Hiob 1:10 - BAIBLO ALOO NGMAMI KLƆUKLƆU Ɔ

¹⁰ O baa Hiob yi, kɛ e we mi bimɛ, kɛ nɔ́ tsuaa nɔ́ nɛ e ngɛ, nɛ nɔ́ ko hia we lɛ. O gbaa e ní tsumi, nɛ o wo lɛ ní babauu ngɛ zugba a nɔ.

Hiob 1:10 ပူးပေါင်းရင်းမြစ်များ

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Mose I, 26:12

Isak du ní ngɛ jamɛ a zugba a nɔ, nɛ jamɛ a jeha a, e kpa nɔ́ nɛ e du ɔ yi totoe lafa, ejakaa Yawɛ gbaa lɛ.

Mose I, 30:30

Benɛ i ba a, lohwe bɔɔ pɛ o ngɛ. Se amlɔ nɛ ɔ lohwe ɔmɛ bɔ, nɛ a he hiɛ babauu; Yawɛ gu ye nɔ nɛ e kɛ gbaa mo babauu. Amlɔ nɛ ɔ, e su be nɛ ma to blɔ nya kɛ ha imi nitsɛ ye we ɔ.”

Mose I, 30:43

Blɔ nɔ nɛ Yakob gu nɛ e kɛ na ní kpɔtɔɔ ji nɛ ɔ nɛ. E na tohi, nyɔguɛhi, afukpɔngɔhi, kɛ tejihi babauu.

Mose I, 39:5

Kɛ je jamɛ a be ɔ kɛ yaa a, Yawɛ gbaa Potifar ngɛ Yosef he. E gbaa e weto ní tsuo: e we mi níhi, kɛ e ngmɔ mi níhi tsuo.

Mose I, 49:25

O tsɛmɛ a Mawu ɔ nɛ gbaa mo, Mawu Ope ɔ nɛ gbaa mo. E ha nɛ hiɔmi nɛ nɛ ha mo kɛ je hiɔwe; E ha nɛ nyu nɛ ba ha mo kɛ je zugba a mi. E ha mo lohwehi kɛ bimɛ babauu.

Hiob 1:3

kɛ tsɔli babauu. E ngɛ lohwe nɛ ɔmɛ hulɔ: to akpe kpaago, afukpɔngɔ akpe etɛ, na akpe, kɛ teji yo lafa enuɔ. Lɛ ji nɔmlɔ ngua pe kulaa ngɛ beleku je ma amɛ a mi.

Hiob 29:2

I na nɛ i ngɛ kaa bɔ nɛ i ngɛ sa a nɛ Mawu buɔ ye he ɔ.

Hiob 29:6

Jamɛ a be ɔ, ye na amɛ, kɛ to ɔmɛ haa mi nyɔ nyu babauu; nɛ hehi nɛ tɛ sa hiɛ ngɛ po, i naa oliv tsohi babauu nɛ haa mi nu bɔ nɛ sa.

Hiob 31:25

Ní babauu nɛ i na a, i fĩa we ngɔ fɔ nɔ.

Hiob 42:12

Yawɛ gbaa Hiob ngɛ nyagbe be nɛ ɔ mi kulaa pe bɔ nɛ e gbaa lɛ kekle ɔ. Hiob ba na to akpe nyɔngma kɛ eywiɛ, afukpɔngɔ akpe ekpa, na blablɛ akpe kɛ teji akpe.

La 107:38

Yawɛ gbaa e ma a; e ha nɛ a he ba hiɛ babauu nitsɛ; a lohwehi hu e ha we nɛ a nɔ nɛ gbɔ́.

La 34:7

Yawɛ bɔfo ɔ buɔ nihi nɛ yeɔ Yawɛ gbeye ɔ a he, nɛ e heɔ a yi wami.

La 5:12

Yawɛ, o gbaa nihi nɛ peeɔ nɔ́ nɛ da, nɛ o kɛ o suɔmi ɔ buu a he kaa tsɛ̃i.

La 71:21

O maa wo ye hɛ mi nyami babauu, nɛ o ma ha ye bua maa jɔ ekohu.

La 80:12

Mɛni he je mɔ lɛ o gbɛ piɛ ɔ ngɛ e he? Amlɔ nɛ ɔ, nɔ tsuaa nɔ nɛ bee ngɛ lejɛ ɔ gbaa ya tsɔɔ wai yiblii ɔ eko.

La 90:17

Nyɔmtsɛ, wa Mawu, naa wɔ mɔbɔ! Ha nɛ wa ní tsumi nɛ ya nɔ! Ee, ha nɛ wa ní tsumi nɛ ya nɔ!

Abɛ Womi 10:22

Mawu gbaami lɛ peeɔ nɔ niatsɛ; dengme gbomi kɛ nɔ́ ko nɔ́ ko piɛ we he ha nɔ.

Yesaya 5:2

E hu zugba a nɔ, e je tɛhi nɛ ngɛ mi ɔ tsuo, nɛ e du wai tso kpakpahi ngɛ mi. E ma mɔ ko nɛ a maa hi mi kɛ bu ngmɔ ɔ he, e tsua muɔ nɛ a maa nga wai yiblii kɛ wo mi. E mlɛ kɛ ya si be nɛ wai yiblii ɔ fu; se wai yiblii ɔmɛ tsuo dooɔ.

Yesaya 5:5

“Bɔ nɛ ma pee ye wai ngmɔ ɔ ji nɛ ɔ nɛ: ma je piɛ ɔ, nɛ́ nga mi lohwehi nɛ ba ye wai yiblii ɔ; ma ku gbogbo nɛ bɔle lɛ ɔ, nɛ a ba naa nɔ.

Zakaria 2:5

Yawɛ wo si kaa lɛ nitsɛ e maa pee gbogbo nɛ ngɛ kaa la nɛ ngɛ tsoe kɛ bɔle ma a; e maa bu ma a he, nɛ e hɛ mi nyami ɔ maa bɔle ma a.”

Zakaria 2:8

Nyɛ he jua wa ha mi saminya; lɔ ɔ he ɔ, nɔ nɛ maa ta nyɛ he ɔ, i be lɛ kplɛɛe.” Enɛ ɔ he je ɔ, Yawɛ Tabohiatsɛ ɔ tsɔ mi ke ma ba de je ma amɛ nɛ ba ha e ma a ní ɔ ke,

Mose V, 33:11

Lɔ ɔ he ɔ, Yawɛ, moo gbaa Levi bi ɔmɛ, nɛ a he nɛ wa. Ha nɛ a pee nɔ́ nɛ maa sa o hɛ mi. Moo ku a he nyɛli ɔmɛ tsuo a mi kɛ pue si, nɛ a ko te si gblegbleegble.”

Mose V, 33:27

Mawu nɛ ngɛ kɛ yaa neneene ɔ ji nyɛ wesa he. Lɛ ji nɔ nɛ baa nyɛ yi daa. Lɛ ji nɔ nɛ fie nyɛ he nyɛli ɔmɛ ngɛ nyɛ hɛ mi, nɛ e de nyɛ ke nyɛ kpata mɛ tsuo a hɛ mi ɔ nɛ.

Mose V, 7:13

e maa suɔ nyɛ, nɛ e maa gbaa nyɛ. E ma ha nyɛ he maa hiɛ, nɛ nyɛ ma fɔ bimɛ babauu. E maa gbaa nyɛ ngmɔ ɔmɛ, nɛ nyɛ ma na blɛfo, wai, kɛ oliv nu. E maa gbaa nyɛ, nɛ nyɛ na amɛ kɛ to ɔmɛ maa bɔ. Gbaami nɛ ɔmɛ tsuo e kɛ maa gbaa nyɛ ngɛ zugba nɛ e ka nyɛ nɛmɛ ɔmɛ kita ke e ma ngɔ ha nyɛ ɔ nɔ.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

Samuel I, 25:16

A bu wa he nyɔ kɛ pia be tsuo nɛ waa kɛ mɛ hi si nɛ wa ngɛ to ɔmɛ hyɛe ɔ.