Hiob 11:15 - BAIBLO ALOO NGMAMI KLƆUKLƆU Ɔ

¹⁵ Ke yayami ko be o he nɛ ma ble mo ɔ, lɔ ɔ loko o maa pi si ngɛ Mawu mi, nɛ o be nɔ́ ko nɔ́ ko gbeye yee.

Hiob 11:15 ပူးပေါင်းရင်းမြစ်များ

Mose I, 4:7

E ji o pee nɔ́ nɛ hi jinɛ i ko na o he bua jɔmi. Se akɛnɛ o ya pee we nɔ́ nɛ hi ɔ, yayami buu si ngɛ o sinya a nya kaa lohwe dikalɔ nɛ e miɔ nɛ e maa tu mla mo. Se, hyɛ nɛ o ye yayami ɔ nɔ.”

Hiob 10:15

Ke i pee yayami ɔ, musu tloo mi. Ke i pee nɔ́ nɛ da tete po, haomi kɛ zo ha we nɛ ma nyɛ ma wo ye yi nɔ.

Hiob 22:26

Ngɔɔ o hɛ kɛ fɔ Mawu Ope ɔ nɔ daa, nɛ o maa na kaa e ma ha mo bua jɔmi.

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

La 27:3

Ke ta ba tua mi, nɛ tabohi ba sa ye yi po, i be gbeye yee. Mawu nɔ kɛkɛ lɛ ma ngɔ ye hɛ kɛ fɔ.

La 46:1

Mawu ji wa wesa he, kɛ wa he wami. Wa fimi behi tsuo a mi ɔ, e ngɛ wa kasa nya.

La 46:2

Lɔ ɔ he ɔ, ke zugba mimiɛ, nɛ yohi hia kɛ ya pue wo mi po, wa be gbeye yee.

Abɛ Womi 14:26

Nɔ nɛ yeɔ Yawɛ gbeye ɔ, e kɛ e bimɛ tsuo hiɔ si ngɛ he jɔmi mi.

Abɛ Womi 28:1

Yayami peelɔ tuɔ fo be mi nɛ nɔ ko nyɛɛ we e se. Nihi nɛ peeɔ nɔ́ nɛ da a, mɛɛ lɛɛ a peeɔ kã kaa jata.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

1 Yohane 2:28

Ye bimɛ tsɔwi, nyɛɛ ya nɔ nɛ nyɛɛ hi Kristo mi, bɔ nɛ pee nɛ ke e je e he kpo ɔ, wa nɔ gbagba nɛ te. Kɛkɛ ɔ, ligbi ɔ nɛ e maa ba a, zo be wɔ gbee ngɛ e hɛ mi.