Hiob 10:21 - BAIBLO ALOO NGMAMI KLƆUKLƆU Ɔ

²¹ Ma hia blɔ be kpiti mi kɛ ya he ko nɛ i be kpalee kɛ ba hu. I yaa ma ko nɔ; lejɛ ɔ wo diblii kpii, nɛ e ngɛ gbeyegbeye.

Hiob 10:21 ပူးပေါင်းရင်းမြစ်များ

Samuel II, 12:23

Se piɔ nɛ e gbo ɔ, mɛni he je e sa kaa ma ha hwɔ ekohu? Anɛ ma nyɛ ma kpale lɛ kɛ ba wami mi ekohu lo? Imi mohu nɛ ma bu e nɔ ligbi ko; se lɛɛ e be kpalee kɛ ba ye ngɔ hu gblegbleegble.”

Samuel II, 14:14

Gbenɔ fɔɔ si kɛ ha wɔ tsuo; wa ngɛ kaa nyu nɛ a kpa pue si nɛ be hie muɔmi hu. Mawu lɛɛ e kpataa we susuma hɛ mi; se mohu e toɔ ga, konɛ nɔ ko nɛ a je lɛ we ɔ, e ko ba pee nɔmlɔ nɛ tlɔ nga pɛsɛpɛsɛ.

Hiob 10:22

Lejɛ ɔ ngɛ gbeyegbeye, kɛ basabasa; nɛ piani po woɔ diblii kaa nyɔ mi.

Hiob 16:22

Jehahi bɔɔ komɛ a se ɔ, ma hia blɔ kɛ ya he ko nɛ i be kpalee kɛ ba hu.

Hiob 17:13

Ye hɛ nɔ kami kɛkɛ ji gbeje; lejɛ ɔ ji he nɛ ma hwɔ ngɛ diblii mi.

Hiob 3:13

I gbo kpoo jamɛ a be ɔ mi, jinɛ amlɔ nɛ ɔ, ye he mi jɔ mi.

Hiob 3:5

Ha nɛ e pee mɔbɔ ligbi, nɛ je ɔ mi nɛ wo diblii kpii. Ha nɛ bɔku tuu ba ha pu ɔ hɛ mi.

Hiob 34:22

Diblii ko be nɛ nya tsa bɔ nɛ yayami peeli maa laa a he ngɛ mi.

Hiob 38:17

Agbohi nɛ ngɛ ni gbogboehi a je, he nɛ wo diblii kpii ɔ, anɛ nɔ ko bli nya kɛ tsɔɔ mo hyɛ lo?

La 23:4

Ke i nyɛɛ diblii kpii mi po, i yi gbeye; ejakaa mo Yawɛ, o ngɛ ye kasa nya haa. O to tsɔ̃mi tso ɔ, kɛ o dɛma tso ɔ ji níhi nɛ woɔ mi he wami.

La 39:13

Ngmɛɛ ye he nɛ ma na bua jɔmi, loko ma je hiɛmɛ nɛ ɔ nɛ i pa be wami nɛ ɔ mi hie hu ɔ.

La 49:20

Nɔmlɔ adesa gboɔ kaa bɔ nɛ lohwehi tsuo gboɔ ɔ, e we agboje ɔ kɛ lɛ hí si kɛ yɛ neneene.

La 88:13

Se Yawɛ, imi lɛɛ mo i ngɛ tsɛe! Daa mɔtu ɔ, i faa kue kɛ haa mo.

La 88:6

O sake mi kɛ fɔ yɔkɔ ɔ mi he nɛ kuɔ pe kulaa a. O sake mi kɛ fɔ muɔ voo kɛ e mi diblii kpii ɔ mi.

Fiɛlɔ 11:8

Ke nɔ ko ye jeha babauu ngɛ je mi ɔ, e ná bua jɔmi daa ligbi. Se mohu, e kai kaa ke e gbo ɔ, be nɛ e maa ye ngɛ lejɛ ɔ hiɛ kulaa pe be nɛ e maa ye ngɛ je nɛ ɔ mi. Níhi nɛ maa ba a tsuo ji yaka níhi.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Yesaya 38:11

I susu kaa i be Yawɛ nae gblegbleegble ngɛ hɛ kali a zugba nɛ ɔ nɔ. I susu hu kaa i be ye nyɛmimɛ adesahi nae ngɛ je nɛ ɔ mi hu.

Yeremia 2:6

A bi we ke, ‘Jije Yawɛ ngɛ?’ Pohu, imi lɛ i je mɛ kɛ je Egipt zugba a nɔ; imi lɛ i kpaka mɛ kɛ gu nga kplanaa a nɔ, zugba kɛ e mi muɔhi kɛ e mi diblii kpii, zugba nɛ nyu be nɔ, nɛ nɔmlɔ adesa ko be nɔ, nɛ nɔ ko hu gui nɔ.