Hiob 11:16 - BAIBLO ALOO NGMAMI KLƆUKLƆU Ɔ

¹⁶ Kɛkɛ ɔ, o haomi ɔmɛ tsuo a se maa po kaa pa nɛ hia kɛ ba be be ko; nɛ o be mɛ kaie hu.

Hiob 11:16 ပူးပေါင်းရင်းမြစ်များ

Yesaya 65:16

Kɛkɛ ɔ, nɔ tsuaa nɔ nɛ ma hla kaa a gbaa lɛ ɔ ma bi Mawu anɔkualetsɛ ɔ; nɛ nɔ nɛ ma ka kita ngɛ zugba a nɔ ɔ hu maa ngɔ Mawu anɔkualetsɛ ɔ biɛ kɛ ka; ejakaa blema haomi ɔmɛ maa be kɛ ho, nɛ a be kaie hu.”

Yohane 16:21

Ke yo ngɛ kɔe nɛ e ma fɔ ɔ, e haoɔ, ejakaa e dengme gbomi be ɔ su; se ke e fɔ pɛ, dengme tsuo nɛ e gbo ɔ, e hɛ jeɔ nɔ; ejakaa e naa bua jɔmi kaa e fɔ bi kɛ wo je ɔ mi.

Fiɛlɔ 5:20

Akɛnɛ Mawu haa lɛ bua jɔmi daa he je ɔ, e pa be e he haoe kɛ kane e wami ligbi ɔmɛ hu.

Yesaya 54:9

“Noa be ɔ mi ɔ, i wo si ko; i de ke i be hae nɛ nyu babauu ma ba ha zugba a nɔ hu. Amlɔ nɛ ɔ, i ngɛ mo si woe kaa ye mi mi be mo fue hu gblegbleegble.

Yesaya 54:4

Koo ye gbeye, ejakaa zo be mo gbee! O tsui ko po, ejakaa a be o hɛ mi si puee hu. Zo ní nɛ o tsu ngɛ o yihe be mi ɔ, o hɛ maa je nɔ, nɛ si nɛ o hi mɔbɔmɔbɔ kaa yalɔyo ɔ, o be kaie hu.

Abɛ Womi 31:7

Ke a nu ɔ, a hɛ maa je ohia nɔ, nɛ a be kɔmɔ yee hu.

Hiob 22:11

Diblii kpii wo mo, nɛ o hyɛ we nɔ́ hu; nyu kpekpemi bɔle mo kɛ kpe.

Hiob 6:15

Se nyɛ ye nyɛmimɛ, nyɛ sisiɔ mi kaa pa nɛ gbli, be mi nɛ hiɔmi nɛ́.

Mose I, 41:51

E wo e bitɛte ɔ Manase, nɛ e de ke, “Mawu ha nɛ ye hɛ je ye haomi ɔ tsuo, kɛ ye weku li tsuo a nɔ.”

Mose I, 9:11

I ngɛ si woe kaa kɛ je mwɔnɛ ɔ kɛ yaa a, a kɛ nyu kpekpemi be níhi nɛ ngɛ hɛ ngmengmle a hɛ mi kpatae hu kɔkɔɔkɔ; nyu kpekpemi ba be je ɔ hɛ mi kpatae hu kɔkɔɔkɔ.