Hiob 11:8 - BAIBLO ALOO NGMAMI KLƆUKLƆU Ɔ

⁸ Mawu ngɛ hiɔwe se lokoo, se moo lɛɛ hiɔwe ɔ po o juɛmi sui he. Mawu le gbogboehi a je, se moo lɛɛ o li lejɛ ɔ.

Hiob 11:8 ပူးပေါင်းရင်းမြစ်များ

Kronika II, 6:18

“Se anɛ mo Mawu, o kɛ nɔmlɔ adesa ma nyɛ maa hi zugba nɛ ɔ nɔ niinɛ lo? Mo, nɛ hiɔwe kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Hiob 11:9

Ke a susu Mawu he wami kaa bɔ nɛ a kɛ kpa susuɔ nɔ́ ɔ, Mawu he wami ka pe je ɔ, nɛ e bli pe wo.

Hiob 22:12

Niinɛ, Mawu ngɛ hiɔwe lokoo! Se dodoehi nɛ ngɛ hiɔwe lokoo ɔ, anɛ Mawu lɛɛ e hyɛ we mɛ kaa nɔ́ nɛ zugba lɛ a ngɛ lo?

Hiob 26:6

Gbeje fɔɔ si paa ngɛ Mawu hɛ mi. He hami nɔ́ be he nɛ maa tsi lɛ blɔ.

Hiob 35:5

Hyɛ hiɔwe; hyɛ bɔ nɛ o kɛ bɔku ɔmɛ a he kɛ ha!

Hiob 37:23

Mawu Ope ɔ loo, wa be nyɛe maa su e he. E ngɛ he wami, e yeɔ dami sane, nɛ e pee we nɔ́ nɛ dɛ kɔkɔɔkɔ.

Hiob 38:17

Agbohi nɛ ngɛ ni gbogboehi a je, he nɛ wo diblii kpii ɔ, anɛ nɔ ko bli nya kɛ tsɔɔ mo hyɛ lo?

Hiob 7:9

Ke nɔ ko gbo nɛ e ho gbeje ya a, e kpale we kɛ bɛ hu kaa bɔ nɛ bɔku laa nɛ a nɛ lɛ hu ɔ.

La 103:11

Se mohu ɔ, nihi nɛ yeɔ lɛ gbeye ɔ, e naa mɛ mɔbɔ babauu nɛ hi kalemi kaa bɔ nɛ hiɔwe kɛ zugba a kpɛti blɔ ɔ hí kalemi ɔ.

La 148:13

Nimli nɛ ɔmɛ tsuo nɛ a je Yawɛ yi, ejakaa lɛ nɔ kake too lɛ ngɛ biɛ nɛ kle agbo; e hɛ mi nyami ha zugba a nɔ tsuo kɛ be hiɔwe tete he.

La 36:6

O kpakpa peemi ɔ kle kaa yo nguangua amɛ; o dami sane yemi mi kuɔ kaa wo. Yawɛ, mo lɛ o baa nimli, kɛ lohwehi tsuo a yi.

Abɛ Womi 30:4

Mɛnɔ lɛ ya hiɔwe nɛ e kpale kɛ ba zugba hyɛ? Mɛnɔ lɛ bua kɔɔhiɔ nya kɛ wo e dɛ mi hyɛ? Mɛnɔ lɛ yɛ wo mi nyu ɔ tsuo kɛ wo bo mi, nɛ e fi nya hyɛ? Aloo mɛnɔ lɛ ma buna ngɛ je ɔ mi nyagbe he ɔmɛ? Kɛ a tsɛɔ lɛ kɛɛ? E bi ɔ hu, mɛni ji e biɛ? Tse o le?

Yesaya 55:9

Bɔ nɛ hiɔwe kɛ zugba a kpɛti kɛ ɔ, ja ye blɔ ɔmɛ, kɛ nyɛ blɔ ɔmɛ a kpɛti kɛ, nɛ ja nɔuu ye susumi ɔmɛ hu pã nyɛ susumi ɔmɛ.

Amos 9:2

Ke a tsua si kɛ ho gbeje ya tete po, ma ya gbla mɛ ngɛ lejɛ ɔ kɛ je kpo. Nɛ ke a kuɔ kɛ ya hiɔwe po, ma ha a ma kple kɛ ba zugba.