Hiob 1:3 - BAIBLO ALOO NGMAMI KLƆUKLƆU Ɔ

³ kɛ tsɔli babauu. E ngɛ lohwe nɛ ɔmɛ hulɔ: to akpe kpaago, afukpɔngɔ akpe etɛ, na akpe, kɛ teji yo lafa enuɔ. Lɛ ji nɔmlɔ ngua pe kulaa ngɛ beleku je ma amɛ a mi.

Hiob 1:3 ပူးပေါင်းရင်းမြစ်များ

Mose I, 12:16

Sarai he ɔ, matsɛ ɔ hyɛ Abram nɔ saminya; Abram na jijɔhi, nahi, tejihi, nyɔguɛhi nyumuhi kɛ yihi, kɛ afukpɔngɔhi babauu.

Mose I, 12:5

Abram ngɔ e yo Sarai, kɛ e wɔfase Lot, kɛ weto ní, kɛ nyɔguɛhi nɛ a na ngɛ Haran ɔ, nɛ a pue nɔ kɛ ho Kanaan zugba a nɔ ya. Benɛ a ya su Kanaan ɔ,

Mose I, 13:6

Se zugba a klee we bɔ nɛ maa kpe Abram kɛ Lot tsuo. A lohwe ɔmɛ hiɛ tsɔ pe lohwe lɛmi he ɔmɛ.

Mose I, 24:35

Yawɛ gbaa ye nyɔmtsɛ ɔ saminya, nɛ e pee lɛ niatsɛ. Yawɛ ha lɛ tohi, nahi, sika hiɔ, sika tsu, kɛ nyɔguɛhi nyumuhi kɛ yihi, afukpɔngɔhi, kɛ tejihi.

Mose I, 25:6

se benɛ e na we nɛ e gbo lolo ɔ, binyumuhi nɛ e kɛ e yi kpa amɛ fɔ ɔ hu, e ha mɛ nike níhi. Lɔ ɔ se ɔ, e wo bimɛ nɛ ɔmɛ blɔ kɛ ho beleku je zugba a nɔ ya, kɛ je e bi Isak he.

Mose I, 29:1

Yakob tsa e blɔ hiami ɔ nɔ kɛ ya si e ya su zugba a nɛ ngɛ beleku je ɔ nɔ.

Mose I, 34:23

Ke wa pee ja a, a lohwe ɔmɛ, kɛ a nɔ́ tsuaa nɔ́ ma ba pee wa nɔ. Enɛ ɔ he je ɔ, nyɛ ha nɛ waa kplɛɛ ha mɛ kɛkɛ, konɛ a kɛ wɔ nɛ hi si.”

Samuel II, 12:2

Niatsɛ ɔ ngɛ tohi kɛ nahi babauu nitsɛ;

Matsɛmɛ I, 4:30

Salomo le ní pe ní leli nɛ ngɛ beleku je kɛ Egipt tsuo.

Matsɛmɛ II, 15:20

Menahem he sika nɛ ɔ kɛ je Israel niatsɛmɛ ɔmɛ a dɛ; e tsu niatsɛ tsuaa niatsɛ sika hiɔ yi nyingmi enuɔ. Kɛkɛ nɛ Asiria matsɛ ɔ kpale kɛ ho e ma mi ya.

Matsɛmɛ II, 3:4

Moab matsɛ, Mesha a, to lɛlɔ ji lɛ; nɛ daa jeha a, e ya haa Israel matsɛ jijɔ akpe lafa, kɛ agbosuhi a he bwɔmi akpe lafa.

Kronika II, 26:10

E ma mɔhi ngɛ nga a nɔ hulɔ, nɛ e tsua vuhi fuu, ejakaa e ngɛ lohwehi babauu ngɛ kɔ̃ ɔ mi, kɛ nga a nɔ. Akɛnɛ e suɔ humi he je ɔ, e wo e ma mi bi ɔmɛ he wami, nɛ a hu wai ngmɔhi ngɛ yoku ɔmɛ a nɔ, kɛ kɔ̃ ɔmɛ a mi.

Kronika II, 32:29

Mawu ha Hezekia to, na, kɛ ní kpahi babauu nitsɛ, nɛ lɔ ɔ he je ɔ, e po mahi babauu.

Hiob 1:10

O baa Hiob yi, kɛ e we mi bimɛ, kɛ nɔ́ tsuaa nɔ́ nɛ e ngɛ, nɛ nɔ́ ko hia we lɛ. O gbaa e ní tsumi, nɛ o wo lɛ ní babauu ngɛ zugba a nɔ.

Hiob 1:4

Ke pee ɔ, Hiob binyumu ɔmɛ tsɛɔ ní yemi kakaaka ngɛ a we ɔmɛ a mi, nɔ tsuaa nɔ kɛ e be, nɛ a kpeeɔ a nyɛmimɛ yi etɛ ɔmɛ kɛ baa ní yemi ɔ.

Hiob 21:28

Nyɛ biɔ ke, “Jehanɛ lɛɛ jije ganɔ ɔ we ɔ ngɛ? Jije yiwutsotsɛmɛ ɔmɛ a sihi he ɔmɛ ngɛ?”

Hiob 29:25

I kɛ mɛ hi si kaa a hɛ mi nyɛɛlɔ; nɔ́ tsuaa nɔ́ nɛ hia kaa a pee ɔ, i tsɔɔ mɛ. I kɛ mɛ hi si kaa matsɛ ngɛ e ta buli a kpɛti, aloo bua wolɔ ngɛ kɔmɔ yeli a kpɛti.

Hiob 31:25

Ní babauu nɛ i na a, i fĩa we ngɔ fɔ nɔ.

Hiob 31:37

Jinɛ ma nyɛɛ kam kam kaa ganɔ kɛ ya Mawu ngɔ, nɛ ma ya bɔ lɛ nihi tsuo nɛ i pee ɔ.

Hiob 42:10

Jehanɛ, benɛ Hiob fa kue ha Yawɛ ngɛ e huɛmɛ etɛ ɔmɛ a he se ɔ, Yawɛ wo lɛ ní ekohu. Níhi tsuo nɛ Hiob hi sa a, Yawɛ bɔ he totoe enyɔɔnyɔ kɛ ha lɛ.

Hiob 42:12

Yawɛ gbaa Hiob ngɛ nyagbe be nɛ ɔ mi kulaa pe bɔ nɛ e gbaa lɛ kekle ɔ. Hiob ba na to akpe nyɔngma kɛ eywiɛ, afukpɔngɔ akpe ekpa, na blablɛ akpe kɛ teji akpe.

Abɛ Womi 10:22

Mawu gbaami lɛ peeɔ nɔ niatsɛ; dengme gbomi kɛ nɔ́ ko nɔ́ ko piɛ we he ha nɔ.

Yeremia 49:28

Kedar wɛtso ɔ, kɛ Hazor nɔ yemi he ɔmɛ nɛ Babilonia matsɛ, Nebukadnezar ba ye a nɔ ɔ, bɔ nɛ Yawɛ de ngɛ a he ji nɛ ɔ nɛ: “Nyɛɛ ya nɛ nyɛ ya tua Kedar, ma a, nɛ nyɛ kpata beleku je wɛtso ɔ hɛ mi!

Mose IV, 23:7

Kɛkɛ nɛ gba gbi nɛ ɔ je Balaam nya, nɛ e de ke, “Moab matsɛ, Balak ya kpee mi kɛ je Aram tɔɔ. E kpee mi kɛ je beleku yo ɔmɛ a nɔ, nɛ e de mi ke, ‘Ba nɛ o ba gbiɛ Yakob ha mi, nɛ o tu munyu kɛ si Israel!’

Manyadali 6:3

Be tsuaa be nɛ Israel bi ɔmɛ ma du ní ɔ, Midian, kɛ Amalek bi, kɛ ma amɛ nɛ ngɛ beleku je ɔ ma ba tua mɛ.

Manyadali 6:5

Ke a ma a, a hɛɛɔ a lohwehi, kɛ a bo tsuhi kɛ baa, nɛ a he hiɛɛ babauu kaa baalɛhi. A kɛ a we afukpɔngɔ ɔmɛ ɔ, nɔ ko nɔ ko nyɛ we mɛ kanemi; nɛ ke a ba a, a kpataa nɔ́ tsuaa nɔ́ hɛ mi ngɛ zugba a nɔ.

Manyadali 7:12

Midian bi ɔmɛ, kɛ Amalek bi ɔmɛ, kɛ ma amɛ nɛ ngɛ beleku je ɔ pueɔ si ngɛ kɔ̃ ɔ mi babauu kaa baalɛhi. A we afukpɔngɔ ɔmɛ ɔ, nɔ ko li a nya; a he hiɛ babauu kaa wo nya zia.

Manyadali 8:10

Zeba kɛ Zalmuna kɛ a tabo ɔ ngɛ Karkor. A hiɛmi maa pee kaa nyumuhi akpe nyɔngma kɛ enuɔ. Ni nɛ ɔmɛ ji ma amɛ nɛ ngɛ beleku je ɔ a tabo ɔmɛ a mi nimli nɛ piɛ; ejakaa ta buli akpe lafa kɛ nyingmi enyɔ sɔuu nɔ ngɛ ta nga a nɔ.

Samuel I, 25:2

Nyumu ko hi si nɛ je Kaleb weku ɔ mi. E biɛ ji Nabal, nɛ e je Maon, se e ngɛ zugba ngɛ Karmel. Nyumu nɛ ɔ, niatsɛ nguaa ji lɛ; e ngɛ jijɔ akpe etɛ, kɛ apletsi hu akpe. E yo, Abigail ɔ he ngɛ fɛu saminya, nɛ e ngɛ juɛmi hulɔ. Se lɛ nyumu ɔ nitsɛ lɛɛ amimitsɛ kɛ nɔmlɔ nɛ be subai ji lɛ.

Samuel I, 27:9

David ma kpata nɔ tsuaa nɔ hɛ mi, nɛ nyumu, loo yo kake po be piɛe hɛ ngmengmle. E maa muɔ tohi, nahi, tejihi, afukpɔngɔhi, kɛ tadehi po. Kɛkɛ e maa kpale e se kɛ ba Akish ngɔ.