Hiob 12:21 - BAIBLO ALOO NGMAMI KLƆUKLƆU Ɔ

²¹ E pueɔ ganɔhi a hɛ mi si, nɛ e haa a he wami ɔ se poɔ.

Hiob 12:21 ပူးပေါင်းရင်းမြစ်များ

Matsɛmɛ II, 9:26

‘Niinɛ, hiɛ benɛ i na Nabot kɛ e binyumu ɔmɛ a muɔ ɔ nɛ pueɔ si ɔ, i wo si kaa ja i gbla o tue ngɛ zugba nɛ ɔ nɔuu nɔ. Imi Yawɛ lɛ i de!’ Lɔ ɔ he ɔ, ngɔɔ Yoram gbogboe ɔ nɛ o ya sake ngɔ fɔ jamɛ a zugba a nɔ kaa bɔ nɛ Yawɛ de to ɔ!”

Hiob 12:18

E kpaa matsɛmɛ, nɛ e haa nɛ a plɛɔ peeɔ pamitsɛmɛ.

Hiob 3:15

Jinɛ i kɛ ganɔhi nɛ bua sika tsu kɛ sika hiɔ nya tɔtɔɔtɔ ngɛ a wehi a mi ɔ hwɔɔ si mwɔnɛ ɔ.

Hiob 30:11

Akɛnɛ Mawu gbla ye tue nɛ i gbɔjɔ he je ɔ, a bui mi fɛɛ; nɔ́ nɛ a suɔ lɛ a peeɔ mi.

Hiob 34:19

Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

La 107:40

Mawu hu kɛ a ganɔ ɔmɛ to ní saminya, nɛ e ha nɛ a ya wo lalaalo ngɛ nga kplanaa nɔ he nɛ blɔ ko blɔ ko be.

Mose II, 16:24

Lɔ ɔ he ɔ, kaa bɔ nɛ Mose fa mɛ ɔ, a kɛ nɔ́ nɛ piɛ ɔ to si kɛ ya si mɔtu; nɛ e sa we, nɛ e wui gɔgɔ hulɔ.

Mose II, 8:2

Ke o kplɛɛ we nɛ a ho ɔ, ma ha ovɔnɔhi maa ba o zugba nɛ ɔ tsuo nɔ kɛ gbla nyɛ tue.

Yesaya 11:5

Dami sane yemi, kɛ anɔkuale yemi ji níhi nɛ e kɛ maa ye ma a nɔ.

Yesaya 22:21

Ma ngɔ o ní tsumi tade wuyaa a ngɔ wo lɛ, nɛ ma mia lɛ kɛ o mlɛ mi fimi nɔ́ ɔ. Nɛ blɔ nya tsuo nɛ o hɛɛ ɔ, ma ngɔ wo e dɛ, nɛ e maa pee kaa tsɛ kɛ ha Yerusalem ma a, kɛ Yuda zugba a tsuo.

Yesaya 23:9

Yawɛ Tabohiatsɛ ɔ nitsɛ lɛ pee. E pee enɛ ɔ, konɛ a he nɔ womi ɔ se nɛ po, nɛ nimli nguangua amɛ hu a he guɛ nɛ gbo.

Yesaya 37:38

Ligbi ko, benɛ e ngɛ e mawu ɔ nɛ a tsɛɛ Nisrok ɔ jae ngɛ e mawu ɔ we ɔ mi ɔ, e binyumuhi enyɔ, Adramelek kɛ Sharezer kɛ klaate ya gbe lɛ, nɛ a tu fo kɛ ho Ararat zugba a nɔ ya. E bi nyumu kpa nɛ a tsɛɛ lɛ Esarhadon ba ye matsɛ ngɛ e se.

Yesaya 40:23

Ganɔhi po e baa mɛ tsuo si, nɛ e peeɔ nɔ yeli posoposo.

Yesaya 45:1

Yawɛ hla Sirus ke e ye matsɛ! E hla lɛ ke e ye je mahi a nɔ; e tsɔ lɛ, konɛ e ya kpɔ ma amɛ a he wami tsuo ngɛ a dɛ. Yawɛ ma bli ma a we agbo ɔmɛ a nya ha lɛ, nɛ nɔ ko nɔ ko be nyɛe ma nga. Bɔ nɛ Yawɛ ngɛ Sirus dee ji nɛ ɔ nɛ:

Yesaya 5:27

Pɔ tɔɛ a ti nɔ ko nɔ ko he, nɛ nɔ ko nɔ ko hu tɛ we si. A di kɔnɛɛ, nɛ a hwɔ we mahe. A mlɛ mi fimi níhi gbɔle we, nɛ a nane tokota kpa amɛ hu tsɔ we.

Amos 2:3

Ma gbe Moab matsɛ ɔ, kɛ e ganɔ ɔmɛ tsuo.”

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Efesobi 6:14

Lɔ ɔ he ɔ, nyɛɛ da si nɛ nyɛ ha anɔkuale nɛ miaa nyɛ kaa mlɛ mi fimi nɔ́, nɛ dami sane yemi nɛ pee kaa dama ngɛ nyɛ gugue mi.