Hiob 1:16 - BAIBLO ALOO NGMAMI KLƆUKLƆU Ɔ

¹⁶ Benɛ e ngɛ munyu ɔ tue kɛ mwɔɔ ɔ, tsɔlɔ kpa ba nɛ e ba de ke, “Oslabai gba pue to ɔmɛ kɛ to hyɛli ɔmɛ a nɔ, nɛ e gbe mɛ tsuo. Imi nɔ kake too lɛ i je mi, nɛ i ba konɛ ma ba bɔ mo amaniɛ.”

Hiob 1:16 ပူးပေါင်းရင်းမြစ်များ

Mose I, 19:24

Tlukaa a, Yawɛ ha nɛ la nɛ ngɛ tsoe gegeege je hiɔwe pue Sodom kɛ Gomora a nɔ.

Matsɛmɛ I, 18:38

Kɛkɛ nɛ Yawɛ ha la je hiɔwe ba sã sami bɔ ɔ, kɛ lɛ́ ɔ, kɛ tɛ ɔmɛ, kɛ tabo zu ɔ, nɛ e mii nyu ɔ nɛ ngɛ muɔ ɔ mi ɔ hulɔ.

Matsɛmɛ II, 1:10

Eliya he nɔ ke, “Ke Mawu nɔmlɔ ji mi ɔ, lɛɛ la nɛ e je hiɔwe ba sã mo kɛ o we bihi nyingmi enuɔ ɔmɛ!” Kɛkɛ nɛ la je hiɔwe ba sã asafoatsɛ ɔ kɛ e we bi nyingmi enuɔ ɔmɛ.

Matsɛmɛ II, 1:12

Eliya he nɔ ke, “Ke Mawu nɔmlɔ ji mi ɔ, lɛɛ la nɛ e je hiɔwe ba sã mo kɛ o we bihi nyingmi enuɔ ɔmɛ!” Kɛkɛ nɛ Mawu la a je hiɔwe ba sã asafoatsɛ ɔ kɛ e we bihi nyingmi enuɔ ɔmɛ.

Matsɛmɛ II, 1:14

Hyɛ, la je hiɔwe ba sã asafoatsɛmɛ enyɔ ɔmɛ kɛ a we bihi nyingmi enuɔɔnuɔ nɛ a sɛ hlami ɔ; i kpa mo pɛɛ nɛ o na imi lɛɛ mɔbɔ.”

La 45:3

Matsɛ nguaa, moo ngɔ o klaate ɔ kɛ wo o fiɔ he, konɛ a na o hɛ mi nyami, kɛ o we agboje ɔ tsuo.

Mose II, 9:28

Nyɛ kpa Yawɛ pɛɛ! Hiɔwe simi kɛ gbiɛ ngo ngu nɛmi nɛ ɔ ba hiɛ. Ma ngmɛɛ nyɛ he nɛ nyɛɛ ho; i be nyɛ nya tsie hu.”

Mose III, 10:2

Tlukaa a, la je Yawɛ ngɔ ba sã mɛ, nɛ a gbo ngɛ lejɛ ɔ.

Mose III, 9:24

Tlukaa a, Yawɛ ha nɛ la ba, nɛ e ba sã sami bɔ ɔ, kɛ zɔ ɔ nɛ ngɛ bɔ sami la tɛ ɔ nɔ ɔ. Benɛ ni ɔmɛ tsuo na nɔ́ nɛ ɔ, a he ose, nɛ a kɛ a hɛ mi bu si.

Amos 7:4

Nɔ́ kpa ko nɛ Nyɔmtsɛ Yawɛ je ngɔ tsɔɔ mi ngɛ nina mi ji nɛ ɔ nɛ: Nyɔmtsɛ Yawɛ tsɔɔ mi bɔ nɛ e ngɔ la kɛ gbla e ma a tue. La a sã muɔ voo ɔ nɛ ngɛ zugba a sisi ɔ, nɛ e bɔni zugba a hu sami.

Kpojemi 13:13

Lohwe awi yelɔ enyɔne ɔ peeɔ nyakpɛ ní nguahi; e haa nɛ la po jeɔ hiɔwe kɛ baa zugba nɛ nɔ tsuaa nɔ naa.

Samuel I, 14:15

Sawale nu Filisti bi ɔmɛ ngɛ nga a nɔ. Ta buli ɔmɛ, kɛ ní hali ɔmɛ tsuo a tsui po. Jehanɛ hu zugba mimiɛ, nɛ nɔ́ nɛ ɔ ha sawale nɛ nu mɛ ɔ nya ba wa pe kekle ɔ.