Hiob 11:3 - BAIBLO ALOO NGMAMI KLƆUKLƆU Ɔ

³ Hiob, munyuhi nɛ o ngɛ tue putɛputɛɛ ɔ, o susu kaa jamɛ munyu ɔmɛ ma ha nɛ wa ma wa nya lo? Ke o ngɛ nihi a he fɛu yee ɔ, nɔ ko nɛ ko pue o hɛ mi si lo?

Hiob 11:3 ပူးပေါင်းရင်းမြစ်များ

Hiob 17:2

He fɛu yeli bɔle mi kɛ kpe; niinɛ, i naa mɛ nɛ a hii ye he fɛu yee.

Yuda 1:18

A de ke, “Nyagbe be ɔ mi ɔ, nihi maa ba nɛ a maa ye nyɛ he fɛu; a maa pee ní yayamihi nɛ mɛ nitsɛmɛ a tsui suɔ.”

Tito 2:8

Munyu nɛ maa je o nya a, e pee munyu kpakpa nɛ a be he nɔ́ yaya ko nae nɛ a de. Kɛkɛ ɔ, ke nihi nɛ teɔ si woɔ wɔ ɔ nɛ́ nɔ́ yayami ko nɛ a de ngɛ wa he ɔ, zo maa gbe mɛ.

2 Tesalonikabi 3:14

Ke nɔ ko sume kaa e maa ye nɔ́ nɛ wa ngma nyɛ nɛ ɔ nɔ ɔ, nyɛ kadi lɛ, nɛ nyɛɛ kɛ lɛ ko bɔ. Kɛkɛ ɔ, zo maa gbe lɛ.

Yeremia 15:17

I ya piɛ we nihi nɛ ngɛ mle yee ɔ a he; i kɛ mɛ muɛ, nɛ i kɛ mɛ nya we. Se imi nɔ kake too i hi si kaa bɔ nɛ o fa mi ke ma pee ɔ; ejakaa o ha nɛ ye mi mi fu wawɛɛ nitsɛ.

La 83:16

Yawɛ, ha nɛ zo nɛ gbe mɛ kpɔtɔɔ kɛ yaa si a maa na o he wami kpetekpleenyɛ ɔ.

La 35:16

A kɛ ma mi yaka nimli ɔmɛ ya pee kake. A plɛ a nya wo mi, nɛ a ye ye he fɛu.

Hiob 34:7

Anɛ nyɛ na nyumu ko hyɛ kaa Hiob lo? Nɔmlɔ nɛ bɔɔ musu bɔ nɛ e suɔ kaa bɔ nɛ a nuu nyu ɔ.

Hiob 24:25

Ke ní nɛ ɔmɛ be mi ɔ, mɛnɔ ma nyɛ maa tsɔɔ kaa i ngɛ lakpa yee? Anɛ nɔ ko ma nyɛ maa tsɔɔ kaa munyu gu lɛ i ngɛ tue ɔ lo?

Hiob 21:3

Nyɛɛ ngmɛ mi blɔ nɛ imi hu ma tu munyu; ke i de nɔ́ nɛ ma de ɔ ta a, nyɛ ma nyɛ maa ye ye he fɛu faa.

Hiob 13:9

Ke Mawu ke e ma hla nyɛ níhi a mi fitsofitso ɔ, anɛ e maa hi ha nyɛ lo? Anɛ nyɛ susu kaa nyɛ maa sisi Mawu kaa bɔ nɛ nyɛ sisiɔ nimli adesahi lo?

Hiob 13:4

Nyɛɛ lɛɛ pe nyɛ poɔ sane deɔ; nyɛ tsuo nyɛ ngɛ kaa tsopatsɛmɛ nɛ a he be se nami.

Hiob 12:4

I plɛ pee muɔ nɔ́ kɛ ha ye huɛmɛ; a ngɛ mi muɔe, pohu dalɔ ji mi; tɔmi be ye he. Be ko nɛ be ɔ, ke i fa kue ha Mawu ɔ, e buɔ mi tue.