Hiob 12:14 - BAIBLO ALOO NGMAMI KLƆUKLƆU Ɔ

¹⁴ Ke Mawu ku nɔ́ ko kɛ pue si ɔ, mɛnɔ ma nyɛ maa ma ekohu? Ke e nga nɔ ko yi kɛ wo tsu mi ɔ, mɛnɔ ma nyɛ ma bli lɛ?

Hiob 12:14 ပူးပေါင်းရင်းမြစ်များ

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.

Yesaya 22:22

He wami blɔ nya nɛ Matsɛ David sɛ ɔ hɛɛ ɔ, ma ngɔ kɛ ha lɛ. He wami blɔ nya nɛ ɔ ngɛ kaa safe ko. Ke e bli ɔ, nɔ ko nɔ ko be nɛ ma nga, nɛ ke e nga a, nɔ ko nɔ ko be nɛ ma bli.

Malaki 1:4

Ke Esau nina Edom bi ma de ke, “A ywia wa ma amɛ lɛɛ, se wa maa ma mɛ ekohu” ɔ, Yawɛ Tabohiatsɛ ɔ ma he nɔ ke, “Ha nɛ a dla nɛ a ma; ke a ma a, ma ku ngɔ pue si ekohu kɛ yaa si a maa wo mɛ biɛ ke ‘Zugba nɛ a peeɔ yi wu tso ní ngɛ nɔ, kɛ ma nɛ Yawɛ mi mi fu mɛ kɛ yaa neneene.’ ”

Yeremia 51:58

A maa hule Babilonia gbogbohi kɛ a hɛ mi gbajagbajaa a ngɔ pue si, nɛ a maa mɛ agbo gagaaga amɛ a he la. Je ma amɛ tsu yaka ní pɛ; a gbo dengme kɛ ha la nɛ e ba sã. Imi, Yawɛ Tabohiatsɛ ɔ lɛ i de.”

Hiob 37:7

Ke e ba kikɛ nɛ ɔ, nimli adesahi kpaa ní tsumi, konɛ nimli adesahi ngɛ je ɔ mi tsuo nɛ a na e he wami ɔ.

Hiob 19:10

E kpata ye hɛ mi, nɛ e kɛ mi gbe nya pɛsɛpɛsɛ. I pee kaa tso nɛ a hia lɛ kɛ e sipoku tsuo; ye hɛ kɛ nɔ fɔmi ta.

Hiob 16:11

Mawu ngɔ mi ngɔ ha nihi nɛ li Mawu; e ngɔ mi ngɔ wo yiwutsotsɛmɛ a dɛ mi.

Hiob 11:10

Ke Mawu ba nu mo nɛ e kɛ mo ba kojomi he ɔ, mɛnɔ maa tsi e nya?

Samuel I, 26:8

Kɛkɛ nɛ Abishai de David ke, “Mawu je o he nyɛlɔ ɔ kɛ wo o dɛ mi mwɔnɛ ɔ; lɔ ɔ he ɔ, ha nɛ ma hɛ lɛ akplɔ ɔ si kake pɛ kɛ ya pi zugba, nɛ e be hiae kaa a hɛ lɛ enyɔne.”

Samuel I, 17:46

Mwɔnɛ ligbi nɛ ɔ, Yawɛ ma je mo ngɔ wo ye dɛ mi; ma gbe mo, nɛ ma po o yi. Nɛ ma ngɔ Filisti ta buli ɔmɛ a gbogboehi kɛ ha lohwe pɛlitsɛmɛ, kɛ pu mi lohwehi nɛ a ye. Nɛ je ɔ tsuo maa le kaa Mawu ko ngɛ Israel,

Romabi 11:32

Mawu ha nɛ nihi tsuo pee kaa nɔ́ nɛ a wo mɛ tsu ngɛ tue gbomi he, bɔ nɛ pee nɛ e na mɛ tsuo mɔbɔ.

Yeremia 51:64

nɛ o de ke, ‘Bɔ nɛ Babilonia ma mu kɛ ya nyu sisi ji nɛ ɔ nɛ. Babilonia ma mu, nɛ e be hiae hu, ejakaa Yawɛ ma kpata zugba a hɛ mi pɛsɛpɛsɛ.’ ” Yeremia sɛ gbi ɔ nya ta ngɛ hiɛ ɔ.

Yesaya 25:2

O ha mahi plɛ pee ma dokuhi, gbogbohi nɛ a fia wo a he ɔ, lɛ tsuo ku kɛ pueɔ si. Matsɛmɛ a mɔhi nɛ ma je li ɔmɛ ma a, a kpata a hɛ mi pɛsɛpɛsɛ, a be ekoeko nae hu gblegbleegble.

Yesaya 14:23

Ma ha Babilon ma plɛ pee zugba nɛ tɔ nyu, kɛ ablɛgogoehi a hi he. Ma kpata Babilon hɛ mi pɛsɛpɛsɛ. Babilon maa pee kaa ma nɛ a bɛɛ mi, nɛ nɔ ko nɔ ko be mi hie hu. Imi, Yawɛ lɛ i de.”

Samuel I, 24:18

Mwɔnɛ ɔ, o na mi mɔbɔ agbo; ejakaa be mi nɛ Yawɛ je mi kɛ wo o dɛ mi ɔ, o gbi mi.

Ezekiel 26:14

Ma pee mo tɛ sa kpataa, he nɛ wo hɛli ma ka a yahi ngɛ. A be mo dlae kɛ pee ma hu. Imi, Nyɔmtsɛ Yawɛ lɛ i de.”

Fiɛlɔ 7:13

Hyɛ Mawu nine nya ní tsumi! Nɔ́ nɛ Mawu ha nɛ e kpɛ̃ ɔ, mɛnɔ ma nyɛ maa pee lɛ nɛ e da?