohwe pɛlitsɛmɛ nɛ a nuu kɛ wo kusii mi. Enɛ ɔmɛ a he je ɔ, a na ní, nɛ a pee nimli nguahi.

Yeremia 5:28

A plɔke, nɛ a pee tɔfutɔfu, nɛ a yi mi wa kaa nɔ́ ko. A ha we awusahi a blɔ fa mi níhi nɛ sa, nɛ dɛgutsɛmɛ hu a yi dami sane ha we mɛ.

Habakuk 1:11

Kɛkɛ ɔ, a woɔ fo kɛ jeɔ kaa kɔɔhiɔ; a peeɔ yayami nɛ a yeɔ fɔ; a he wami ji a mawu.”