Hiob 11:19 - BAIBLO ALOO NGMAMI KLƆUKLƆU Ɔ

¹⁹ Ke o hwɔ si ɔ, o be gbeye yee; nihi babauu ma ba bi yemi kɛ buami ngɛ o dɛ.

Hiob 11:19 ပူးပေါင်းရင်းမြစ်များ

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

La 45:12

Tiro ma mi bi ɔmɛ maa ngɔ nike ní kɛ ba sa o hɛ mi.

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

Yesaya 45:14

Yawɛ de Israel ke, “Egipt juetli, kɛ Sudan nijua ní ma ba pee o nɔ́, nɛ Seba bi, nimli gagahi ma ba pee o nyɔguɛhi; a maa bɔ mɛ pã kɛ ba o ngɔ; a ma ba kpla si ha mo, nɛ a ma kpa mo pɛɛ ngɛ he si bami mi ke, ‘Niinɛ, Mawu nɛ kɛ mo ngɛ ɔ, lɛ nɔ kake too ji Mawu; ekpa ko be hu.

Abɛ Womi 19:6

Nɔ nɛ mi mi jɔ ɔ, nihi fuu kɛ lɛ bɔɔ; nɔ nɛ bɔleɔ e nine ɔ, nɔ tsuaa nɔ huɛ ji lɛ.

Mose III, 26:6

“Ma ha nyɛ tue mi maa jɔ nyɛ ngɛ nyɛ zugba a nɔ. Nyɛ maa hwɔ mahe fuaa, nɛ nyɛ be nɔ ko gbeye yee. Ma je lohwe dikali kɛ je zugba a nɔ, nɛ a be ta hwue ngɛ zugba a nɔ hu.

Hiob 11:18

O maa hi si ngɛ tue mi jɔmi, kɛ hɛ nɔ kami mi; Mawu maa baa o yi, nɛ e ma ha mo he jɔmi.

La 4:8

Ma hwɔ si nɛ ma hwɔ mahe ngɛ tue mi jɔmi mi. Ejakaa mo, Yawɛ pɛ lɛ o haa nɛ ye he mi jɔɔ mi.

La 127:2

Yaka gu nyɛ teɔ si makɛ mla, nɛ gbɔkuɛ hu nyɛ ya hwɔ we si mla. Nyɛ gboɔ dengme loko nyɛ naa nɔ́ ko bɔɔ pɛ nyɛ yeɔ, se nɔ nɛ Mawu suɔ e sane ɔ, e haa e hwɔɔ mahe bɔ nɛ sa.

Abɛ Womi 3:24

Ke o hwɔ si ɔ, o be gbeye yee; o maa hwɔ mahe vii nyɔ mi tsuo.

Yesaya 17:2

Nimli be Siria ma amɛ a mi hie gblegbleegble hu. Lejɛ ɔmɛ maa pee tohi kɛ nahi a ní yemi he; nɛ nɔ ko nɔ ko be lohwe nɛ ɔmɛ fiee.

Mika 4:4

Nɔ tsuaa nɔ maa hi si ngɛ he jɔmi mi ngɛ e wai tso, loo e ngmɔkɔ tso sisi, nɛ nɔ ko be nɔ ko he gbeye woe. Yawɛ, Tabohiatsɛ ɔ lɛ de.

Zefania 3:13

Israel bi nɛ maa piɛ ɔ, a be nɔ́ yayami pee; a be lakpa yee, nɛ a be nɔ sisie hulɔ. A ma plɔke, nɛ a he mi maa jɔ mɛ, nɛ nɔ ko nɔ ko be nyɛe maa wo a he gbeye.”

Kronika II, 20:30

Yehoshafat ye matsɛ ngɛ tue mi jɔmi mi, ejakaa e Mawu ɔ ha lɛ he jɔmi ngɛ he tsuaa he kɛ bɔle si.

Ezekiel 34:28

Je ma amɛ ba be mɛ haoe nɛ a ha a ní hu. Lohwe awi yeli ba be mɛ nue nɛ a ye hu. A maa hi si ngɛ tue mi jɔmi mi, nɛ nɔ ko nɔ ko be a he gbeye woe.