Hiob 10:6 - BAIBLO ALOO NGMAMI KLƆUKLƆU Ɔ

⁶ Mɛni he je mɔ lɛ o ngɛ ye tɔmi ɔmɛ, kɛ ye yayami ɔmɛ a se die kikɛ nɛ ɔ?

Hiob 10:6 ပူးပေါင်းရင်းမြစ်များ

Zefania 1:12

“Jamɛ a ligbi ɔ, ma su kane kɛ kpa Yerusalem. Nɛ nihi nɛ hii si ngɛ a he yayami mi, nɛ nɔ́ ko pue we a tsui nɔ ɔ, ma ya hla a se blɔ, nɛ ma gbla a tue. Nimli nɛ ɔmɛ deɔ a he ke, ‘Oo, Yawɛ tsa be wɔ nɔ́ ko pee.’

Yeremia 2:34

Ohiatsɛmɛ nɛ pee we yayami ko a muɔ ji so nɛ ngɛ nyɛ tadehi a mi; pi ojo fiali a muɔ. “Se enɛ ɔmɛ tsuo a se ɔ,

La 44:21

anɛ mo, Mawu ɔ, o ko nɛ lo? Ejakaa o le níhi tsuo nɛ nɔmlɔ ngɔɔ kɛ laa ngɛ e tsui mi.

La 10:15

Moo ku yiwutsotsɛmɛ, kɛ yayami peeli a he wami nya, nɛ o gbla a tue kɛ yaa si yayami peemi se maa po.

Hiob 14:16

Jinɛ o maa hyɛ ye nyɛɛmi, nɛ o be ye he yayami ɔmɛ a se die.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Mose V, 4:29

Nyɛ ma hla Yawɛ, nyɛ Mawu ɔ ngɛ lejɛ ɔ. Ke nyɛ hla lɛ kɛ nyɛ tsui tsuo ɔ, nyɛ maa na lɛ.

Hiob 7:20

Ke i pee yayami ɔ, i plaa mo lo? Mo nɛ o hyɛɛ nimli adesahi a tsui mi ɔ, mɛni he je o je hɛ ngɔ pi mi ɔ? Anɛ i plɛ pee tlomi nɛ jiɔ tsɔ ha mo lo?

Hiob 13:23

Mɛni ji ye he yayami ɔmɛ? Mɛni tɔmihi nɛ i pee? Tsɔɔ mi ye yayami ɔmɛ, kɛ ye tɔmi ɔmɛ.

Hiob 21:4

Imi ɔ, tsa pi nɔmlɔ adesa nɛ i kɛ na; i kɛ Mawu lɛ na. Mɛni he je e sɛ kaa ye susuma haoɔ mɔ?

Hiob 33:13

Mɛni he je mɔ lɛ o kɛ lɛ ngɛ pɛe kaa e bui níhi nɛ e ngɛ pee ɔ ekoeko he akɔtaa kɛ tsɔɔ we nɔ ko?