Hiob 11:12 - BAIBLO ALOO NGMAMI KLƆUKLƆU Ɔ

¹² Ke nga mi tejihi a hɛ mi ba si ɔ, kuasiahi maa le nɔ.

Hiob 11:12 ပူးပေါင်းရင်းမြစ်များ

Hiob 15:14

Anɛ nɔmlɔ ko ngɛ nɛ e he tsɔ lo? Nɔmlɔ nɛ yo fɔ lɛ ɔ, anɛ dalɔ ji lɛ ngɛ Mawu hɛ mi lo?

Hiob 28:28

Mawu de nɔmlɔ ke, “Nyɔmtsɛ ɔ gbeye yemi ɔ, lɔ ɔ ji nile; yayami he jemi ɔ, lɔ ɔ ji juɛmi.”

Hiob 5:13

Ke ní leli tsɔ nihi klama a, lɛ nɛ e haa klama amɛ fɛɔ yaka nɛ a puɛ we ní.

Hiob 6:5

Ke nga mi teji ngɛ nga kpee ɔ, anɛ e pa hii pɛe lo? Ke na ngɛ ní yee ɔ, anɛ e hii pɛe kɛ mwɔɔ lo?

La 144:4

Nɔmlɔ adesa ngɛ kaa mumu nɛ a woɔ ɔ; e ligbi ɔmɛ ngɛ kaa hɔ̃ nɛ bee kɛ yaa.

La 39:11

Ke o ka adesa hɛ mi, nɛ o gbla e tue ngɛ e he yayamihi a he pɛ o kpata e nɔ́ tsuaa nɔ́ hɛ mi pɛsɛpɛsɛ kaa bo nɛ wɔyewɔye ye. Niinɛ, nɔmlɔ adesa ngɛ kaa kɔɔhiɔ kɛkɛ.

La 39:5

Hyɛ kaa o pee ye wami be ɔ kpiti! Ye wami be ɔ tsuo pi nɔ́ ko kulaa ngɛ o hɛ mi. Niinɛ, adesa tsuo ngɛ kaa kɔɔhiɔ!

La 51:5

Kɛ je be nɛ a fɔ mi ɔ, yayami peelɔ ji mi. Loko ye nyɛ ngɔ mi hɔ po, yayami ngɛ ye he.

La 73:22

i je kuasia; i li nɔ́ ko nɔ́ ko; i pee kaa lohwe ngɛ o hɛ mi.

La 92:6

Nɔ nɛ biɛ be enɛ ɔ lee; kuasia hu be sisi nue.

Fiɛlɔ 1:2

Ye juɛmi deɔ mi ke, wami nɛ ɔ, se nami ko be he; wami he be se nami. Lɛ tsuo peeɔ yaka!

Fiɛlɔ 11:10

Lɔ ɔ he ɔ, nyɛ ko ye tsui, nɛ nyɛ ko hao; ejakaa jokuɛwi a si, kɛ nihe be ɔ tsuo yaka.

Fiɛlɔ 3:18

Nɔ́ nɛ i de ngɛ ye yi mi ngɛ ní nɛ ɔmɛ tsuo a he ji kaa Mawu ngɛ nimli adesahi kae nɛ e kɛ tsɔɔ mɛ kaa slɔɔto be a kɛ lohwehi a kpɛti.

Yeremia 2:24

O ngɛ kaa nga mi teji yo nɛ nu nyumu he fu; mɛnɔ ma nyɛ maa tsi e nya? E hia we kaa nyumu nɛ hao e he kɛ ya hla lɛ; ke fiɛmi be ɔ su kɛkɛ o maa na lɛ.

Romabi 1:22

A tsɛɔ a he ní leli, se a plɛ pee kuasiahi mohu.

Romabi 12:16

Bɔ nɛ nyɛ maa pee kɛ ha nɔ kake ɔ, nyɛɛ pee ja kɛ ha nɔ tsuaa nɔ. Nyɛ ko wo nyɛ he nɔ, se mohu nyɛɛ kɛ ni nɛmɛ nɛ baa a he si ɔ nɛ bɔ; nɛ nyɛ ko bu nyɛ he ní leli tsɔ.

Efesobi 2:3

Niinɛ, sa a, wɔ tsuo pɛpɛɛpɛ wa ngɛ kaa mɛ; nɛ akɔnɔ yaya nɛ ngɛ wa mi ɔ jeɔ kpo ngɛ wa ní peemi níhi a mi. Níhi nɛ wa nɔmlɔ tso ɔ, kɛ wa juɛmi suɔ ɔ, lɔ ɔmɛ wa peeɔ. Akɛnɛ adesa kɛkɛ ji wɔ kaa bɔ nɛ nihi tsuo ngɛ ɔ, e fɔɔ si paa kaa Mawu maa gbla wa tue. Mawu mi mi fu wɔ kaa bɔ nɛ e mi mi fu adesahi tsuo ɔ, ejakaa wa pee yayami kɛ si lɛ.

Yakobo 2:20

Kuasia! O ngɛ hlae nɛ nɔ ko nɛ de mo ke hemi kɛ yemi kɛkɛ nɛ ní tsumi piɛ we he ɔ, e wui yiblii.