Hiob 11:7 - BAIBLO ALOO NGMAMI KLƆUKLƆU Ɔ

⁷ Anɛ o ma nyɛ maa na Mawu níhi nɛ a mi kuɔ a nya kɛ pi si lo? Anɛ o ma nyɛ maa na Mawu Ope ɔ nya tami he lo?

Hiob 11:7 ပူးပေါင်းရင်းမြစ်များ

Romabi 11:33

Niatsɛ mi niatsɛ ji Mawu! Hyɛ bɔ nɛ e nile, kɛ juɛmi hiɛ ha! Mɛnɔ le bɔ nɛ e toɔ e yi mi ha? Blɔ nɔ nɛ e guu kɛ tsuɔ ní ɔ, mɛnɔ le?

Fiɛlɔ 3:11

E peeɔ nɔ́ tsuaa nɔ́ saminyayoo ngɛ e be mi. E ha nɔmlɔ juɛmi nɛ e kɛ leɔ níhi nɛ be momo, kɛ níhi nɛ maa ba hwɔɔ se. Se kɛ̃ ɔ, lɛ Mawu ɔ ní tsumi kɛ je sisije kɛ ya si nyagbe ɔ, lɔ ɔ lɛɛ nɔmlɔ juɛmi sui he.

La 145:3

Yawɛ kle, nɛ e sa kaa a je e yi wawɛɛ nitsɛ. E kle pe bɔ nɛ adesa juɛmi ma nyɛ maa su he.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Yesaya 40:28

Anɛ o li lo? Anɛ o nui lolo lo? Yawɛ ji Mawu nɛ ngɛ daa kɛ daa; lɛ ji nɔ nɛ bɔ je ɔ tsuo. Pɔ tɔɛ lɛ, nɛ e gbɔjɔɔ we. Bɔ nɛ e juɛmi mi kuɔ ha a, nɔ ko nɔ ko be nyɛe maa nu sisi.

La 77:19

O nyɛɛ kɛ gu wo ɔ mi; o po wo nɛ mi kuɔ ɔ kɛ be, se o nane mami he ɔmɛ lɛɛ nɔ ko nɔ ko li.

Hiob 37:23

Mawu Ope ɔ loo, wa be nyɛe maa su e he. E ngɛ he wami, e yeɔ dami sane, nɛ e pee we nɔ́ nɛ dɛ kɔkɔɔkɔ.

Hiob 5:9

Lɛ ji nɔ nɛ peeɔ ní nguanguahi nɛ wa juɛmi sui he, kɛ nyakpɛ ní hu babauu.

1 Korintobi 2:16

Kaa bɔ nɛ a ngma a, “Mɛnɔ lɛ le Nyɔmtsɛ ɔ juɛmi, nɛ e maa wo lɛ ga?” Wɔɔ lɛɛ bɔ nɛ Kristo susuu e yi mi ɔ, jã wɔ hu wa susuu wa yi mi.

1 Korintobi 2:10

Se wɔɔ lɛɛ Mawu gu e mumi ɔ nɔ je laami sane ɔ kpo ngɔ tsɔɔ wɔ. Mumi ɔ hlaa níhi tsuo a mi; Mawu juɛmi nɛ mi kuɔ ɔ tete po, e hlaa mi.

Mateo 11:27

“Tsaatsɛ tu níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ pɛ; nɔ ko nɔ ko li Tsɛ ɔ, ja Bi ɔ kɛkɛ, kɛ nihi nɛ Bi ɔ suɔ kaa e maa tsɔɔ mɛ Tsɛ ɔ.

Hiob 26:14

Mawu blɔ ɔmɛ a he níhi bɔɔ kɛkɛ nɛ́ wa nu kɛ wa tue ji nɛ ɔmɛ nɛ. E he wami kpetekpleenyɛ nitsɛnitsɛ ɔ lɛɛ mɛnɔ ma nyɛ maa le?

Hiob 22:12

Niinɛ, Mawu ngɛ hiɔwe lokoo! Se dodoehi nɛ ngɛ hiɔwe lokoo ɔ, anɛ Mawu lɛɛ e hyɛ we mɛ kaa nɔ́ nɛ zugba lɛ a ngɛ lo?

Hiob 33:12

Hyɛ, nɔ́ nɛ i ngɛ mo dee ji o nɔ́ be mi; Mawu kle pe nɔmlɔ adesa.

Hiob 33:13

Mɛni he je mɔ lɛ o kɛ lɛ ngɛ pɛe kaa e bui níhi nɛ e ngɛ pee ɔ ekoeko he akɔtaa kɛ tsɔɔ we nɔ ko?

Hiob 36:26

Hyɛ, Mawu kle! Wa li lɛ kulaa; jeha nɛ e ye hu wa juɛmi sui he.

Hiob 37:5

Ke Mawu wo gbi kikɛ nɛ ɔ, e peeɔ ní nguahi nɛ wa juɛmi sui he.

Fiɛlɔ 7:24

Kɛ nɔ ko maa pee kɛ le bɔ nɛ wami ngɛ ha kɛɛ? Mɛnɔ ma nyɛ? Wa juɛmi sui he.

Hiob 27:11

Nyɛ ha nɛ ma tsɔɔ nyɛ bɔ nɛ Mawu kle ha; nɔ́ nɛ Mawu Ope ɔ to ke e maa pee ɔ, i be nyɛ ba laae ngɛ he.

Hiob 35:5

Hyɛ hiɔwe; hyɛ bɔ nɛ o kɛ bɔku ɔmɛ a he kɛ ha!

Hiob 42:3

O bi ke kɛ peeɔ kɛɛ nɛ i biɔ sane nɛ kɔɔ mo o nile he, be mi nɛ imi lɛɛ i li nɔ́ ko nɔ́ ko ɔ? I tu níhi nɛ i nui sisi a he munyu; nyakpɛ níhi nɛ ye juɛmi sui a he.

La 139:6

Bɔ nɛ o le mi fitsofitso ɔ ngɛ nyakpɛ tsɔ. Nile nɛ ɔ mi kuɔ pe bɔ nɛ ma nyɛ ma nu sisi.

Abɛ Womi 30:4

Mɛnɔ lɛ ya hiɔwe nɛ e kpale kɛ ba zugba hyɛ? Mɛnɔ lɛ bua kɔɔhiɔ nya kɛ wo e dɛ mi hyɛ? Mɛnɔ lɛ yɛ wo mi nyu ɔ tsuo kɛ wo bo mi, nɛ e fi nya hyɛ? Aloo mɛnɔ lɛ ma buna ngɛ je ɔ mi nyagbe he ɔmɛ? Kɛ a tsɛɔ lɛ kɛɛ? E bi ɔ hu, mɛni ji e biɛ? Tse o le?