Hiob 10:9 - BAIBLO ALOO NGMAMI KLƆUKLƆU Ɔ

⁹ Kai kaa tabo zu lɛ o kɛ bɔ mi. Anɛ o ma ha nɛ ma plɛ pee zu ekohu lo?

Hiob 10:9 ပူးပေါင်းရင်းမြစ်များ

Mose I, 2:7

Jamɛ a be ɔ mi ɔ, Yawɛ Mawu ngɔ zugba zu kɛ puɛ nɔmlɔ, nɛ e mu mumi nɛ haa nɔ wami ngɔ wo nɔmlɔ gugwɔ puɔ mi; nɛ nɔmlɔ pee adesa hɛngmengmletsɛ.

Yesaya 64:8

Se kɛ ɔ, Yawɛ, mo ji wa tsɛ. Wa ngɛ kaa zu, nɛ moo lɛɛ o ngɛ kaa buɛ puɛlɔ; mo lɛ o bɔ wɔ.

Fiɛlɔ 12:7

Wa nɔmlɔ tso ɔ maa kpale kɛ ya tabo zu mi he nɛ e je ɔ, nɛ mumi ɔ maa ya Mawu ngɔ. Mawu lɛ ha mumi ɔ nɛ.

Yeremia 18:6

“Nyɛ Israel ma, anɛ i be he blɔ kaa i peeɔ nyɛ kaa bɔ nɛ buɛ puɛlɔ ɔ pee zu nɛ ɔ lo? Bɔ nɛ zu ngɛ ngɛ buɛ puɛlɔ dɛ mi ɔ, ja pɛ nyɛ ngɛ ngɛ ye dɛ mi ɔ nɛ.

Romabi 9:21

Wa le kaa buɛ puɛlɔ ngɛ he wami ngɛ zu nɛ e pɔtɔ ɔ nɔ, kaa e kɛ eko puɛɔ buɛ ko nɛ hi kɛ ha ní tsumi pɔtɛɛ ko, nɛ e puɛɔ buɛ kpa hu ngɛ mi kɛ ha ní tsumi gu ko kɛkɛ.

Yesaya 45:9

Musu tloo nɔmlɔ adesa nɛ e kɛ e bɔlɔ ɔ sãã nya. Adesa ngɛ kaa zu buɛ ngɛ buɛ puɛlɔ dɛ mi. Anɛ zu biɔ buɛ puɛlɔ ɔ ke, “Mɛni lɛ o ngɛ puɛe ɔ?” aloo “Nɔ́ nɛ o puɛ ɔ be nine lo?”

La 106:4

Yawɛ, ke o ngɛ o ma a mɔbɔ nae ɔ, mo kai imi hulɔ; ke o ngɛ a yi wami hee ɔ, ngɔɔ imi hu ngɔ piɛ a he.

La 90:3

O deɔ adesa ke, “Kpale kɛ ya o je he!” Kɛkɛ ɔ, nɔmlɔ plɛɔ peeɔ tabo zu.

La 89:47

Mo kai kaa ye wami be ɔ ngɛ kuku. Mɛni he je lɛ o bɔ nɔmlɔ adesa yaka gu ɔ?

La 25:18

Hyɛ ye haomi ɔ, kɛ ye nɔ́ nami ɔ, nɛ o ngɔ ye he yayami ɔmɛ tsuo kɛ pa mi.

La 22:15

Ye kuɔ si gbli kaa ngɛyu kokoe mi, nɛ ye lilɛ mɛtɛ ye nya mi. O si mi ngɛ tabo zu mi kaa nɔ nɛ gbo.

Hiob 17:14

Ma tsɛ yɔkɔ ɔ ke tsaatsɛ; gɔgɔhi nɛ maa ye mi ɔ, ma tsɛ mɛ maa, kɛ ye nyɛmiyihi.

Hiob 7:7

Nyɛ kai kaa ye wami ngɛ kaa kɔɔhiɔ kɛkɛ; ye bua jɔmi ɔ se po.

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.

Hiob 4:19

Nɛ mo nɛ tabo zu lɛ a kɛ puɛ mo, nɛ o ngɛ kaa bunyuku kɛkɛ! Mo nɛ a ma nyɛ maa naa o nɔ kaa bɔ nɛ a naa wɔyewɔye nɔ ɔ, moo lɛɛ o susu kaa Mawu ma he mo maa ye lo?

Hiob 7:21

Mɛni he je o kɛ ye he yayami ɔmɛ pɛ mi ɔ? Mɛni he je o je we ye he yayami ɔmɛ kɛ ji o hɛ mi kɛ mwɔɔ ɔ? Jehanɛ lɛɛ tabo zu mi lɛ ma hwɔ; ke o ngɛ mi hlae ɔ, o be mi nae hu.

Hiob 10:10

O ha tsaatsɛ he wami nɛ e kɛ fɔ mi; o ha nɛ i wa ngɛ maa mi mi.

Hiob 33:6

Bɔ nɛ o ngɛ ɔ, ja nɔuu imi hu i ngɛ ngɛ Mawu hɛ mi. Imi hu tabo zu ɔ kɛ̃ lɛ a kɛ puɛ mi.

Hiob 34:15

nimli adesahi tsuo ma gbo, nɛ a ma plɛ pee tabo zu ekohu.

La 78:39

E kaiɔ kaa adesahi kɛkɛ ji mɛ; a ngɛ kaa kɔɔhiɔ nɛ fia kɛ be nɛ kpale we e se kɛ bɛ hu.

La 104:29

Ke o kua mɛ ɔ, a haoɔ. Ke o ngɔ a mumi ɔ, a gboɔ nɛ a kpaleɔ kɛ yaa zu mi he nɛ a je ɔ.

La 103:14

Ejakaa e le wa bɔ su; e le kaa zu kɛkɛ ji wɔ.

Yesaya 64:7

Nɔ ko nɔ ko be nɛ faa kue ha mo; nɛ nɔ ko nɔ ko ba bi we yemi kɛ buami kɛ ji o ngɔ. O ngɔ o hɛ mi kɛ laa wɔ. Wa yayami ɔmɛ ha nɛ o kua wɔ.