Hiob 1:20 - BAIBLO ALOO NGMAMI KLƆUKLƆU Ɔ

²⁰ Kɛkɛ nɛ Hiob te da si, nɛ e kɛ aywilɛho hía tade ɔmɛ ngɛ e he, nɛ e sã e yi nɔ. E kpla si, nɛ e ngɔ e hɛ mi ngɔ bu si, nɛ e ja Mawu.

Hiob 1:20 ပူးပေါင်းရင်းမြစ်များ

Mose I, 37:29

Benɛ Ruben kpale e se kɛ ba muɔ ɔ he, nɛ e na kaa Yosef be muɔ ɔ mi ɔ, e kɛ aywilɛho hía e he tade ɔmɛ kɛ tsɔɔ kaa e hao lɛ.

Mose I, 37:34

Kɛkɛ nɛ Yakob kɛ aywilɛho hía e he tade ɔmɛ, nɛ e bu kpekpe ya bo; nɛ e nyɛ ya ha e bi ɔ ligbi babauu.

Matsɛmɛ II, 2:12

Benɛ Elisha na nɔ́ nɛ ɔ, e kpa ngmlaa nɛ e de ke, “Tsaatsɛ! Tsaatsɛ! Israel ta zugba lɛhi kɛ a we okpɔngɔ ta buli!” Nɛ e nɛ lɛ hu. Lɔ ɔ se ɔ, Elisha gba lɛ nitsɛ e tade ɔmɛ a mi enyɔ.

Kronika II, 7:3

Benɛ Israel bi ɔmɛ tsuo na la nɛ je hiɔwe ɔ, kɛ Yawɛ hɛ mi nyami ɔ nɛ ba hyi we ɔ tɔ ɔ, a kɛ a hɛ mi bu si ngɛ he nɛ a ka tɛ ngɛ ɔ. A ja Yawɛ, nɛ a na lɛ si, nɛ a de ke, “A je Yawɛ yi! Ejakaa e hi, Ejakaa e mɔbɔ nami ɔ ngɛ kɛ yaa neneene.”

Ezra 9:3

Benɛ i nu nɔ́ nɛ ɔ, i hía ye he tade sisi nɔ́, kɛ nɔha nɔ́ ɔ tsuo. I bɔni ye yi bwɔmi, kɛ ye kpɛni fami, nɛ i pee basaa kɛ hii si.

Hiob 1:19

Tlukaa a, kɔɔhiɔ nɛ nya wa hia kɛ je nga a nɔ blɔ kɛ ba na tsu ɔ kɔ nya eywiɛ ɔmɛ tsuo, nɛ tsu ɔ hule ngɔ pue nihewi ɔmɛ, kɛ yihewi ɔmɛ a nɔ, nɛ mɛ tsuo a gbo. Imi nɔ kake too lɛ i je mi, nɛ i ba konɛ ma ba bɔ mo amaniɛ.”

Hiob 2:12

Benɛ a ma ngɛ tsitsaa a, a na Hiob, se a yo we lɛ. Benɛ a ba yo lɛ ɔ, a wo yana nɛ a nya awe. A kɛ aywilɛho hía tade ɔmɛ ngɛ a he, nɛ a fĩa bunyuku kɛ ho hiɔwe ya kɛ pue a yi mi.

Mose II, 4:31

Ma a he ye. Benɛ a nu kaa Yawɛ ba na Israel bi ɔmɛ a nɔ́ nami ɔ, nɛ e ma nɛ e ba pee he nɔ́ ko ha mɛ ɔ, a kpla si nɛ a ja Mawu.

Yeremia 7:29

“Nyɛ sã nyɛ yi nɔ nɛ nyɛ sake bwɔmi ɔ pue he; nyɛɛ wo yana nɛ nyɛɛ ye kɔmɔ ngɛ yoku kpataa amɛ a nɔ, ejakaa imi Yawɛ ɔ, ye mi mi fu ye ma a, nɛ i kua mɛ.

Yoel 2:13

Nyɛ ha nɛ e hao nyɛ ngɛ nyɛ tsui mi; se pi kaa nyɛ ma hía nyɛ tadehi ngɛ nyɛ he kɛkɛ.” Nyɛɛ kpale kɛ ba Yawɛ, nyɛ Mawu ɔ ngɔ, ejakaa e mi mi jɔ, nɛ e naa mɔbɔ; e toɔ e tsui si; e yeɔ e siwo nɔ; e mi mi fu we mla, se mohu e kɛ nɔ́ paa.

Mateo 26:39

E ya e hɛ mi bɔɔ, nɛ e ya kpla si, nɛ e ngɔ e hɛ mi ngɔ bu si, nɛ e sɔle ke, “Tsaatsɛ, ke e maa hi ɔ, je amanehlu kplu nɛ ɔ kɛ je ye he kɛ ya se! Se kɛ̃ ɔ, a pee bɔ nɛ mo o suɔ; pi nɔ́ nɛ i suɔ.”

Mose V, 9:18

Jehanɛ, i ho ya kpla si ngɛ Yawɛ hɛ mi ekohu nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ. I pee ja ngɛ yayami nɛ nyɛ pee kɛ si Yawɛ kɛ wo e mi mi la a he.

Yoshua 7:6

Kɛkɛ nɛ Yoshua kɛ Israel ma nimeli ɔmɛ kɛ aywilɛho hía a tade ɔmɛ ngɛ a he, nɛ a ya bu si ngɛ Yawɛ somi daka a hɛ mi kɛ a yi mi zu kɛ ye kɔmɔ kɛ ya si gbɔkuɛ.

1 Petro 5:6

Lɔ ɔ he ɔ, nyɛɛ ba nyɛ he si ha Mawu, nɔ nɛ he wa, nɛ e buu nyɛ he ɔ. Kɛkɛ ɔ, ke e su be nɛ lɛ nitsɛ e to ɔ, e ma wo nyɛ nɔ.