Hiob 11:6 - BAIBLO ALOO NGMAMI KLƆUKLƆU Ɔ

⁶ Jinɛ Mawu maa tu mo nile mi laami munyuhi; e ma de mo ke níhi babauu ngɛ je mi nɛ nɔmlɔ adesa juɛmi sui he. Na nɛ o le kaa Mawu gbla we o tue bɔ nɛ sa mo; o yayami ɔmɛ hiɛ kulaa pe tue gblami ɔ.

Hiob 11:6 ပူးပေါင်းရင်းမြစ်များ

Ezra 9:13

Níhi nɛ ba wa nɔ ɔ ji yayami nɛ wa pee, kɛ tɔmihi nɛ wa tɔ̃ ɔ a he tue gblami. Se kɛ̃ ɔ, wa na kaa o na wɔ mɔbɔ; o gbla we wa tue bɔ nɛ sa wɔ, nɛ o ha wa ti ni komɛ ngɛ je mi kɛ mwɔɔ.

Hiob 11:5

I na nɛ Mawu pa e nya mi nɛ e ha mo heto.

Hiob 12:13

Se Mawu lɛɛ e nɔ́ ji nile, kɛ he wami; e ngɛ juɛmi, kɛ nɔ́ sisi numi.

Hiob 15:11

Bua jɔmi nɛ Mawu ha mo ɔ, e pi ha mo lo? Bɔ nɛ e kɛ mo tuɔ munyu blɛuu ɔ, lɔ ɔ sɛ́ o hɛ mi lo?

Hiob 15:5

Nɔ́ nɛ o ngɛ dee ɔ yeɔ o he yayami ɔmɛ a he odase; lakpa sɔuu lɛ o ngɛ yee ɔ nɛ.

Hiob 15:8

O nu Mawu laami sanehi hyɛ lo? Mo pɛ ji ní lelɔ lo?

Hiob 22:5

Dɛbi, a ngɛ o tue gblae, ejakaa o he yayami ɔmɛ hiɛ tsɔ; o he yayami ɔ, a li nya.

Hiob 28:28

Mawu de nɔmlɔ ke, “Nyɔmtsɛ ɔ gbeye yemi ɔ, lɔ ɔ ji nile; yayami he jemi ɔ, lɔ ɔ ji juɛmi.”

Hiob 33:12

Hyɛ, nɔ́ nɛ i ngɛ mo dee ji o nɔ́ be mi; Mawu kle pe nɔmlɔ adesa.

Hiob 9:4

Mawu ɔ, e le ní, nɛ e he wa. Mɛnɔ lɛ te si kɛ si Mawu hyɛ nɛ e hi ha lɛ?

La 103:10

E gbla we wa tue bɔ nɛ sa wɔ; wa yayami ɔmɛ hu e wui wɔ a he hiɔ bɔ nɛ sa wɔ.

La 25:14

Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

Kɔmɔ Yemi 3:22

kaa Yawɛ suɔmi se pui gblegbleegble; e naa mɔbɔ daa.

Daniel 2:28

Se Mawu ko ngɛ hiɔwe nɛ jeɔ laami sanehi kpo ngɔ tsɔɔ. Mawu nɛ ɔ ji nɔ nɛ je ngɔ tsɔɔ mo Matsɛ Nebukadnezar ngɛ nlami mi, nɔ́ nɛ maa ba hwɔɔ se ɔ nɛ. Nlami nɛ o nla, kɛ nina nɛ o na, benɛ o hwɔ mahe ɔ ji nɛ ɔ nɛ.

Daniel 2:47

Matsɛ ɔ de Daniel ke, “Niinɛ, o Mawu ɔ kle pe mawu ɔmɛ tsuo; matsɛmɛ a nyɔmtsɛ ji lɛ, nɛ lɛ ji nɔ nɛ jeɔ laami sanehi kpo ngɔ tsɔɔ nɔ. I na le nɔ́ nɛ ɔ, ejakaa o nyɛ́ tsɔɔ mi laami sane nɛ ɔ sisi.”

Mateo 13:35

E pee enɛ ɔ, konɛ e kɛ ha nɛ nɔ́ nɛ gbalɔ ɔ de ɔ nɛ ba mi ke, “I kɛ mɛ maa tu munyu ngɛ abɛ gbi mi. Níhi nɛ a ngɔ kɛ laa kɛ je be nɛ a to je ɔ sisi ɔ, ma fiɛ kɛ tsɔɔ mɛ.”

Efesobi 3:5

Yi nɔhi nɛ be ɔ, adesa li laami sane nɛ ɔ. Se jehanɛ lɛɛ Mawu gu Mumi Klɔuklɔu nɔ je kpo kɛ tsɔɔ e bɔfo klɔuklɔu ɔmɛ, kɛ gbali ɔmɛ.

Mose V, 29:29

“Laami ní komɛ ngɛ nɛ Yawɛ, wa Mawu ɔ je we kpo ngɔ tsɔɔ wɔ, se e je e mlaa a kpo ngɔ ha wɔ kɛ wa nina, bɔ nɛ pee nɛ waa ye nɔ kɛ ya neneene.