Hiob 10:16 - BAIBLO ALOO NGMAMI KLƆUKLƆU Ɔ

¹⁶ Ke níhi a mi hi ha mi bɔɔ ɔ, o nyɛɛɔ ye se kaa jata. O guu nyakpɛ blɔhi a nɔ, nɛ o kɛ yeɔ mi awi.

Hiob 10:16 ပူးပေါင်းရင်းမြစ်များ

Yesaya 38:13

Nyɔ mi tsuo i ngɛ kɛmɛe kaa nɔ́ nɛ jata lɛ ngɛ ye mi wuhi kue. I susu kaa Mawu ha ye wami nyagbe ma amlɔ nɔuu.

Kɔmɔ Yemi 3:10

E pee kaa osisiblisi nɛ wo ka, loo jata nɛ laa e he, konɛ e nu mi.

Hiob 5:9

Lɛ ji nɔ nɛ peeɔ ní nguanguahi nɛ wa juɛmi sui he, kɛ nyakpɛ ní hu babauu.

Amos 3:8

Ke jata ngɛ huãe ɔ, mɛnɔ lɛ e tsui pui? Ke Yawɛ ngɛ munyu tue ɔ, mɛnɔ ma kua ke e be e sɛ gbi ɔ fiɛe? Nɔ ko nɔ ko be!

Mose V, 28:59

e ma ha hiɔhi nɛ be tsa ba, kɛ gbenɔ hiɔ nɛ nɔ ko nɔ ko be nya nyɛe maa tsi maa nu nyɛɛ, kɛ nyɛ nina tsuo.

Hiob 13:24

Mɛni he je o kɛ o hɛ mi laa mi ɔ? Mɛni he je o kɛ mi ngɛ ní toe kaa o he nyɛlɔ ɔ?

Hiob 16:9

Mawu mi mi fu mi, nɛ e tsɔtslɔɔ ye mi. E kpɔ lungu ngɔ wo mi, nɛ e muɔ e hɛngmɛ ngɔ pue ye nɔ kaa a peeɔ nɔ he nyɛlɔ.

Yeremia 5:6

Enɛ ɔ he je ɔ, jata maa je pu mi kɛ ba gbe mɛ; ogbetee maa je nga nɔ kɛ ba tsɔtslɔɔ a mi dukuduku, nɛ ngatsɛ ma ba wo ka ngɛ a ma amɛ a mi. Nɔ tsuaa nɔ nɛ maa je kpo ɔ, a ma tsɔtslɔɔ lɛ; ejakaa a pee yayamihi fuu, nɛ a tsɔ Mawu hɛ mi atuã si abɔ.

Hosea 5:14

Imi Yawɛ, ma tsɔtslɔɔ Israel kɛ Yuda a mi ngɔ pue si kaa jata peeɔ nɔ́. Ma ngɔ mɛ kɛ ho; nɛ nɔ ko nɔ ko be nyɛe ma kpɔ mɛ ngɛ ye dɛ.