Hiob 10:15 - BAIBLO ALOO NGMAMI KLƆUKLƆU Ɔ

¹⁵ Ke i pee yayami ɔ, musu tloo mi. Ke i pee nɔ́ nɛ da tete po, haomi kɛ zo ha we nɛ ma nyɛ ma wo ye yi nɔ.

Hiob 10:15 ပူးပေါင်းရင်းမြစ်များ

Hiob 10:7

O le kaa i yi fɔ, nɛ nɔ ko hu be nɛ ma kpɔ mi kɛ je o dɛ mi.

Hiob 21:6

Nɔ́ nɛ ba ye nɔ nɛ ɔ, ke i susu he ɔ, ye he mi poɔ, nɛ ye nɔmlɔ tso ɔ doɔ blibliibli.

Hiob 23:15

Ke i susu ní nɛ ɔmɛ a he ɔ, i yeɔ Mawu gbeye, nɛ ye he doɔ blibliibli ngɛ e hɛ mi.

Hiob 27:7

Ye he nyɛlɔ ɔ, á gbla e tue kaa yiwutsotsɛ; nɔ nɛ teɔ si kɛ woɔ mi ɔ, á gbla e tue kaa yayami peelɔ.

Hiob 6:29

Lɔ ɔ he ɔ, i kpa nyɛ pɛɛ, nyɛ ko susu nɔ́ yayami ha mi kɛ ya tsitsaa. Nyɛ ko bu mi fɔ; i yeɔ nguɔ.

Hiob 9:12

Nɔ́ nɛ e suɔ ɔ, kɛkɛ e gblɔ kɛ je. Mɛnɔ ma nyɛ maa tsi e nya? Mɛnɔ ma nyɛ ma bi lɛ ke, “Mɛni o ngɛ pee nɛ ɔ?”

Hiob 9:15

E ngɛ mi kaa i pee we yayami ko lɛɛ, se i be nyɛe nɛ ma ha Mawu heto. Pɛɛ kɛkɛ lɛ ma kpa Mawu, ye kojolɔ ɔ, konɛ e na mi mɔbɔ.

Hiob 9:29

A maa bu mi fɔ kɛ̃; mɛni he je mɔ lɛ ma gbo dengme yaka?

La 119:153

Hyɛ amanehlu nɛ i ngɛ nae nɛ ɔ, nɛ o ba je mi kɛ je mi, ejakaa ye hɛ ji o mlaa a nɔ.

La 25:18

Hyɛ ye haomi ɔ, kɛ ye nɔ́ nami ɔ, nɛ o ngɔ ye he yayami ɔmɛ tsuo kɛ pa mi.

La 83:16

Yawɛ, ha nɛ zo nɛ gbe mɛ kpɔtɔɔ kɛ yaa si a maa na o he wami kpetekpleenyɛ ɔ.

La 9:17

Nimli yayamihi, kɛ mahi tsuo nɛ a hɛ je Mawu nɔ ɔ, a nyagbe ji gbenɔ.

Mose II, 3:7

Kɛkɛ nɛ Yawɛ de ke, “Amanehlu nɛ ye ma a ngɛ nae ngɛ Egipt ɔ, i na; nɛ ya nɛ a ngɛ foe kɛ ngɛ balɔ tsɛe ɔ hu i nu. Niinɛ, i le a nɔ́ nami ɔ tsuo.

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”

Kɔmɔ Yemi 1:20

“Yawɛ lee, hyɛ bɔ nɛ i ngɛ haoe ha; i ngɛ he hiami mi wawɛɛ, nɛ ye tsui ngɛ mi yee. I tsɔ o hɛ mi atuã. A ngɛ nihi gbee ngɛ gbɛjegbɛ ɔmɛ a nɔ; jã kɛ̃ nihi ngɛ gboe ngɛ we ɔmɛ a mi hulɔ.

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Luka 17:10

Enɛ ɔ kɔɔ nyɛ hu nyɛ he jã kɛ̃. Ke nyɛ pee níhi tsuo nɛ a fa nyɛ ke nyɛɛ pee ɔ, nyɛ de ke, ‘Wɔɔ lɛɛ sɔmɔli nɛ he be se nami kɛkɛ ji wɔ. Ní tsumi nɛ sa kaa wa tsu ɔ, lɔ ɔ pɛ wa tsu nɛ ɔ nɛ.’ ”